Бямба - 04 сарын 20,
2024
Өнгөрсөн бүтэн сайны өглөө Улаанбаатар даяар цахилгаан тасарч, тэр аяараа газын зуухны эрэлд гарцгаасан билээ. Хотын гудамжаар дүүрэн тролейбус таг зогсож, явган харайлгах хүмүүс гудамжаар нэг багширсан. Улаанбаатарыг тэр чигээр харанхуйлуулсан хэргийн эзнээр нэг муу жаахан богширго шувуу тодорч, “Ишш чааваас ганц муу шувуунаас болж хот даяараа харанхуйлж байдаг таарч дээ” гэцгээгээд өнгөрсөн.
Болсон явдлын учир нь Цахилгаан дамжуулах үндэсний сүлжээ төрийн өмчид ХХК-ийн 220/110 35 квт-ын Улаанбаатар дэд станцад богино холболтын улмаас гал гарч үүнээс үүдэн нийслэлчүүд цахилгаангүй болсон байдаг. Галын шалтгаан нь дэд станцын хаалтны завсар зайгаар өчүүхэн жаахан богширго нисч ороод хүчдэлд наалдан богино холбоо үүсгэж л дээ. Түргэн авсан нийслэлийн Онцгой байдлын газрын Гал унтраах, гурван анги хүчээ нийлүүлж, 22 албан хаагч ажиллаж байж нэг юм галыг унтраасан байна лээ.
Улаанбаатар дэд станцад гал гарсны улмаас III, IV цахилгаан станцын шугамд хүчдэлийн савалт үүсч, нийслэл даяар цахилгаан тасарсан юм билээ.
Тэгвэл өчүүхэн ганц муу шувуунд хойшид ийнхүү чадуулаад байхгүйн тулд Монгол Улсын Засгийн газрын 2015 оны тавдугаар сарын 25-ны өдрийн ээлжит хуралдаанаар эрчим хүчний салбарт хэрэгжих томоохон төсөл хөтөлбөрийн асуудлыг хэлэлцэн шийдвэрлэжээ.
Эрдэнэтийн дулааны цахилгаан станцын шинэчлэлийг энэ онд эхлүүлнэ. Манай улсын цахилгаан эрчим хүчний хэрэглээ сүүлийн жилүүдэд 8-10 хувиар өсч байгаагаас 2012-2013 оноос эхлэн төвийн эрчим хүчний систем чадлын дутагдалд орж эхэлжээ. Иймд “Эрдэнэтийн дулааны цахилгаан станц” ТӨХК-ийн суурилагдсан хүчин чадлыг 35 МВт-ын турбонгенератороор өргөтгөх, зарим тоног төхөөрөмжийг шинэчлэх төслийн гүйцэтгэгчийг зохих журмын дагуу сонгон шалгаруулж, гүйцэтгэгчтэй түлхүүр гардуулах нөхцөлөөр гэрээ байгуулан 2015 онд ажлыг нь эхлүүлэх арга хэмжээ авахыг Эрчим хүчний сайд Д.Зоригт, Сангийн сайд Ж.Эрдэнэбат нарт даалгав. Мөн төслийг хэрэгжүүлэхэд шаардагдах хөрөнгийн асуудлыг Хөгжлийн банкны гүүрэн санхүүжилтийн механизмаар шийдвэрлэхийг тус банкны төлөөлөн удирдах зөвлөл, Сангийн сайд, Эрчим хүчний сайд нарт үүрэг болгожээ.
Эрдэнэтийн дулааны цахилгаан станц 1987 онд ашиглалтад орсон, 150 мянган цаг ажиллахаас 204 мянган цаг хүртэл хэтэрч ажиллаж, ашиглалтын хугацаа дууссан гэнэ. Мөн Орхон аймагт ашиглалтад орох төмөрлөгийн үйлдвэр, “Эко”, “Өнөр”, “Залуус”, “Элит” хорооллууд болон тус аймгийн хөгжлийн ерөнхий төлөвлөгөөнд хэд хэдэн хорооллыг шинээр барихаар төлөвлөсөн. Иймд цахилгаан, дулааны эрчим хүчний эх үүсвэрийг нэмэгдүүлэх шаардлага үүсчээ.
