БСШУ-ы сайдын төсвийн багцад 2015 онд гадаадад оюутан суралцуулахаар баталсан зардлын хэмжээнээс хамаарч сонгон шалгаруулалтын дүнгээр эхний 35-д жагссан иргэдийн сургалтын төлбөрийг энэ онд гэрээ байгуулан санхүүжүүлэхээр шийдвэрлэжээ.
Оюутан суралцуулах сонгон шалгаруулалтыг энэ сарын 6-20-нд зохион байгуулсан байна. Сонгон шалгаруулалтын шаардлага хангасан 165 иргэн бүртгэлд хамарчээ. Тэдний 65 нь АНУ-ын Harvard, Stanford, UC Berkeley, California-гийн их сургууль зэрэг дэлхийн шилдэг их, дээд сургуулийн жагсаалтын эхний 20-д багтсан сургуульд тэнцэж урилга авчээ. Эдгээр оюутнууд өөрийн хүссэн мэргэжлээр суралцах бүрэн боломжтой юм.
БСШУ-ы сайдын тушаалаар "Дэлхийн шилдэг их сургуульд оюутан суралцуулах журам"-ын дагуу сонгон шалгаруулалтыг зохион байгуулах ажлын хэсэг байгуулан ажиллажээ. Тус ажлын хэсэг удирдамжийн дагуу шалгуулагчийн баримт бичгийг үнэлж, дэлхийн шилдэг сургуулийн 1-20-д жагссан сургуульд тэнцсэн болон шилдэг сургуулийн 21-80-д жагссан сургуульд тэнцэж баримт бичгийн үнэлгээгээр 23-аас дээш оноо авсан 96 шалгуулагчийг ярилцлагад оруулжээ.
Ярилцлагыг биечлэн болон цахим хэлбэрээр зохион байгуулж, шалгуулагчдыг ажлын хэсгийн гишүүн тус бүрийн үнэлгээний дундаж оноогоор жагсаасан байна.
Дэлхийн шилдэг 100 сургуулийн эхний 20-д багтсан сургуулиас урилга авсан иргэдийн тоо, сонгон шалгаруулалтад орсон иргэдийн сурлагын чанар жилээс жилд өсч байна гэж албаныхан хэллээ. Тиймээс суралцах урилга авсан сургуулийн чансаа, тэргүүлэх чиглэлийн мэргэжил болон сонгон шалгаруулалтын дүнг үндэслэн 36-70-д жагссан иргэдийн сургалтын төлбөрийг 2015 оны улсын төсвийн тодотголд тусгуулан санхүүжүүлэхээр төлөвлөжээ. УИХ-аас 2015 оны улсын төсөвт тодотгол хийн, гадаадад оюутан суралцуулах зардлыг нэмж баталсан тохиолдолд эдгээр иргэдийн сургалтын төлбөрийг төрөөс санхүүжүүлэх аж.
Ж.Болор
Эх сурвалж: "Монцамэ" агентлаг
Сэтгэгдэл0
Сонгон шалгаруулалтыг зохион байгуулсан ажлын хэсэг шудрага ажиллаагүй. Зохион байгуулалт муу байсан.
ene shig hudal um bhgui.Mungutei ailiin huuhduud mungu uguud shalgaltand tentschihsen USA-d ireed 2 ug medehgui usan tolgoinuud gologdchihson bnlee st.Ingej hulhidaj surguulid orj mongoliin neriig gutaaj bhaar uurtuu tohirson surguulidaa orohod yanadaa.Ireeduid ajil deer garaad diplomiin gol bolj ergen toirondoo gologdoj shanalah zovlong bieyer amssan uedee oilgoh bhdaa.
Shalgalt avch bgaa mungunii boolnuud uy hiij bgaagaa meddegch boloosoi!!!!!!!!!!!! Mongold unen um neg ch alga.
нэгнээсээ хуулаал тавиад байх юм .Энэ сэтгүүлчид болимоор юм.Хариуцлаг тооцооч юун дэлхийн шилдэг 100 сургуульд 65 оюутан тэнцсэн гэж 165 оюутан тэнцсэн юм шүү.Бүртгэл хангасан гэдэг чинь дэлхийн шилдэг 100 сургуульд урилга авсан иргэд ордог юм.Улс орон даяар л 65 хүн л тэнцлээ гээд байх юм бүх мэдээллийн хэрэгсэлээр шүү .Жич: Мэдээ.mn Ikon гэх мэт
Гарчигаа зөв бичээч хэнийг доромжлоод байгаа юм бэ нэг нь алдаатай бичихээр бүгд даагаал алдчихдаг 10 жилийн хуулдаг жаалууд шиг бичих юм.