Баасан - 04 сарын 26,
2024
Гадаад харилцааны яамнаас өчигдөр мэдэгдэл гаргалаа.
Энэхүү мэдэгдэлд Иракийн хэт даврагч "Халифын вант улс" бүлэглэлийн террорист бүлэглэлийн үйл ажиллагааг таслан зогсоохыг зүйтэй хэмээн үзэж буйгаа илэрхийлж, терроризмын эсрэг явуулж буй олон улсын үйл ажиллагааг байнга дэмжинэ гэдгээ илэрхийлсэн байна.
Тус мэдэгдэлд "Монгол Улс Ойрхи Дорнодын бүс нутгийн аюулгүй байдлыг хангахад анхаарч ирсэн орны хувьд Ирак Левантын Лалын улс хэмээх террорист бүлэглэлийн үйл ажиллагааг таслан зогсоох нь зүйтэй гэж үзэж, 2014 оны есдүгээр сарын 15-ны өдөр Парис хотноо болсон Иракийн энх тайван, аюулгүй байдлын асуудлаарх олон улсын бага хурлын үр дүнг сайшааж байна.
Олон улсын хамтын нийгэмлэгийн гишүүн орнууд энэхүү асуудлыг НҮБ-ын дүрэм, НҮБ-ын Аюулгүйн Зөвлөлөөс терроризмтэй тэмцэх талаар гаргасан тогтоолуудын дагуу НҮБ-ын Ерөнхий Ассемблейн хуралдаанаар цаг алдалгүй, нухацтай хэлэлцэж иж бүрнээр шийдвэрлэхийг уриалж байна” гэв.
Эх сурвалж:
Сэтгэгдэл0
Манай улсад терроризм нүүрлээгүй байхад дэмий юм хийж байгаад иргэдээ эрсдэлд оруулбал Гадаад Яамны сайд толгойгоороо хариуцах уу. Эсвэл ерөнхийлөгч өөрийн хүзүү толгойгоороо бүрэн хариуцана гэж ойлголоо, Зөв биз.
Түүгээр яваа гайг үүгээр дуудав гэгчээр манайхаас хол байгаа лалын терроризмыг дуудаж элдэв мэдэгдэл хийж яахнав дээ.Бас хэдэн цаас Америкаас өгч магад гэж бодоод хэдэн цэргээ явуулах гээгүй л бол дуугүй бай.