Манай улс 2006 онд АСЕМ-ын гишүүнээр элссэнээс хойш тус байгууллагын үйл ажиллагаа, санал санаачилгад идэвхтэй оролцож байгаа юм.
Ази, Европын Дээд түвшний XI уулзалт 2016 оны долдугаар сард Улаанбаатар хотод болно. 51 орны Төрийн тэргүүн, Засгийн газрын тэргүүн, Гадаад хэргийн сайд нар, олон улсын байгууллагын удирдлага, хэвлэл мэдээллийнхэн зэрэг нийт 5000 гаруй зочид, төлөөлөгч оролцохоор төлөвлөж байна.
Манай улсад болох дээд хэмжээний энэ уулзалтыг зохион байгуулах ажлыг удирдан зохион байгуулах, чиг үүргээр хангах Үндэсний зөвлөлийг Ерөнхий сайд Ч.Сайханбилэг ахлан ажилладаг бөгөөд тус зөвлөлийн ээлжит хурал боллоо. Хурлаар зочид буудлуудын хөрөнгө оруулалтын санхүүжилт, АСЕМ-11 уулзалтын логоны уралдааны дүн, уулзалтын сэдэв, дээд түвшний уулзалтыг дагалдах арга хэмжээнүүдийн тов зэрэг асуудлыг ярилцлаа. Уулзалтад ирэх төлөөлөгчдийн орон байр, зочид буудлуудын бэлэн байдлыг хангах, хүчин чадлыг нэмэх, үйлчилгээний чанар стандартыг дээшлүүлж олон улсын түвшинд хүргэх шаардлага байна. Зочид буудлуудад ямар туслалцаа дэмжлэг үзүүлж болох талаар ярилцлаа. Энэ асуудлыг Засгийн газрын хуралдаанаар хэлэлцүүлэх юм. Лого шалгаруулах уралдаанд 22 оролцогч 35 бүтээл ирүүлснээс эхний гурван байрт шалгарсан бүтээлийг Үндэсний зөвлөлд танилцуулсан бөгөөд ирэх сард олон нийтэд зарлах юм байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
Б. Туул
Эх сурвалж: "Монцамэ" агентлаг
Сэтгэгдэл0
Улс орны нэр хүндийг олон улсад гаргах нь хэрэгтэй байлгүй яах вэ. Гол нь чанартай утга төгөлдөр харуулбал зүгээр юм. Аливаа юм хэр хэмжээндээ байвал утга төгөлдөр болдог юм. Хөнжлийн хирээр хөлөө жий ч гэдэг Хэрээ галуу дуурайж хөлөө хөлдөөнч гэдэг хирээ мэдэж бяраа тань ч гэсэн сургаал байдаг Юу гэх гээд байна вэ гэвэл том том бяр чадалтай орнуудтай зиндаархисан, хоосон цээж дэлдсэн бидний байдал АСЕМ-ийн уулзалтанд тохирохгүй байна. Эдийн засаг, төсөв санхүү нь дампуурдаг дээрээ тулаад, төсвийн хөрөнгө оруулалтаар хийсэн ажлын санхүүжилтээ өгч чадахгүй гацаанд орчихсон байхад нэг их нэр төр хөөцөлдсөн зардал чирэгдэл болсон энэ ажил хэр оновчтой юм болдоо олон түмэн минь
Яг үнэн,Хөнжлийн хэрээр хөлөө жии гэдэг мундаг үг шүү. эхэ хурлаар далимдуулж нэг хүн их л нэрд гарахыг бүр дэлхийн шагнал авахыг горилж байгаа гэдэг яриа байдаг юм байна лээ.Өчигдөрийн энэ хурлын тоймыг ТВ гээр харж байхад нөгөө хэдэн компаниуд зочид буудлууд нь төрөөс хөрөнгө оруулалт нэхээд сууж байна лээ, Энэ та бүхний хувийн өмч төр та нараар үйлчлүүснийхээ төлбөрийг өгөх нь зүй болохоос нэгэнт зочдыг хүлээж авах гэж байгаа бол зочид буудлынхан,компаниуд зочдоо өрсөлдөөн дундаас олж авах, ор хонгийн захиалга авч орлого олох нь энэ нийгмийн үйлчилгээний салбарын алтан дүрэм. Соц үеийн төлөвлөгөөт эдийн засаг нэгэи жигд байх гэдэг тэнэг ойлголтоосоо ухраач.
2013 онд болсон хурлаасаа ичдэггүй юм байхдаа. Шээс шивтэр хөлс хир үнэртсэн хачин царай муутай Микро болон автобусаар үйлчилгээ явуулж байсныг мэдэх юм байна.Уг нь сайхан санаа байвч улс монгол чинь хүмүүсийн сэтгэл зүй, соёл нь арайл болоогүй байна.
хоосон шоу шүү дээ. Энд тэнд зүгээр зугаалсан томчуул. Элбэгдорж олон оронд өр тавьж идэж ууж авсан болохоор одоо нэг ээлж нь ирэхэд шууд улсын төсвөөс 200 сая доллар зарлагдаж байгаа ююм байна. Үе үеийн хурлуудыг судлаад үзээрэй. Бөөн цаасан дээр бичсэн баахан хэрэгждэггүй тунхаг бичиг. Сүртэй, дуулиантай мөртлөө юу ч шийдэж чаддаггүй. ахахахаха Дэмбэрэл даргаас асуугаарай. хурлаас яаж мөнгө цохидог болохыг