Монгол Улсад 2015 оны эхний таван сарын байдлаар авлига, албан тушаалын гэмт хэргээс үүдэн 30 тэрбум төгрөгийн хохирол гарчээ. Үүнээс 577 сая төгрөгийг мөрдөн байцаалтын явцад нөхөн төлүүлсэн талаар Авлигатай тэмцэх газрын өгсөн өнөөдрийн тайлан мэдээлэлд онцолсон юм.
Дээрх томхон хэргээс долоон тэрбум гаруй төгрөгийн эд зүйлийг битүүмжлэн хамгаалсан байна. Харин яллах дүгнэлт үйлдүүлэхээр шилжүүлсэн хэргээс оны эхний таван сард ЭМЯ-ны Төрийн нарийн бичгийн даргаар ажиллаж байсан Н.Түмэндэмбэрэл, ОБЕГ-ын гал түймэртэй тэмцэх газарт тасгийн даргаар ажиллаж байсан Д.Тогооням, ИХШХЕГ-ын хяналт шалгалтын улсын ахлах байцаагч Ж.Пунцаг, Баянхонгор аймгийн Заг сумын Засаг дарга Э.Мөнхбаяр нарын 36 хүнд холбогдуулсан эрүүгийн 11 хэрэг шүүхээр шийдвэрлэгдсэн байна.
Авлигатай тэмцэх газраас 217 үйлдэл, 147 эрүүгийн хэрэгт мөрөн байцаалтын ажиллагаа явуулжээ. Энэ дундаас хамгийн олон гарсан хэргийг онцлоход албан тушаалаа урвуулан ашиглах үйлдэл хамгийн их бүртгэгдсэн байна. Эхний хагас жилд албан тушаалаа урвуулан ашигласан 93 хэрэг гарчээ.
Төрийн албан тушаалтан эрх мэдлээ хэтрүүлсэн 35, төрийн бус байгууллага, аж ахуйн нэгжийн албан тушаалтан эрх мэдлээ урвуулан ашиглах 25 хэрэг гарсан байна. Авлигын хэрэг ийнхүү дээд албан тушаалтнаас хэтрээд дунд болон доод албан тушаалтан руу ч "халдварласан" нь харагдана. Энэ бол нийгэмд ихээхэн хор уршигтай юм.
Ж.Батсайхан
Эх сурвалж: "Монцамэ" агентлаг
Сэтгэгдэл0
Наад авилга чинь гаараад торийн том эмнэлгийн эмч нар алхам тутамд монго нэхнэ , монго огохгуй бол байр сууцаа засуулна ,бараа товар авна,сувилагч нар нь эм тариа байхгуй гээд гаднаас авчруулаад улсын эм тариагаар бизнес хийнэ , торийн албаны дунд ,дээд шатных нь мест бухэн дээрээ монгоор л ходолно шуу дээ.ингээд улсад орох ихэнх монго хувь хуний карманд орчихно. Ингэж мест бухэн дээрээ идэж байхад улс яаж ондийх вэ? Хун тус бур авилгаас татгалзахыг хусье.
Чи эмч нар мөнгө нэхнэ гэж ирээд битгий бүх хүмүүсийг гүтгэ.Монголчууд машинаа засуулах бол хүний хэлснийг өгнө.Тэгсэн мөртлөө эмнэлэгт очихоороо зүгээр үзүүүлэх гээд дайрна. Улс төрчидийн хамгийн их бизнес хийдэг юм бол үнэгүй эмнэлэг байдаг гээд байдаг. Гэмтлийн эмнэлэгийг хар зодолдоод толгой хаглуулчихаад үнэгүй рентгенд харуулна, гэтэл хаалга нь салаад уначихсан байх юм. Монголчууд Монголдоо бол мөнгө өгөхгүй харин Солонгос Хятадад бол хэдийг л бол төлнө. ХАмйгийн их улс төрийн хэлмэгдэлд орсон салбар бол эрүүл мэндийн салбар болж дээ