“Эрдэнэтийн дулааны цахилгаан станц” ТӨХК-ийн суурилагдсан хүчин чадлыг нэмэгдүүлснээр Эрдэнэт хот болон төвийн бүсийн эрчим хүчний систем, Алтай-Улайстайн эрчим хүчний систем, Баянхонгор, Өвөрхангай зэрэг аймгийн эрчим хүчний систем сайжирч, тухайн бүс нутгуудад шинээр барилга байгууламж барих, бусад дэд бүтцийн төслүүдийг цахилгаан эрчим хүчээр хангах нөхцөл бүрдэх аж. Тус станцыг шинэчлэх төслийн нийт өртөг 55 сая ам.доллар бөгөөд 10 гаруй жилд өртгөө нөхөх, жилд 7.4 тэрбум төгрөгийн ашигтай ажиллах тооцоог хийжээ.
Эгийн голын усан цахилгаан станцын урьдчилсан шатны дэд бүтцийн ажлыг эхлүүлнэ
Төрийн өмчийн концессын зүйлийн жагсаалтад Эгийн голын усан цахилгаан станцын урьдчилсан шатны дэд бүтцийн ажлыг нэмлээ. Энэ төслийн хүрээнд 220 кВ-ын 2 хэлхээт 72,3 км цахилгаан дамжуулах шугам, төслийн талбар дахь 110/10 кВ-ын түр дэд станц, Эрдэнэт дэд станцын 110 кВ хүчдэлийн түвшин талын нэг гаргалгааны өргөтгөл, Эрдэнэтийн Говил тосгоноос төслийн талбар хүртлэх 73,9 км авто зам, Сэлэнгэ мөрөн дээгүүр гарах гүүр зэрэг ажил багтаж байгаа юм. Эгийн голын усан цахилгаан станц нь эрчим хүчний нэгдсэн сүлжээнд холбогдож тохируулга хийх, оргил ачааллын үед импортыг орлох стратегийн ач холбогдол бүхий обьект бөгөөд эрчим хүчний сүлжээний найдвартай ажиллагааг хангах чиглэлээр Монгол Улсын үндэсний аюулгүй байдалтай шууд холбоотой тул Концессын тухай хуульд заасны дагуу станцын эхний шатны ажлыг шууд гэрээ байгуулан гүйцэтгэхээр шийдвэрлэлээ.
Урьдчилсан шатны ажлын зураг төслийг зохих журмын дагуу боловсруулж, магадлал хийлгэсэн бөгөөд барилгын ажлын өртөг 61,3 сая ам.доллар гэж тооцоолсон байна. Төсөл санхүүжүүлэх хөрөнгийг БНХАУ-ын Засгийн газар хоорондын хөнгөлөлттэй зээлийн эх үүсвэрээс эргэн төлөхөөр шийдвэрлэсэн байна. Ийнхүү Монгол Улсын Эрчим хүчний салбар ганц муу шувуунаас болж доголддог байдал удахгүй түүх болох аж.
Эх сурвалж:
.jpg)
Сэтгэгдэл0
наад нэг том бөгстэй даргыг нь хусаад хаячихсан чинь УБ тэр чигээрээ тоггүй, бүх машин бензингүй болчихсон. хахахаха бяцхан шувуу цахилгаан тасалсан уу? кккккк наад нөхөр чинь өөрөө очоод богино холбоо үүсгэсэн л байхгүй юу даа. шалгаад хариуцлага тооцох хэрэгтэй.
