Монгол Улсын Ерөнхий сайд Ч.Сайханбилэг Газрын тосны газрын дарга Г.Өлзийбүрэн, орлогч дарга Ц.Амраа, МИАТ ХК-ийн нислэг үйлдвэрлэл хариуцсан захирал Н.Ганболд, Улаанбаатар төмөр замын дарга Л.Пүрэвбаатар нартай уулзаж онгоцны түлшний хоёр дахь эх үүсвэртэй болох ажлын явцын талаар үүрэг даалгавар өглөө.
МИАТ ХК алдагдалтай ажиллаж, эдийн засгийн байдал нь хүндрэхэд нөлөөлж байгаа гол хүчин зүйл бол шатахууны үнэ. Өнгөрсөн зургаан сарын хугацаанд шатахууны үнийн зөрүүгээс 763 сая төгрөгийн алдагдал хүлээсэн гэдгийг МИАТ ХК-ийн нислэг үйлдвэрлэл хариуцсан захирал Н.Ганболд хэлсэн.
“АИ-92 бензин литрийг нь 3000 төгрөгөөр машинд нь шахахыг жолооч нар зөвшөөрөх үү? Адилхан чанартай гурилыг хоёр дахин өндөр үнээр авах талхны цех хаанаас олох вэ? Талхчин, таксичин, эрүүл хүн ойлгохгүй, үнэмшихгүй үнэ. Тэгвэл ийм явдал МИАТ-д тоглоом биш шоглоом болж, ашиг биш алдагдал нүүрлээд удаж байна. Хувийн компанид илүү их ашигтай гэрээ улсын компанид маш их алдагдалтай байна. Энэ үнийг эцсийн эцэст МИАТ биш ард иргэд төлж байгаа. Тиймээс уг асуудлыг яаралтай шийдэх хэрэгтэй. МИАТ-ын алдагдлыг бууруулах эхний ажил бол ганц эх үүсвэртэй түлш нийлүүлдэг хараат байдлаас ангижрах. Монополийг халж байж Монголын МИАТ-ын алдагдал бууна” гэж Ерөнхий сайд Ч.Сайханбилэг хэллээ.
Харин Газрын тосны газрын дарга Г.Өлзийбүрэн “Онгоцны түлшний хоёр дахь эх үүсвэртэй холбоотой ажлыг Газрын тосны газар, “Улаанбаатар төмөр зам” ХНН хамтран зохион байгуулж байна. БНХАУ болон ОХУ-аас түлш нийлүүлэх боломжтойг судалсны дээр хадгалах сав, тээвэр ложистикийн асуудлыг нарийвчлан судалж байгаа. Үнийн хувьд Сингапурын биржийн үнэ дээр суурилсан олон улсын жишгээр тооцохоор тохиролцож, ойрын хугацаанд санамж бичиг байгуулан бэлтгэл ажлаа хангаад гэрээгээ байгуулна. Ингэснээр ирэх дөрөвдүгээр сарын сүүлч тавдугаар сарын эхнээс татан авалт хийх боломжтой болно” гэдгийг Ерөнхий сайдад танилцуулсан.
Уулзалтын төгсгөлд Ерөнхий сайд түлш авдаг олон эх үүсвэртэй, нөөцөлдөг том савтай, зөөвөрлөдөг тусгай цуваатай болохыг Газрын тосны газар, Улаанбаатар төмөр замын удирдлагуудад үүрэг болголоо. Замын-Үүдэд 2000 тоннын хадгалах сав байрлуулах, зөөвөрлөх цистернийг зориулан бэлтгэх ажлыг шуурхай, бодитой шийдэх арга хэмжээ авч, Засгийн газрын хуралдаанд танилцуулахаар тогтлоо гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
Сэтгэгдэл0
АРД ТҮМЭН ЯДУУРЧ ОНГОЦНЫ КОМПАНИУД ДАМПУУРЛАА ЗАРЛАСАН ИЙМ ЦАГ ҮЕ САЙХАНБИЛЭГИЙН ДАМПУУ ЗАСГИЙН ГАЗРЫН ҮЕД ИРЛЭЭ.
