Лхагва - 04 сарын 17,
2024
УИХ дахь АН-ын бүлэг өнөөдрийн хуралдаанаар УИХ-ын дарга З.Энхболд, Ерөнхий сайд Ч.Сайханбилэг нарын мэдээллийг сонсов.
Мөн Тавантолгойн төслийн явцын талаарх мэдээллийг сонссоны зэрэгцээ Эдийн засгийн ил тод байдлыг дэмжих тухай, Эдийн засгийн өршөөл үзүүлэх тухай хуулийн төслүүд дээр байр сууриа нэгтгэсэн байна. Энэ үеэр Ерөнхий сайд Ч.Сайханбилэг Тендерийн тухай хуулийг эргүүлэн татсан тухайгаа мэдээлсэн аж. Уг хуулийн төслийг засч залруулах шаардлагатай гэж үзсэн учраас Засгийн газар буцаан татжээ.
Ерөнхий сайд мөн эдийн засгийн нэн шаардлагатай байгаа хэд хэдэн хуулиудыг чуулганаар хэлэлцэж өгөхийг хүссэн хүсэлтээ илэрхийлсэн байна. Түүнчлэн бүлгийн хуралдаанаас яамдын бүтцэд өөрчлөлт орж байгаатай холбогдуулж, намын боловсон хүчний асуудлыг авч хэлэлцэх тусгайлсан ажлын хэсэг байгуулахаар болжээ. Үүний зэрэгцээ үйлдвэрлэлийн технологитой холбоотой асуудлыг хариуцсан ажлыг хэсэг байгуулж, төсөл хөтөлбөрийг бодлогоор дэмжихээр тогтсон байна.
Үүний зэрэгцээ Ил тод байдлыг дэмжих тухай, Эдийн засгийн өршөөл үзүүлэх тухай хуулийн төслийн талаарх мэдээллийг Хууль зүйн сайд Дорлигжав хийсэн бөгөөд АН-ын бүлэг энэ асуудлаар ажлыг хэсэг байгуулах нь зүйтэй гэдэг дээр санал нэгдэв. Түүнчлэн энэ үеэр бүлгийн гишүүд Оюутолгойн гэрээний хэрэгжилт хангалтгүй байна гэсэн байр суурь илэрхийлж байсан гэж бүлгийн дарга Б.Гарамгайбаатар хэлэв. Бүлгийн даргын мэдээллийн дараа сэтгүүлчид сонирхсон асуудлаа тодруулж хариулт авав.
-Энэ долоо хоногт Өрийн удирдлагын тухай хуулийн төслийг хэлэлцэхээр төлөвлөсөн. АН-ын бүлэг хуулийн төсөл дээр ямар дүгнэлт гаргав?
-Ирэх долоо хоногийн УИХ-ын чуулганаар хэлэлцэх асуудалд Өрийн удирдлагын менежментийн асуудал ороогүй. Бусад намууд бүлэг дээрээ асуудлаа цэгцэлж амжаагүй байгаа гэсэн мэдээлэл байна.
-Автобензин, дизелийн түлшний онцгой албан татварыг нэмэгдүүлснээр цаашид дотоодын зах зээлд бензин шатахууны үнэ нэмэгдэхгүй гэх баталгаа байна уу?
-Засгийн газар өнгөрсөн хоёр жилийн хугацаанд нефть импортлогчидтой үнийн тогтвортой байдлын хэлэлцээрийн дагуу тодорхой хэмжээний дэмжлэг үзүүлж ажилласан. Одоо дэлхийн зах зээл дээр нефтийн үнэ унаж байгаа. Иймд тодорхой боломж байна хэмээн Засгийн газар үзэж нефть импортлогчидтой тохиролцсон.
Б.Туул
Эх сурвалж:
.jpg)
Сэтгэгдэл0
Худлаадаа ардчилагчид шувт худлаа шатхууны үнэ нэмүүлэхгүй гэж баахан мөнгө өгөх тусам нэмээд байсан нөхдүүд татварыг нь нэмхээр үнэ хэвэндээ байдаг ардчилсан үлгэрт итгэлтгүй бүх юмны үнэ нэмэгдэнэ гэсэн үг гэж ойлго!Оюутолгой гэж худлаа хунхууздаж байхаар Баярцогттой нь хариуцлага тооцхыг ард түмэн шаардсаар байгаашдээ!!Олон хувьсагчтай зогсолт хийсэнч ашиг бодогдох эх орны баялаг ард түмнээ хамт шулаад гадагшаа урсаад байхад тэнэгүүд гөлийгөөд байдаг яавч эх оронч хүмүүс биш урвагчид гэлтэй!Ардчилал улсыг маань феодалын дарангуйлалд оруулчлаа.Бүгд яг тар үеийн түүхийг давтаад байх шиг.Ядарсан ядуу ард түмэн ардчилалын тамыг тэвчхэд улам хэцүү болж байгааг дотоодын дайснууд төрийн өндөр дээрээс анзаарахгүй болтлоо баяжсан бол шангаа хүртэх л болуу!! Хийсэн гайгаа хулгайлж мөлхүүлсэн ЭЗ буруу зөвыг ойлогхоо больтол төөрөлдүүлсэн түмэн олноос хулгайлж баяжсан дарга цолтой болгон айн чичрэх өдөр ирэх биздээ!Эргэж байдаг хорвоо хойно бидний оронд мөлхөж байхыг хэн байг гэхэв.
Тийм ш дээ. ЗГ бензин импортлогч компаниудад хамгийн бага хүүтэй зээл олгож байсан. Тэдгээр компаниуд Монголд байхгүй хамгийн бага хүүтэй зээл авангууд л маргааш нь үнээ нэмж бөөн шуугиан тарьж эхэлсэндэг. Тэдэнтэй ЗГ ямар хариуцлага тооцсон юм
Bayartsogt. Ooroo l bayajsan baih shyy oyutolgoi. Boon ashig geed hutsaad baisan haa baina
бензины үнийн хямдралыг онцгой татвар нэмж үнийг буулгалгүй тансаглалаа санхүүжүүлэхээр засаг шийдэв. их хурал иргэдийнхээ төлөө гаргах шийдвэр бол оюутолгойн гэрээг хүчингүй болгох юм гэвч үүнийг хийхгүй оюутолгойн эзэд монголыг дээрэмдэж байг гээд орхино. харж л байгаарай