Сүүлийн үед манай сонин, сайтуудаар геополитик хэмээх сэдвийн талаар их бичих болжээ. Бас түүний зэрэгцээ Халх голд Японы эзлэн түрэмгийлэгчидтэй хийсэн дайнд ялалт байгуулсны 75 жилийн ойг тэмдэглэх, уг ажиллагаанд БНХАУ болон ОХУ-ын тэргүүнүүд оролцох гэж байгаа тухай их ярих болоод байна.
Эгэл уншигчийн хувиар сонирхон сонсож, уншиж үзэж байна. Яагаад ч юм улсын их баяр наадам тэмдэглэн өнгөрүүлдэг хөнгөн шингэн байдлаар хандаад байх шиг санагдаад борог орчуулагчийн саваагүй зангаар баахан зүйл ухаж үзлээ.
Нэлээн хэд хоног ухахад интернетийн мэдээ, мэдээлэл юу байгааг уншигч Та бүхэнтэй хуваалцах нь зөв санагдсан юм.
БНХАУ, ОХУ гэж ямар улс байгаад өнөөдөр ямар болоод байгаа юм бэ. Энэ хоёр орны өнөөгийн удирдлагууд болох Си Жиньпин, В.В.Путин гэж хэн бэ.
Олон улсын хэмжээнд их хоёр хөршийн маань байр суурь ямар байгаа юм бэ. гээд мэдмээр ч юм шиг, мэдэхгүй ч юм шиг олон асуулт аяндаа хөвөрнө. Бид социализм, коммунизм хэмээх мөрөөдлийн нийгэм байгуулна хэмээн ХХ зууны ихэнх хугацаанд зүтгэж байснаа сайн мэднэ.
Марксизм-ленинизм хэмээх суртал баримтлаж явсан улсууд. Харин одоо ОХУ, манай улс хоёр 1980-аад оны сүүлээс үзэл суртлаасаа татгалзан, нийтлэг хөгжлийн буюу зах зээлийн нийгмийн хөгжлийн замд орлоо хэмээн дор дорын мөрөө хөөж яваа улс.
Нийгмийн хөгжлийн замнал салсан хэдий ч хүслээр биш заяагаар холбогдсон хөршүүд болохоор салаад нүүж чадахгүй “гурав дахь хөрш”-ийн тухай гадаад бодлогын “гайхалтай” хувилбар бодож олсон тухайгаа ярин хэдэн жил болж байна.
Энэ бол манай эрх баригчдын зохиож, энд тэндэхийн зочид хүлээн авч, толгойг нь эргүүлэх гэхдээ хэлдэг үг. Зөв ч байж магад, буруу ч байж болох. Харин үүний хажуугаар надад хэдэн өдөр ажлаа орхин орхин эргүүлсэн зүйлээ бодох тутам сүүлийн үед сонсогдох болоод байгаа “Монгол орны эзэн тэгээд тушаалтай дээдэс үү, тушаатай доодос бид үү?” гэсэн асуулт хангинах юм.
Бас хоёр хөрш орны төрийн тэргүүнүүд шил дараалан ирэх гэж байхад Төрийн ордонд заларсан улс төрийн намууд, түмний итгэл хүлээн зөөлөн олбогт заларсан эрхэмүүд маань хөлөө жийлцэн засгаа хөнтөрч, дараагийн хэнийгээ дээш нь залах тухай хор нухаж суугаа сонсдох юм.
Би өнөөгийн энэ засагт хайртай болоод үүнийг хэлж байгаа юм биш ээ. Лидер биш, лойдор эрхэмүүдээс бүрдсэн урагш муутай ажилтай Засгийн газар гэж надад ч санагддаг.
Гэхдээ Си Жиньпин, В.В.Путин нарын зэрэг дэлхийн жинхэнэ лидерүүд ирэх гэж байхад ярьдаг зүйл лав биш. Харин ч нийлэн нэгдэж, олгой хагаравч тогоон доо гэдгийг санаж ухаан санаагаа уралдуулах цаг. Хэн гэгч, хаанаас гарч ирээд юу яриад байна хэмээн эгдүүцэх хүн байхыг үгүйсгэхгүй.
Хятадыг бид Эрээнээр сайн мэднэ гэж санадаг. Мэдэхгүй ч яахав социализмын материал техникийн бааз Толгойтын наахна одоо ч байгаа хэдэн складанд байсан бол капитализмын бааз маань жаахан холдоод Эрээнд байх болсон юм чинь.
