Монгол Улсын Их Хурлын дарга З.Энхболд өнөөдөр /2015.03.06/ Өмнөговь аймагт ажиллах үеэрээ Ухаа худаг-Гашуунсухайт чиглэлийн 267 км төмөр замын далангийн ажлын явцтай танилцав. Тавантолгойгоос-Гашуунсухайт чиглэлийн 267 км төмөр замын барилгын ажил 2013 оны 5 дугаар сард эхэлснээс хойш хоёр жил ажил хэвийн үргэлжилж далангийн ажлын гүйцэтгэл 86 хувь, хоолой, гүүрийн ажил 63 хувьтай явагдаж байгааг “Монголын төмөр зам” ТӨХК-ийн гүйцэтгэх захирал П.Бат-Эрдэнэ УИХ-ын даргад танилцуулсан юм.
Мөн тэрээр, барилгын ажлын ерөнхий гүйцэтгэгчээр Солонгосын “Samsung C&T” компани ажиллаж байгаа бол зөвлөх компани буюу гэрээний ажлын хяналтыг Германы “Дойчэ бан интернешл” компани тавьж ажиллаж байна. “Монголын төмөр зам” ТӨХК өдөр тутмын үйл ажиллагаа, барилгын ажлын явцад захиалагчийн хяналт тавьдаг болохыг онцлов.
Тус чиглэлд тавигдаж буй 267 км төмөр замын ажил хоёр жилийн дараа дуусах төлөвлөгөөтэй байгаа бөгөөд үүний үр дүнд эдийн засгийн болон экологийн өндөр ач холбогдолтой талаар мөн мэргэжилтнүүд онцлон танилцуулж байсан. Тодруулбал, уурхайгаас нүүрсийг хүнд даацын автомашинаар тээвэрлэхэд ихээхэн шороо тоос босдог нь байгаль орчинд сөрөг нөлөөтэй байдаг. Харин тус төмөр замаар жилдээ 30 сая тонн нүүрс тээвэрлэх хүчин чадалтай учир хүнд даацын машин ашиглах шаардлагагүй болно. Нөгөөтэйгүүр, тээврийн хөлсийг хоёр дахин бууруулах учраас эдийн засгийн үр ашиг өндөр, улмаар Монголын эдийн засаг, ДНБ-ий өсөлтөд эерэгээр нөлөөлнө хэмээн тооцож буйг төслийн багийнхан УИХ-ын даргад танилцууллаа.
УИХ-ын дарга З.Энхболдыг Ухаа худаг-Гашуунсухайт чиглэлийн 267 км төмөр замын далангийн ажлын үйл явцтай танилцах үеэр УИХ-ын гишүүн Д.Бат-Эрдэнэ, УИХ-ын дарга ахлах зөвлөх С.Ламбаа болон албаны бусад хүмүүс байлцав хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл0
mongoliin baylagiig zooh ajild zoriulagdsan ene zamiin dalang nuraaval taarna
Ta nar uursduu galzuuchuud zail muu malnuud zugeer suuj bgaad hool idehiig husch bn uu
Элбэгдорж нь галзууруулагч хэмээх жил гарсаар галзуурч гүйцлээ. Энхболд энэ галзуугийн дараа ерөнхийлөгч болно гэж бодоод хээв нэг Өмнөговь аймагт явж байх шив дээ.
Kkk, galjuurah aa
Улс төржихөө болиод наад төмөр замаа хурдан дуусгамаар байна. 2011 онд бариад дуусчих байсан төмөр зам дөнгөж 2017 онд баригдаж дуусах нь. Женко хэмээх Баттулгыг Монголын улс төрөөс холдуулахгүй бол энэ хүн байнга хорлон сүйтгэх өмч хөрөнгө шамшигдуулах ажил л хийгээд байна. Сэтгэлийн хөөрлөөр зам барина гэж хэдэн трактор хөдөлгөж шороо босгоод 50 сая доллар үгүй хийсэн, зөвлөх үйлчилгээ гээд хувийн компанидаа төсвөөс олон тэрбумыг гаргуулсан, Сайншанд гэж бас төсөл ярьж баахан мөнгө гулсуулсан, Баянхонгорт шинэ сум гэж хэдэн модон байшинг хэд дахин өндөр өртгөөр бариулж найзынхаа компанид буян болсон гээд ер олигтой юм энэ хүнээс сонсогдохгүй юм. Яахав жудо хөшөө босгох ажил нь амжилттай байх