Пүрэв - 04 сарын 25,
2024
ДЭМБ-ын судалгаагаар хүн амд зайлшгүй шаардлагатай эм болон эмэн бүтээгдэхүүн хэт өндөр үнэтэй байдаг 10 орны тоонд Монгол Улс багтжээ. Манай улс эмийн хэрэглээнийхээ 75-80 орчим хувийг гаднаас импортолдог учраас эмийн сангуудад худалдаж байгаа эмийн үнэ хэт өндөр байдаг аж. Дэлхий нийтэд 2 тэрбум гаруй хүн өөрт шаардлагатай, бага өртөгтэй эмийг худалдаж авч чадахгүйгээс болж эрүүл мэндээрээ хохирч байгаа гэсэн судалгаа гарчээ. Монголчуудын хувьд ч ийм байдал тулгарч байгааг үгүйсгэх аргагүй. Иймд эмийн уян хатан үнийн бодлого баримталж иргэдийнхээ эрүүл мэндийн төлөө шинэчлэл хийх зайлшгүй шаардлага бий болжээ.
Бид энэ байдлаас гарахын тулд эмийн салбарт ил тод байдал нэвтэрснээр эмийн үнэ буурах боломжтой гэж холбогдох албаны хүмүүс үзэж байна. Иргэдэд очих эмийн хүртээмжийг сайжруулж, чанартай эм, эмэн бүтээгдэхүүнийг хүргэж, хэт өндөр биш өртгөөр хүргэх боломжийг бий болгоход анхаарах хэрэгтэй байна. Өнөөдөр эмийн үнэ хэт өндөр байгааг хаа хаанаа шүүмжлэх боллоо. Тухайлбал, өнгөрсөн долоо хоногт УИХ-ын чуулганы үеэр гишүүд ч энэ асуудлыг хөндөж импортын эмийг 5-6 дахин нугалж борлуулж байгаа нь зүйд нийцэхгүй байна гэж шүүмжилсэн юм.
Д.Өлзий
Эх сурвалж:
.jpg)
Сэтгэгдэл0
10 нугалж зарахаар аргагүйшүүдээ
АНУ-д 19 хон долларын үнэтэй элэгний вирусны эсрэг эмийг манайд 500 доллараар иргэд шахан зарж байгаа шүү дээ. Эм импортыг ихэнхи улс улсын мэдэлд, онцгой монополь байдалд байлган хянаж байдаг. Эм үнэтэй шахах гэж УИХ-д хүртэл суудалтай болж авсан хүн ч байгаа шүү дээ. Монгол бол хамгийн үнэтэй хоол, хүнс, эм, тариа, хувцас, машин, байр эдэлж хэрэглэдэг улс. Үүнийг нь төрд гарсан нөхдүүд дэвэргэж, дундаас нь ашиг хонжоо асар ихээр олдог. АНУ-д 30 ширхэг буюу нэг бүтэн сетк өндөг 3980 төгрөг байхад манайд 11400 төгрөг байх жишээний. Мах ч гэсэн үнэтэй. Оруулж ирж байгаа эм тариаг хянадаг, тагнадаг, эрүүдэн шүүж хариуцлага тооцдог нэг ч газар байдаггүй. Бүх эм тариа хужаагаас орж ирдэг гэж иргэд ярилцдаг нь үнэн бололтой. Та ханиад хүрээд Амоцилин 1000 уугаад ч эдгэхгүй, таны гэдэс өвдөхөд хичнээн эм уугаад ч эдгэхгүй. Нян бактери үүсчихсэн сири, хиам, жимс хилээр ногоон гэрлээр ороод ирэх юмаа. Сири бяслаг нь 100 грамм нь 18000 төгрөг, Москвад супермаркетуудын хамаг муудах гэж байгаа хүнсийг дэлгүүртэй, лангуутай нөхдүүд бөөндөж үнэгүй шахам аваад энд 20 дахин үнэтэй зарж хөлжиж байна шүү дээ. Өөрснөө яваад судлаад үзээрэй.