Хөх хүрэмтэй, хөвөнтэй өмдтэй... гэж бид шоолсоор явтал манай орны “бааз” болчихсон хэрэг шүү дээ... Ганц манай ч бааз биш гэж санаа амрах уу? Байз байз, намайг тархидахынхаа өмнө ямар гээчийн баримт шүүрдсэнийг минь эхлээд тэвчин болгоогтун.
Хан үндэстний луу улсын тухай...
БНХАУ 2004 оноос хуулиар улсын болон хувийн хэвшлийн аж ахуйтай улс болжээ. Коммунист намтай, социалист орон гэгдэх боловч дотоодын нийт бүтээгдэхүүн (ДНБ)-ий 70 хувийг хувийн хэвшлийнхэн гаргаж байна.
Хятад улсын эдийн засгийн хөгжлийн хурд дэлхий нийтийг 1980-аад оноос хойш гайхашралд оруулж, “Тайфун” буюу хятадын хөгжлийн “хар салхи”, ХХI зуун Хятадынх болох нь гэсээр удаж байгааг бид мэднэ. Бод л доо эдийн засгийн жилийн дундаж өсөлт нь арав гаруй хувиар нэмэгдэж, дэлхийн улс гүрнүүд хямралд ороод байхад саарахгүй 7,8 хувиар өсөж байна шүү дээ.
Дэлхийн худалдааны байгууллагад 2001 онд элсээд 2008 он гэхэд гадаад худалдааны нь хэмжээ тав дахин нэмэгдэж 2,5 их наяд (2,5 1012) ам. долларт хүрсэн тухай мэдээ байна. ДНБ нь 2008 онд 4,48 их наяд байсан бол 2013 онд 7,318 их наяд ам.долларт хүрсэн гэж мэдээлж байна.
Бас болоогүй ээ, жирийн иргэдийн банкинд хийсэн хадгаламж 2008 онд хоёр их наяд ам.долларт хүрсэн гэсэн мэдээ байна. Энэ тоо лав одоо хэд дахин өссөн гэж бодвол ямар их боломж нуугдаж байна гээд бодоод үз дээ.
Өнөөгийн БНХАУ-ын хөгжлийг илэрхийлэх олон тоо хэлээд байж болохоор байна. Улс орны хөгжлийг илэрхийлэх нэг гол үзүүлэлт бол эрчим хүчний хэрэглээ. Зүгээр л тоо тоочсоноос харьцуулж хэлбэл илүү ойлгомжтой байх болов уу гэж саналаа.
Сүүлийн 10 жилд БНХАУ-ын эрчим хүчний хэрэглээ 2,2 дахин нэмэгдсэн, хэрэглээний жилийн өсөлт нь Франц улсын нэг жилийн хэрэглээтэй тэнцэж байна гэж олон улсын судлагааны байгууллагууд дүгнэж байгаа юм байна. Гэтэл европынхны хэрэглээ 20-30 жилийн өмнөх түвшинд бараг хөдөлгөөнгүй байгаа тухай нэмж тэмдэглэх ажээ.
Ингээд бодохоор дэлхий дээр олборлож байгаа нийт нүүрсний 55% Хятад руу чиглэж байна, мөн эрчим хүчнийхээ 88 хувийг нүүрснээс гаргаж байна гэхэд гайхах ч юу байх билээ гэж санагдахаар байгаа биз? Энэ янзаараа цахилгаан эрчим хүчний хэрэглээ өссөөр 2025-2027 онд АНУ-аас хоёр дахин их хэрэглээтэй болно гэсэн тооцоо ч бас хийдэг ажээ.
БНХАУ уг нь нүүрс, газрын тос, шатдаг хийн нөөц, олборлолтоор дэлхийд дээгүүрт ордог орон ажээ. Харин олборлолтын хэмжээ, хэрэгцээ хоёрын асар их зөрөөнөөс үүдэн бусад орноос их хэмжээгээр худалдан авдаг, цаашдаа ч энэ байдал хэвээр хадгалагдах нь тодорхой байна.
Өөрөөр хэлбэл манайхны эрх баригч зарим нөхдийн амнаас хятадууд Австралиас нүүрс аваад байгаа учраас... гээд учирлаад байдаг нь үндэстэй бололтой. БНХАУ бас алсын африкаас, хойд хөрш ОХУ-аас, манайхаас “хар алт” зөөдөг болж таарч байна.
