Пүрэв - 04 сарын 25,
2024
Хүн амын хөгжил, нийгмийн хамгааллын яам болон Хүүхдийн төлөө үндэсний газар, Нийгмийн даатгалын ерөнхий газар, Халамж үйлчилгээний ерөнхий газрын зарим албан хаагчид өнөөдөр Төрийн албан хаагчийн тангарагаа өргөлөө.
Төрийн жинхэнэ албан хаагчийн тангараг өргөх ёслолын нээлтэд Хүн амын хөгжил, нийгмийн хамгааллын сайд С.Эрдэнэ оролцож баяр хүргэлээ. Тэрээр төрд тангараг өргөнө гэдэг бол өөрийнхөө эрхийг тодорхой хэмжээгээр хязгаарлаж, Монгол төрийн өмнө үүрэг, хариуцлага хүлээнэ гэсэн үг гээд тангараг өргөж байгаа албан хаагч, боловсон хүчин залуужиж байгааг онцлов.
Төрийн жинхэнэ албан хаагчийн баталгаа болсон тангараг өргөх ёслолд ХАХНХЯ-ны салбар, харьяа агентлагуудын 90 гаруй албан хаагч оролцож төрийн өмнө тангарагаа өргөлөө.
Төрийн албан хаагчид 1995 оноос тангараг өргөж эхэлсэн бөгөөд Монгол Улсын иргэн төрийн захиргааны албанд анх орохдоо: "Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж, албан үүргээ үнэнч шударгаар биелүүлэхээ тангараглая. Тангарагаа няцвал хуулийн хариуцлага хүлээнэ" хэмээн тангарагладаг.
Д.Эрдэнэсувд
Эх сурвалж: "Монцамэ" агентлаг
Сэтгэгдэл0
90 оноос өмнө инженерүүд үйлдвэр байгуулан, технологио боловсруулсаар ирсэн. Их дээд сургуулиас хүн залж байсныг мэдэхгүй юм. Гэтэл одоо тэр их дээд сургуулиудын удирдах зөвлөлд ороод суучихсан БЯ-ны шу, технологийн бодлого хариуцсан нөхөр нь инженер, ЭША-уудын бүтээлийн булааж аваад,сайд нь ТВ-ээр шоудаад байх юм. Ямар орны шу технологи нэвтрүүлдэг практик гэж манайх шиг юу ч мэдэхгүй хүмүүс монополь эрхтэйгээр шу технологийн бодлого хариуцаад пракик мэдэхгүйИХ-н гишүүд, багш нарт бөөн бөөнөөр нь өгөөд улс орноо хөгжүүлсэн түүх хаана байдаг юм? Энэ буруу системээ засч, колони болох замаа хаа. Ийм балай хувийн ашиг сонирхолоос чинь болоод Монгол улсад огт үйлдвэр хөгжихгүй байна. гадаадаас л баахан үхмэл хөрөнгө оруулж ирж байна.
Өрөгсөн тангарагаа мөрддөг нэгэн байхад няцдаг олон хулгайч луйварчингууд байна.Баярцогт гишүүн цэцийн Сугараар эхлээд дарга хочтонгуудын бараг гуравны нэг нь тангараг гэж жүжгэлчхээд мартдаг биздээ!!Арга хэмжээ авах гэж хэлбэрдэнэ.Авилгад идэгдсэн төр,авилгаар идсэн дотоодын дайснууд.Уг нь хийсэн бурууг нь тогтоогоод төрийн ажилчин учраас хүндрүүлдэг л баймаарсан!!!