sonin.mn

УИХ-ын гишүүн Я.Содбаатар, Ж.Энхбаяр, Ж.Батсуурь нар өнөөдөр Шадар сайд Д.Тэрбишдагвад шаардлага хүргүүллээ.

Энэ оны 10 дугаар сарын 11-нд Засгийн газраас баталсан МХЕГ-ын санхүүгийн хяналт, шалгалтын чиг үүргийг Сангийн яаманд шилжүүлсэн тухай 327 дугаар тогтоол нь Төрийн хяналт, шалгалтын тухай хууль, Монгол Улсын нэгдэн орсон Лимагийн тунхаглалыг зөрчсөн гэж гишүүд үзжээ.

Тухайлбал, энэхүү тогтоолын дагуу МХЕГ-ын санхүүгийн хяналт, шалгалтын чиг үүргийг Сангийн яаманд шилжүүлж, төрийн захиргааны хяналт, шалгалтын үндсэн зарчмыг дотоод хяналт, аудиттай давхардуулан хольсон нь Төрийн хяналт, шалгалтын тухай хуулийг зөрчсөн байна.

Иймд уг тогтоолыг хүчингүйд тооцох, өнөөгийн хүчин төгөлдөр мөрдөгдөж буй Төрийн хяналт шалгалтын тухай хууль, Төсвийн тухай хуульд нийцүүлэн хууль дээдлэн ажиллахыг гишүүд шаарджээ.

Б.Туул

Эх сурвалж: "Монцамэ" агентлаг