Эрчим хүчний өөр нэг эх сурвалж-байгал экологийн хувьд хор багатай түлш болох шатдаг хийн хэрэглээгээ ойрын үед шуурхай нэмэгдүүлэх талаар БНХАУ-ын төр, засгийн бодлого шийдвэр гарсан, хэрэгжүүлэхийн төлөө тал бүрээр ажиллаж байгаа нь тухай ч мэдээлж байна.
Шатдаг хий үнэ мөнгөний хувьд нүүрснээс 6-7 дахин хямд, хойд хөрш ОХУ-аас хоолойгоор дамжуулан авбал бүр хялбар, бас дээр нь АНУ болон түүний холбоотон зарим орны зүгээс явуулж байгаа бодлогоос хамааран хий борлуулдаг уламжлалт зах зээлийн холбогдолтой хүндрэлтэй ОХУ учраад байгааг ч тооцсон байж таарна.
Юутай ч хямд төсөр замаар хий дамжуулах хоолой богино хугацаанд татаж, нэг нь борлуулж нөгөө нь улс орныхоо хөгжлийн хурдыг хангах хэрэгцээ байна. Хоолой татах байгаль, технологийн хамгийн хямд төсөр чиглэл бол Монгол Улсын газар нутаг дээгүүр татах явдал гэж ОХУ-ын Новосибирскийн олон эрдэмтэд санал болгон боловсруулж төр, засагтаа хүргэсэн байгааг ч манай эрх баригчид анхаарч байгаа болов уу хэмээн найдъя.
Бас дээр нь ОХУ-ын Эрхүү хотоос холгүй газар их хэмжээний нөөц бүхий шатдаг хийн уурхай олсон, түүнийгээ дамжуулан Хятадад борлуулах хоолойн тухай ярьж байгаа талаар ч мэдээлэх болсныг нэмж хэлэхэд лав илүүдэхгүй болов уу гэж санана.
Нефть, шатдаг хийн борлуулалтын зах зээл Ази тив рүү эргэж, энэ бүхнийг олборлох талаар дэлхийд тэргүүлэх байранд гарч ирээд байгаа ОХУ-д нэн ашигтайгаар эргэж байгааг дэлхийн эдийн засагчид мөнгөн дүнгээр тооцон олох ашгийн тооцоо хийх болжээ.
БНХАУ 2005 онд 50 тэрбум куб м шатдаг хий хэрэглэдэг байсан бол 2020 онд багаар бодоход дөрөв дахин ихийг хэрэглэх тооцоо хийж байгаа юм байна. Энэ бүхэнд үндэслэн ОХУ ази руу нефть нийлүүлсэнээс жилд баттай олох 350 тэрбум ам.дол. дээр Хятадын өсөн нэмэгдэж байгаа хэрэгцээ, бөөний үнэ, үзүүлж болох хөнгөлөлт, шатдаг хийн нийлүүлэлт зэргийг тооцоод жилд 1,3-1,5 их наяд ам.долларын борлуулалт хийнэ гэж үзэж байгаа юм байна.
Бас болзошгүй хэрэглэгчид болох Энэтхэг, Өмнөд Солонгос хоёрыг нэмбэл... гэсэн асуулт гарч байгааг онцолдог юм байна. Энэ бүхнийг мөхөс орчуулагч би тоочин гоншигоноод байгаа нь Монгол улс, монгол түмний буян заяа нь буруу харчихаагүй бол, төрийн эрхэм түшээдийн билгийн мэлмий нь бөхөөгүй бол “од шүүрэх” цаг шиг л санагдсаных.
Одоо бол алсын америктай цэрэг, армийн салбарт хамтран ажиллах тухай санамж бичиг үзэглэж, арлын японд “бадар барин гүйлддэг” цаг биш санагдсаных.
БНХАУ-ын өнөөгийн байдлыг илтгэх зарим баримт нэмж дурдъя. Дотоодын хэрэгцээндээ зориулан үйлдвэрлэж байгаа цемент АНУ-д үйлдвэрлэдэгээс 80 дахин их гэсэн мэдээ байна. Мөн түүнчлэн БНХАУ 2003 оноос сансар судлалын ажил бие даан хийж байгаа гурав дахь орон, дэлхийн валютийн нөөцийн тэн хагасыг эзэмшдэг гэдгийг нэмж хэлэх хэрэгтэй гэж санана.
