БАГДАД. /Xinhua/. “Лалын улс” бүлэглэлийн босогчидтой тэмцэхэд Ирактай нягт хамтран ажиллахыг Арабын орнууд болон дэлхийн улс орнуудад Иракийн Ерөнхий сайд Хайдер аль-Абади уриаллаа.
Иракт албан ёсны айлчлал хийсэн Иорданы Ерөнхий сайд Абдалла Энсуртай хамтран хийсэн хэвлэлийн бага хурлын үеэр Абади мэдэгдэл хийжээ.
“Лалын улс” бүлэглэлийн заналхийлэл зөвхөн Ирак бус Ойрхи Дорнод даяарх аюул юм гэж тэрбээр мэдэгджээ.
Олон улсын эвслийн дэмжлэгтэй Иракийн аюулаас хамгаалах хүчин “Лалын улс” бүлэглэлтэй тэмцсээр байгаа хэдий ч Ирак болон бүс нутгийн хэмжээнд аюул учруулж буй уг бүлэглэлтэй тэмцэхэд хамтран ажиллах шаардлагатай гэж Абади мэдэгдэв.
Иракийн аюулаас хамгаалах хүчин Иордан улсын хилийн ойролцоох Анбар мужийн баруун хэсгийн хяналтыг буцаан авах хүсэлтэй байна. Тиймээс хоёр орны нийтлэг ашиг сонирхлын төлөө бид нэгдсэн ажиллагаа явуулж болно гэж тэрбээр мэдэгдсэн байна.
Тэрбээр, Иракийн аюулаас хамгаалах хүчин хэд хэдэн мужийг террорист бүлэглэлээс чөлөөлсөн. Одоо Анбар болон Ниневе муж үлдээд байна гэжээ.
“Лалын улс” бүлэглэлтэй тэмцэхэд Иракт Иордан улс дэмжлэг үзүүлнэ гэж тус Ерөнхий сайд Абдалла Энсур мэдэгдсэн.
Д.Нямтулга
Эх сурвалж:
Сэтгэгдэл0
www.amazon.cn bolon www.taobao.com www.alibaba.com internet delguurees baraa hudaldan avah huseltei humuust zuuchilna. Бид Хятадын бүх хотоос Монгол руу ачаа тээвэр хямд үнээр, түргэн шуурхай, найдвартай хийнэ. Манай компани Хятадаас бараа бүтээгдэхүүн, тоног төхөөрөмж худалдан авахад үйлдвэрлэгчтэй холбоо тогтооход зуучлах, хөрөнгө оруулагч олоход туслах, бараа бүтээгдэхүүн тоног төхөөрөмж худалдан авахад L/C үйлчилгээ үзүүлэх, Хятадад жуулчлах болон бусад шаардлагаар явахад орчуулгын үйлчилгээ үзүүлнэ. Жинчин Транс Олон Улсын Тээвэр Зуучийн Компани. Утас 98304871 Бээжин дэх утас 86-010-84391096