HUURHII SHUVUU,BARUUND UNDUR HUCHDELIIN SHUGAMAND SHUVUU OIRTUULAHGUI GEJ SHON DEER NI SUULGADAGGUI HADAASNUUD BAIDAG.
Сүүлийн үед манай төр засгаас явуулж байгаа бодлогыг харахад ахиад л АНУ-ын талыг баримтлах бодлогоо эрчимтэй явуулж эхэллээ. АНЭ улс, Япон улсууд АНУ-ын хамгийн үнэнч холбоотнууд, Хятадын талаар баримтлах бодлогоороо Энэтхэг АНУ-тай нэгддэг. Энэ ер нь юунд хүргэдэг бол? Зах зээлд шилжсэн цагаас эхлэн бид АНУ гэж сээхэлзэн 2 хөршөө элдвээр муучлан бүр хараан зүхэж 20-иод жилийг ардаа орхилоо. Гэвч үүнээсээ болж хожсоноосоо илүү алдсан бишүү? Уулын бугыг хараад унасан морио голов гээч болоогүй гэж үү? Хамгийн наад зах нь гэхэд байгаль ан амьтан гэж хоосон сүржигнэж байгаад 2 хөршийг холбосон хийн хоолойг хоёр талаараа тойруулаад тавиулчихлаа. Хэрэв бид хийн хоолойг нутгаараа дамжуулж чадсан бол олон асуудлаа шийдэхийн зэрэгцээ зүгээр сууж байгаад л “ногоон” уутлах байв. Сүүлд нь манайхан дахин дахин гуйсанч АНУ-ын заавраар Украйн шиг загнаж магадгүй гээд итгэж өгсөнгүй. ЭЗ-ийн хувьд асар их унацтай ийм төслүүд дээр тун уян хатан ухаантай хандахгүй бол алдхад тун амархан байдаг бололтой. Болгар улс ч гэсэн ЁХ-ныхаа заавраар жаахан томроод орхисон чинь Туркууд тэр төслийг нь уухайн тас хүлээн авч өөрийн нутгаар дамжуулан тавихаар болгочхооод гуяа алгадан баярлацгааж байна. Өнгөрсөн хойно нь Болгар матрын нульмис гоожуулан гуйгаад ч тусыг эс олов. Гэхдээ хоёр хөршийхээ дундаас хожих бидний боломж шавхагдаагүй байна. Одоо бид 2 хөршийхээ итгэлийг олж Ази-Ёвропыг холбосон хурдны замыг өөрийн нутаг дээгүүр тавиулах. Хийн хоолойтой адил манай талаас хөрөнгө мөнгө шаардахгүй 2 хөрш хурдны замаа тавина ашиглалтад оруулна, энэ замаар Ази-Ёвропын бүх орнууд бараагаа зөөнө бид татвараа авна.Энэ бол маш их мөнгө байх болно.Зарим ЭЗ-ийн тооцоолж буйгаар ОТ-оос хол давна гэж үзэж байна. Аливаа менежментэд эцсийн үр дүн л хэрэгтэй, эцсийн үр дүн гэвэл монголчууд бид наад зах нь мөр бүтэн, хоол ундтай, цалин нь амьдрал ахуйдаа хүрдэг ирээдүйдээ итгэлтэй амьдрах нь чухал, ийм нөхцөлд л Монголчууд жинхэнэ утгаараа хийж бүтээж туурвиж хэн гэдгээ харуулах болно, ходоод хоосон байж талбай дээр гарч Эбинууд эрлийз гэж хашгирах эрх чөлөө бидэнд хэрэггүй.
Энэ одоо юу вэ. Ард түмнээ доромжлоод байгаарай. Дэд станцын хаалт богширого шувуу нисэж ортолзаөйтай байхдаа яахав дээ.Ихээхэн устай борооны ус урссан бол борооны буруу болох юм уу.Арай чдээ.
ямар амиа золиослогч бишдээ ганц нэг шувуунд чадуулж нтр гэцэн тэнэг юм бичхийн.