БНХАУ өнөөдөр эдийн засгийн чадавхаараа дэлхийд хоёрт бичигдэх болоод байна. Үйлдвэрлэн гаргадаг олон бүтээгдэхүүнээрээ түүний дотор өргөн хэрэглээний бараа, хүнсний зүйл, хүүхдийн тоглоом зэрэг олон бүтээгдэхүүнээр дэлхийд ноёлж байгааг бид мэднэ.
Үйлдвэрлэж байгаа машины тоогоор АНУ, Япон хоёр нийлээд гаргадагаас илүү олныг зах зээлд нийлүүлдэг болсныг сонсоход сонин байж магадгүй. Дэлхийн зах зээлд 2008-2012 онд нийлүүлсэн ердийн зэвсэгийн талаар гаргасан дүнг “Economist” сэтгүүлд мэдээлсэнээр АНУ-30, ОХУ-26, ХБНГУ-7, Франц, БНХАУ-5 хувийг нийлүүлсэн байна. Өөрөөр хэлбэл дэлхийн зах зээлд ердийн зэвсэг нийлүүлэгч тав дахь орон болж таарч байна. Дэлхий дээрх цөмийн зэвсэгтэй цөөхөн орны нэг.
БНХАУ-д гадаадын хөрөнгө оруулалтын хэмжээ огт буурахгүй байгааг эхлээд борлуулалтын зах зээлийн тэлэлтээр тайлбарлаж байжээ. Харин сүүлийн үед хөрөнгө оруулагчид хэн болоход нарийвчлан хийсэн судлагаагаар “их гүрнүүд” шахсан ч буурахгүй юм байна гэцгээх болжээ.
Учир нь хятадад хөрөнгө оруулагчдын 80 гаруй хувь нь бусад оронд сууж байгаа хятадууд буюу хуацяо нар гэнэ. Манайхны өнөө хэлдэг “хужаа” нар гэсэн үг.
Олон улсын эрдэмтэн судлаачид, эдийн засагчид БНХАУ-ын эдийн засаг хүчин чадлын хувьд ойрын үед буюу 2015-2021 онд АНУ-ын эдийн засгийг гүйцэж түрүүлнэ гэсэн тооцоо хийгээд байгаа нь зүгээр ч нэг үг биш бололтой.
БНХАУ хийгээд ОХУ хоёр илүү ойртож, эдийн засаг, санхүүгийн хувьд нягт хамтран ажиллаад зогсохгүй олон улсын хэмжээнд хамтран ажиллах түншээ Олон улсын шинэ шинэ байгууллага буй болгох замаар нэгдэн нийлж хайх болсоныг уншигч Та бэлээхэн мэднэ.
Хамгийн ойрын жишээ бол саяхан, хөлбөмбөгийн дэлхийн аварга шалгаруулах тэмцээний үеэр Бразил, ОХУ, Энэтхэг, БНХАУ, ӨАБНУ-ын төрийн тэргүүнүүд хуран чуулж, өмнө нь байгуулсан БРИКС хэмээх байгууллагын үйл ажиллагааны хүрээнд хамтарсан банк, даатгалын сан байгуулж Шанхай хотод байрлуулах болсон явдал гэдгийг ч уншигч Та лав санаж байгаа.
Үүн дээр манай улс 2004 оноос ажиглагч гишүүнээр явж байгаа Шанхайн хамтын ажиллагааны байгууллага, байгуулагдаад удаагүй байгаа Евроазийн эдийн засгийн хамтын нөхөрлөлийн байгууллага зэргийг нэрлэж болно. Тэр бүхний талаар миний бие боломж гарвал нэмж өгүүлэх болно.
Энэ ялдамд бас нэг нэмж хэлэх ёстой зүйл бол өмнөх их хөрш “луу” улсын тэргүүнээр тодорсон Си Жиньпин гадаад оронд хийх айлчлалын гараагаа ОХУ-аас эхэлсэн; айлчлалынхаа явцад 30 гаруй гэрээ, хэлэлцээрт гарын үсэг зурсан; түүний дотор бидний сайн мэдэх Тяньжин хотод нефть боловсруулах, мөн түүнчлэн химийн үйлдвэр хамтран байгуулж, ашиглах тухай шийдвэрт хүрсэн байдаг.
