Ерөнхий сайдын зөвлөх Ц.Мөнхтөр өнөөдөр сэтгүүлчдэд мэдээлэл хийхдээ Авлигатай тэмцэх газрын дэд дарга Б.Хурцыг Тагнуулын ерөнхий газрын даргаар томилсон нь хууль зөрчөөгүй хэмээн мэдэгдлээ.
Тэрээр “Хуульд зааснаар Авлигатай тэмцэх газрын дарга, дэд даргыг томилох, чөлөөлөх бол УИХ-аар асуудлыг оруулж, хэлэлцүүлэн батлуулдаг ч АТГ-ын дэд даргыг Тагнуулын ерөнхий газрын даргаар томилохдоо өөртэй нь санал солилцсон. Тухайн хүн өөрөө ажлаасаа чөлөөлөгдөх хүсэлтээ өгснөөр хуулийн дагуу болдог юм байна. Үүнд хууль зөрчсөн зүйл байхгүй. Ерөнхий сайд бүтэц хүлээхгүйгээр томилгоо хийж болно. Төрийн ажил тасралтгүй үргэлжлэх ёстой” гэсэн тайлбар хийлээ.
Ж.Батсайхан
Эх сурвалж: "Монцамэ" агентлаг
Сэтгэгдэл0
Хурц өөрөө ямар хүн бэ Нэр хүнд ямар билээ гэсэн асуулт зүй ёсоор гарч ирж байнаа Тэгээд ч тусгай даалгавар гүйцэтгэдэг өш хонзон авдаг хов живээр ажилладаг гээд сөрөг дагавар ихтэй өөрөө нилээд их хо-той хүн шүү