Мягмар - 04 сарын 23,
2024
Өнөөдөр Сүхбаатар дүүргийн ИТХ-ын Тохижилт, газрын харилцаа, байгаль экологийн хороо, Засаг даргын Тамгын газар, Ногоон байгууламжийг бий болгох, мэргэжлийн байгууллага, иргэдийн нөхөрлөл, бүлгүүдийг дэмжих сангаас ногоон байгууламжийн ажилчдыг цэцэрлэгчээр мэргэшүүлэх мэргэжлийн анхан шатны сургалтыг зохион байгууллаа.
Сургалтаар цэцэрлэгчид ногоон байгууламжийн онолын мэдлэгийг үндэслэн бүтэц, зохион байгуулалтыг тодорхойлж, талбайг зүлэгжүүлэх, цэцгийн мандал, цэцэрлэг, нийтийн эзэмшлийн, хязгаалагдмал хэрэгцээний, тусгай зориулалтын, ногоон байгууламж байгуулах, хөдөлмөрийн аюулгүй ажиллагааг ханган ажиллах цогц чадамжийг эзэмшсэн юм.
Эко хөдөлмөр-Ажлын байр хөтөлбөрийн хүрээнд төр, хувийн хэвшлийн оролцоог нэмэгдүүлэх зорилгоор зохион байгуулагдсан тус сургалтад хороодын нийгмийн ажилтан, иргэний танхимын зохион байгуулагч, эко ажилчид болон СӨХ, сургууль, цэцэрлэгийн цэцэрлэгч нар хамрагдлаа.
Сургалт 3 үе шаттайгаар явагдаж, хамрагдсан мэргэжилтэнүүдэд чадамжийн гэрчилгээ олгох юм байна.
Сэтгэгдэл0
Хөдөө байдаг нэртэй ч хотод хүүхдийнхээ хүүхдийг өвөлдөө хараад хавар зун намартаа ач зээ нараа хөдөө сумруугаа авч явж агаар салхинд гаргадаг албатай улс хотод энэ сургалтанд хамрагдаж болох уу? хөдөөнийхийг хөдөөд нь заана гэхээр нэг л боломж муутай юм.хот хөдөөгийн ялгаа гаргах уу? Уг нь Эрээнээс ирж ирж сургалтанд сууя гээгүй юмаа энүүхэн Эрдэнэ сумнаас ирсэн хүн.За тэгээд хөдөөний улс ч гэсэн хөдөө багтаа бас цэцрлэгжүүлэлт хийж нутаг орноо гоёох гэсийм.Дараа сургалт явуулбал радио телевизээр олон давталттай зарлал мэдээлэл явуулж байгаарай.Сургалт явуулдаг газрын хаягыг хариуцах хүний утас шөрмөсийг тавьж тус болно уу?