Сочид болсон өвлийн олимпийн наадмын үеэр Си Жиньпин, В.В.Путин хоёр уулзах үеэрээ фашизм, японы эзлэн түрэмгийлэгчдийн эсрэг хийсэн дайнд ялалт байгуулсны ойгоор олон ажил зохион байгуулах хэрэгтэй; ялангуяа болж өнгөрсөн түүхэн үйл явдлыг гуйвуулан эргүүлж өөрт ашигтай байдлаар тайлбарлахыг оролдож байгаа Японы өнөөгийн эрх баригчдад шийдвэртэй няцаалт өгөхөөр тохирсон байдаг.
Мөн түүнчлэн ийм ажил хамтран зохион байгуулах нь түүхэн шудрага ёсыг сахин хамгаалах, даян дэлхийд энх тайван, тогтвортой байдлыг хангах талаар НҮБ-ын баримт бичигт тодорхойлсон зорилго, зарчимд бүрэн нийцнэ гэж үзэж байгаагаа илэрхийлсэн байдгийг эрхэм уншигч Та лав мэдэж байгаа гэдэгт мөхөс орчуулагч би гүнээ итгэж байна.
Ингээд бодвол хоёр улсын тэргүүнүүд Монгол оронд айраг цагааны элбэгт зугаацах төдий бууж мордож байгаа явдал лавтай биш бололтой. Харин бид, манай төр засаг яах ёстой юм бол оо?...
Визгүй зорчих тухай л яриад суух уу?...
Юутай ч нуран унаж, ойр мөд дөө сэргэхгүй нь гэж нэг хэсэг баярлаж, нөгөө хэсэг харамсаж байсан орныг өөд татсан, өөрийн орны иргэдийн дунд хийгээд олон улсын тавцанд нэр хүнд нь баттай өсөн нэмэгдэж байгаа ОХУ-ын ерөнхийлөгч В.В.Путин; бүх талаар эрчимтэй хөгжиж байгаа “хар салхи” орны шинэхэн тэргүүн Си Жиньпин хоёр хэдхэн хоногийн зайтай манай оронд буух гэж байна.
ОХУ, БНХАУ-ын тэргүүнүүдийн сүүлийн үеийн явдлыг харахад олон оронд шил шилээ даран айлчилж байгаа байдал харагдаад байгаа. Энэ үнэн бол энэ хоёр орон төрийн тэргүүнүүдийнхээ хэмжээнд нэгдсэн бодлогоор хэлхэгдсэн болж таарч байна.
Бас тус хоёр орон өрнөдийн их гүрнүүд хэмээн өөрсдийгөө өргөмжилсөн орнуудаас үл хамааран хөгжих дотоод нөөц боломжтой, түүнийгээ ч нэгдсэн бодлого болгон боловсруулан хэрэгжүүлэх арга зам идэвхтэй хайж байгаа нь тодорхой байна.
Харин нөгөө талдаа эдлхийд багагүй хугацаанд ноёлох байр эзлэж байсан АНУ болон түүнийг дагалдагч орнууд нөлөөгөө алдахгүй байхын төлөө элдэв арга хэрэглэж байгааг бид бас харж байна.
Ойрын үед ОХУ-ын өнөөгийн байдал, олон улсын тавцанд эзлэж байгаа байр суурийн талаар нэмж өгүүлэх болно. Юутай ч дээр өгүүлсэн товч материалаас ОХУ-БНХАУ-ын харилцааны сайжрал, дэлхийн улс орнуудын харилцаанд үзүүлэх нөлөө өсөн нэмэгдэж байгааг уншигч Та лавтай анзаарсан байх.
ОХУ хийгээд АНУ, Европын холбоо; БНХАУ хийгээд АНУ, Японы харилцаа хүйтэрч байгааг хараад нэг хэсэг нь хүйтэн дайны байдал эргэн ирж байна; нөгөө хэсэг нь хэт даварсан, түрэмгий бодлогыг хазаарлан тэнцвэржүүлж байна, амьдралын бодит нөхцлөөс урган гарч байгаа зөөлөн хариулт гэж таашааж байх шиг байна.
