Монгол Улсын анхны ардчилсан сонгуулийн 25 жилийн ойд зориулсан олон улсын хүндэтгэлийн хурал Шангри-Ла зочид буудлын хурлын танхимд үргэлжилж байна.
Монгол Улсын Ерөнхийлөгчийн зөвлөх П.Цагаан тус хурлын эхэнд хэлэхдээ “Монгол орны хувьд 1990 оны өдөр бүр түүхэн үйл явдлаар дүүрэн байсан.
Тэдгээрийн нэг, нэгэн оргил үйл явдал бол яах аргагүй 1990 оны 7 дугаар сарын 29-ний өдөр явагдсан анхны ардчилсан сонгууль юм” хэмээн тодотгоод 1990 оны цагаан морин жилийн хувьсгалын удирдагчдын нэг, 1990 оны АИХ-ын сонгуулийн 427 дугаар тойргийн депатутаар сонгогдсоноос хойш Монголын улстөрийн бүхий л амьдралд идэвхтэй оролцож буй Монгол Улсын Ерөнхийлөгч Ц.Элбэгдоржийг индэрт гарч үг хэлэхийг урьсан юм.
Монгол Улсын Ерөнхийлөгч Ц.Элбэгдорж хурлын үйл үйл ажиллагааг нээж хэлэхдээ уг хуралд хүрэлцэн ирсэн болон мэндчилгээгээ ирүүлсэн олон улсын төр засгийн удирдлага, олон улсын байгууллагын төлөөлөгчдөд талархалаа дэвшүүлээд өнгөрсөн 25 жилийн хугацаанд Монгол Улс сонгуулийн тогтолцоонд төдийгүй нийгэм, эдийн засгийн хүрээнд олон талын ололттой байсан гэдгийг тэмдэглэв.
Монгол Улсын Ерөнхий сайд Ч.Сайханбилэг мөн үеэр “Монгол Улсын ардчиллын 25 жилийн ололт, амжилт, сургамж” сэдвээр илтгэл тавьсан ба үүний дараагаар олон орны удирдагчдын болон олон улсын байгууллагын төлөөлөгчдөөс ирүүлсэн мэндчилгээг үзүүлж толилуулсан юм.
Өнөөдрийн олон улсын хүндэтгэлийн хурлын энэхүү танхимд Монголын төр нийгмийн зүтгэлтнүүд, мөн гадаадын 5 улс орон, 9 олон улсын байгууллага, хавсран суугаа Элчин сайд 13, Улаанбаатар хот дахь 26 дипломат корпусын тэргүүн зэрэг нийтдээ гадаадын 114 төлөөлөгчид, хүндэт зочид хүрэлцэн ирсэн байна. Хурлын үйл ажиллагааг Монголын үндэсний олон нийтийн телевиз, Ийгл, Блүүмерг телевиз орон даяар шууд дамжуулж байна.
Б.Туул
Эх сурвалж: "Монцамэ" агентлаг
Сэтгэгдэл0
Оргил хэсэг нь биш л дээ.Та нарын хийсэн ардчилсан завхралын оргил хэсэг нь өнгөрсөн 1921-1990 онуудад хуримтлуулсан бүх ард түмний өмчийг "өмч хувьчлал" гэдэг сайхан нэрээр халхавчлан үнэгүй дээрэмдэн авсан тэр үйл явдал байсан шүү дээ.Ардчилсан хувьсгалаар халхавчлан та нар өмчтэй болж өмчиндөө тулгуурлан ард түмнийг мөлжин дарагуйлагч капиталист нийгмээ байгуулсан.Үүнийгээ та нар хэзээ ч үгүйсгэж чадахгүй.
ардчилал нэрээр идсэн ууснаа, хэрхэн баяжсанаа, хэдэн авгай сольсноо, унтаж хэвтсэн хэдэн хүүүхэн гадагш гаргаснаа, хэдэн байр, хэдэн машин гээд л насаараа идэх хур хөрөнгөө энд тэнд барьсан баар ресторан хауснуудаа дэлгэж яриач луйварчид аа та нарын төлөө саналаа өгсөндөө харамсавч баршгүй ээ халаг ээ халаг ингэж ажиллах ч гэж дээ 3 хан сая монголчууд эх орондоо гадны хүнд зодуулж эх орондоо амьд явах баталгаагүй эх орондоо сайхан амьдарч чадахгүй байна та нар идэж ууж болоогүй юу наад аав ээж ах дүүс эхнэр хүүхэд хамаатан садан чинь цадаагүй юу чи өөрөө хэд наслах вэ үхэхдээ бүгдийг авсандаа аваад орох уу миний ард түмэн монголчууд аа сонгуульд битгий оролц хэн ч бүү оролц энднийг бүгдийг авч хаяя хөөн зайлуулья насаараа идэх хураасан хөрөнгөө аваад там руугаа тонил авсандаа аваад ор тэврээд яв
ард түмнийхээ итгэлийг их эвдэж дээ хөөрхий бүгд л үзэн ядаж байна 76 огцрох болжээ сонгууль дөхөж байна гээд жүжиг шийгээ тоглох хэрггүй одоо ч ард түмэн хууртагдахаасаа өнгөрсөн байхаа даа монгол хүний саруул ухаан мөхөөгүй мөхөх ч үгүй Зоригийг АН ын луйварчид та нар алсанаа одоо нуух хэрэггүй дээ ард түмэн аль хэдийн мэднэ төр барьж байгаа 76 огцрох хэрэгтэй ухамсараараа