Хуулийг яаж тайлбарлахаас л шалтгаалдаг гэдэг шиг уг нь МИАТ ХК Улаанбаатараас ондор унэтэй шатахуун авахаа больсон шуу дээ! УБ-с Сеул явж байгаа онгоц 640$-р худалдаж авсан тулш ашиглах болсон. Зовхон УБ-Берлин чиглэлд Монголоос тулш нэмж авч байгаа. Удирдлагынхаа зардлыг багасга! Утасныхаа монгийг оорсдоо тол! Хэрэглэгчийн хусэл хангах хэлтсээ бутэн бурэлдэхуунээр нь цомхотго! Хуулийн хэлтсээ цомхотго! Наад хэлтсийн чинь оронд хэл сайтай ганц хуулийн зовлох хангалттай! Унадаг машинуудаа жижигруул! Ланд 200, Соната 7 хэрэггуй. Приус гэж гое машин байна. Гадаадын толоологчийн газрын орон тоогоо цоол!
Уулзалтанд хэлэх ёстой үгс мөн бус уу??
Шатхууны асуудлыг засгын газар хариуцаад хэцүү цагт ашигтай байсан газар одоо яагаад ийм болвоо??Мэдээж хулгайч ардчилагчдын гай!!Үүнийг ерөнхийлөгч Элбэгдорж мэдхийн сайнаар мэдэж байгаач ард түмэн төлхөөс хойш ярьшиг гээд таг дуугүй айн чичирч шатхуун орсоос авч дотооддоо дамалдаг аж ахуйн нэгжүүдийн сувдаг сэтгэлтэй ханаж цадхыг мэдэхгүй шулаачдын эх орноо дампууруулхад ард олноо ядууруулхад оруулж буй хорлонт ажилгааг цаагуураа баярлан харж суугаашдээ!.Гурав дөрөв дахин өсгөж дамлаад байхад яаж ашигтай ажиллах юмбэ?? Үндэсний авиа компанууд дампуураад байхад анхаарах төр нь устсан засгыг нь хэдэн шуналт хунхуузууд сандайлчаад өөрснөө үнээр дарамталж байгаа болхоор үндэсний гэсэн бүхэн сүйдэж удахгүй хужаагийн агаарын тээврийг оруулж ирхээр бүх юмыг нь бэлдэж байгааг Монголчууд мэдэж байгаа.Ардчилсан хунхуузууд хэзээч Монголд сайн юм хийхгүйг сөнөөсөн хорин хэдэн жил батлаад өгч байгаа биздээ!!Амиараа төлөөд дийлхээргүй гэмт хэрэг хийчхээд яахч үгүй байгааг нь бас харсаар л байна.Энэ их дампуурлын лай гайг ард түмэн үүрч ардчилсан тамд зовон тарчилж байхад хулгайч ардчилагчид тэр бумаас бага мөнгө тоолохгүй дэлхийн шилдэг бологныг эдэлж идэж ууж байхад ард түмэн талх хувааж цувдай граммалж байгаа нь ардчилсан там мөнөөс мөн!!!Хулгайч дээрэмчингүүдээ яахчгүй мөртлөө ажил хийж ядаж байгаадаа эрэлхүү дээрэлхүү байдаг нь хунхуузуудын ясны зан байхдаа чааваас!Гаднаас ченжилдэг шулаачаа хазаарлаагүй байж дахиж нэмж хадаглах савч гэх шиг юу яриад байгаа эргүү юм бүү мэд одоо байгаадаа дүүргэж дийлэхгүй хямдаар нийлүүлж чадахгүй ченждүүлсэн ерөнхий сайдхан чааваас!!