Улаанбаатар хотын Замын цагдаагийн газрын МШУЗХ өчигдрийн байдлаар 367 дуудлага мэдээ мэдээлэл хүлээн авснаас зам тээврийн ослын 286 дуудлага бүртгэгдсэн байна.
Үүнээс замын хөдөлгөөний аюулгүй байдлын эсрэг гэмт хэрэг 15 бүртгэгдэж 22 хүн хүндээр гэмтсэн мэдээ иржээ. Үүнээс зам тээврийн осолд гурван хүүхэд өртсөн байна. Согтуугаар тээврийн хэрэгсэл жолоодож зам тээврийн осолд холбогдсон жолооч тав, явган зорчигч хоёр, Согтуугаар тээврийн хэрэгсэл жолоодсон 90 жолоочийг илрүүлж гарч болзошгүй осол хэргээс урьдчилан сэргийлсэн байна.
Баянзүрх дүүргийн нутаг Дарь эхийн зам, 102 дугаар сургуулийн зүүн замд "Toyota Corolla"маркийн авто машины жолооч Б нь явган зорчигч 14 настай эрэгтэй Ш-г мөргөж гэмтээжээ. Мөн Сүхбаатар дүүргийн нутаг дэвсгэр Дамбадаржаагийн зам, Япон цэргийн цогцолборын урд замд "Sonota" маркийн авто машины жолооч Т нь авто машинтай мөргөлдсөнөөс зорчигч дөрвөн хүн гэмтэл авчээ.
Ж.Батсайхан
Эх сурвалж: "Монцамэ" агентлаг
Сэтгэгдэл0
Согтуугаар жолоо барьсан нөхцөлд маш өндөр нэг саяаас дээш торгууль төлж эрхийг нь нэг жилээс дээш хасана гэсэг яриа гарснаас хойш ийм гайгүй мэдээ дууллаа.Баярлалаа
teneg joloochoos bolj hunii ami hohirch baina