Баруун-Урт-Мөнххаан-Өндөрхаан чиглэлийн 177.9 км авто замын хөдөлгөөний нээлтэд оролцов
Улсын Их Хурлын дарга З.Энхболд өнөөдөр /2014.11.01/ Сүхбаатар аймагт ажиллаж байна. Тэрээр Сүхбаатар аймгийн төвд Өндөрхаан-Мөнххаан-Баруун-Урт чиглэлийн 177.9 км хатуу хучилттай авто замын хөдөлгөөний нээлтэд оролцов.
Улсын Их Хурлын дарга хэлсэн үгэндээ, Шинэчлэлийн Засгийн газар 2016 он гэхэд бүх аймгийн төвийг нийслэл хоттой хатуу хучилттай авто замаар холбох томоохон зорилтыг дэвшүүлж, нийтдээ 5400 гаруй км авто замын ажил хийхээр төлөвлөсөн. Сүүлийн хоёр жилийн хугацаанд 2500 км авто замыг барьж, их бүтээн байгуулалтын ажлыг эрчимтэй өрнүүлж байна. 85 жилийн түүхтэй Авто замын салбар 2012 он хүртэлх хугацаанд зургаан аймгийн төвийг нийслэлтэй хатуу хучилттай авто замаар холбож байсан бол шинэчлэлийн Засгийн газрын үед хоёрхон жилийн дотор зургаан аймгийн төвийг нийслэлтэй хатуу хучилттай замаар холбож байна. 2013 онд Дундговь, Баянхонгор аймгийг холбосон бол 2014 оны 09 дүгээр сарын 29-ны өдөр Өмнөговь аймгийн төвийг нийслэл хоттой холбох 296 км авто замын хөдөлгөөнийг нээсэн. Удахгүй Хөвсгөл аймгийн төвийг нийслэл хоттой холбох 263 км авто замын хөдөлгөөнийг нээх гэж байгаа бол өнөөдөр миний бие Сүхбаатар аймгийн төвийг улсынхаа нийслэлтэй холбох 177.9 км хатуу хучилттай авто замын хөдөлгөөнийг нээх ёслолд оролцож байна хэмээн онцлон тэмдэглэв. Түүнчлэн Улаанбаатар хот-Сүхбаатар аймгийг холбосон авто зам ашиглалтад орсноор Сүхбаатарчуудад цаг хугацааг хэмнэж, тав тухтай, түргэн шуурхай зорчих боломж нээгдэж буйг онцлоод зам барилгын ажлыг гүйцэтгэсэн болон зам барилгын ажилд өдөр тутмын хяналт тавьж ажилласан “Арж капитал”, “Түм арвижих”, “Эм Ай Эл”, “Ар Си Эс Си” компаниудын хамт олонд баяр хүргэж цаашдын ажилд нь амжилт хүсэв.
Өндөрхаан-Мөнххаан-Баруун-Урт чиглэлийн 177.9 км хатуу хучилттай авто замын барилгын ажил нь 87.8 тэрбум төгрөгийн төсөвт өртөгтэй хоёр төсөл арга хэмжээнээс бүрдсэн бөгөөд “Чингис” бондоос 72.3 тэрбум төгрөгийн санхүүжилт хийгдсэн байна. Энэхүү 177.9 км хатуу хучилттай авто замын ажлын гүйцэтгэгч “Арж капитал” ХХК 132.6 км, “Түм арвижих” ХХК 45.3 км авто замыг барьсан бол “Эм Ай Эл” ХХК, “Ар Си Эс Си” ХХК-иуд хяналтын зөвлөхөөр ажиллажээ.
Сүхбаатар аймгийг нийслэл хоттой холбох авто замын томоохон бүтээн байгуулалтын ажилд 650 гаруй инженер техникийн ажилчид болон мэргэжилтэн, туслах ажилчид ажиллаж, 300 гаруй машин механизм, тоног төхөөрөмж ашиглагдсан байна.
Сүхбаатар аймгийн төвд болсон Өндөрхаан-Мөнххаан-Баруун-Урт чиглэлийн 177.9 км хатуу хучилттай авто замын хөдөлгөөний нээлтэд Улсын Их Хурлын гишүүн, Монгол Улсын Шадар сайд Д.Тэрбишдагва, Улсын Их Хурлын М.Зоригт, Ж.Батзандан, Монгол Улсын Их Хурлын даргын ахлах зөвлөх, Ажлын албаны дарга С.Ламбаа, Зам тээврийн дэд сайд Х.Ержан, Сүхбаатар аймгийн засаг дарга Ж.Батсуурь болон албаны бусад хүмүүс байлцлаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
Сэтгэгдэл0
Одоо цааш нь үргэлжлүүлээд Бичигтийн боомттой холбочихвол жинхэнээрээ эдийн засгийн ашиг тусаа өгөх байх.
Tatvar tologch bidnii munguur shou hiigeed l ireeduid ur tsaashlaad tusgaar togtnol erh chuluu daSHIIN SHOG.Muu ardchilsan namiin tairdasnuud hunii taluud. Burhan gesgeeh tsag ni irnee muusain luivarchid.
ZI dargaa tanai namiihan myanganii zam myanguujingiin ulger geed baigaagui biluu ? Ta myanguujingiin zamiin neeylteer ttuz haichlahdaa ichihgui baina uu?
хөөрхий ирээдүйн эзэн эзэддээ овоо дөхөждээ
Өндөрхаан хот орох замын асфальтыг идсэн Гарамгайбаатар гэгч шуналын туламын тавьсан зам дээр зогсож наад туузаа хайчлахгүй яасан юм. Ер нь АН аргаа барахдаа нэгнийгээ хутгалж алдаг. Энэ удаа аргаа барахдаа алах хүн олдохгүй хэцүү байгаа бол Гарамгайбаатарыг сонгож зүүн 3 аймгийнхыг баярлуулаарай.
Энэхүү бүтээн байгуулалт тал нутгийн ард түмний аж амьдрал, соёл боловсрол болон тал нутгийг үзэхгийг хүсэж байгаа гадаад дотоодын аялагчдад хамгийн таатай бүтээн байгуулалт болжээ. Маш их баяртай байна. Баярлалаа.2014,11,03
Ediin zasgiin tusgaar togtnoloo beejind garduulsan Z.Enhbold nariin tsarigiinhaa shaviig tavij yavaa yum bishuu