Яаж ч бодсон нэр нөлөө бүхий хоёр эрхэмийн ойр ойрхон уулзаж байгаа байдал, бие биенээ залган олон оронд хийж байгаа айлчлал, хийж байгаа гэрээ хэлэлцээр, хамтран байгуулж байгаа олон улсын хэд хэдэн байгууллага, эрчим хүчний талаар бодож төлөвлөж байгаа ажил зэргээс харсан ч тус тус даа, зөвхөн өөр өөрийн орны улс төрийн бодлогын эрх ашиг өвөртлөн ирж байгаа гэж бодож болохгүй бололтой.
Энэ бол сүүлийн үед манайхны хэлж бичих олшроод байгаа геополитикийн бодлого. Энэ бол geo буюу газар, politike буюу урлаг хэмээсэн хоёр грек үгийн нийлбэр юм билээ. Өөрөөр хэлбэл газар орны байршлын давуу талаа ашиглах ур ухаан гэмээр ч юм уу даа.
Ингээд бодвол манай төр, засгийн жолоо барьж байгаа эрхэмүүд хоёр их гүрний хооронд байрлах газар зүйн таатай байрлалаа “чулуу” болгож чадах эсэхийг л харах үлдэж байна даа, бидэнд.
Бодмоор, болж өгвөл “болдоггүй” түшээд ээ шахмаар санагдаж байгаа биз? Төр улсын эзэн тэгээд тушаалтай түшмэд юм уу, тушаатай доодос бид юм уу?...
Орчуулагч Н.ПҮРЭВДАГВА
Сэтгэгдэл0
... Зовох цагт нөхрийн чанар танигдана . !!! ... Хэрэв хоёр хөршийн нэг чинь чамайг өвчлөн сулран доройтох үед чинь орон гэрийн чинь аль өнгөтэй өөдтэй бүгдийг хууран залилж дээрэмдэж аваад , аманд чинь үхлийн хор хийж орон гэр , газар талбайг чинь сул авах гэж санаархвал , хэн ч байсан баярлалаа гэж хэлэхгүй л болов уу. !!! ... Харин ч хожим хойно түүнтэй харьцах бүхий л сувгаа салгаж , хол амьдрахыг бүр харахгүй байхыг хүснэ . Хар Хятадууд боломж л гарвал хөх тамгат Монголчууд биднийг бүхий л цаг үед илээр ба далдуур хорлож ирсэн . Тиймээс Хар Хятадаас бүхий л салбарт зайгаа барих бодлого барьснаараа Хөх тамгат Монголчууд өөрийгөө хамгаалж чадах болно гэдгээ сайтар ойлгох хэрэгтэй . !!! ... Харин чамайг хэн ч биш болж хөл дээрээ зогсох тэнхэлгүй байхад чинь эргэн тойрон өлсгөлөн матрууд амаа ангайлган довтолж байхад чамайг хамгаалан ивээлдээ авч , асарч хооллон тэнхрүүлж , буруу зуршилаасаа салахад чинь туслан мэдээж заримдаа бухимдах үедээ элдэв хатуу үг хэлж хааяaдаа цохиод авч байсан ч зүрх сэтгэл нь сайхан хүнд чи заавал чин сэтгэлээсээ талархах болно. !!! ... Тэр бол Зөвлөлт Холбоот Улс байсан бөгөөд өнөөгийн ОХУ нь түүний залгамжлагч гэдгийг бүгд мэдэж байгаа . Тиймээс ... Тэнхлүүн байхад тэмээгээр тусалснаас , тэвдэж явахад тэвнээр тусалсан нь дээр гэдэг мэргэн үгийн дагуу Хөх тамгат Монгол хүн бүр итгэл даах чадвартай ОХУ д найрсаг ах дүүсэг сэтгэлээр хандах ёстой гэж би ард олондоо анхааруулж байна. !!! ... Сүүлийн цаг үед зарим нэг хорон муу санаатай этгээдүүд амтат талхан дунд сэмхэн хор хавчуулвал мэдэхгүй идээд хордох болно гэж тооцоолоод Орос , Хятад хоёртой адил хэмжээнд хандах ёстой гэж хэлж байгаа бол түүнд бүү итгэ. !!! ... Энд ардчилсан хужаануудын давхар хорон бодлого явагдаж байгаа бөгөөд тэд ч хорлон мэхлэх, зальдахдаа хэнээс ч илүү баширмаг сэтгэлтэй Хятад угшилтай хүмүүс гэдгийг бүү март . !!! ... Хан Тэнгэрийн хилэнд ардчилсан хужаа луйварчид урвагчид устан мөхөж тамын гүнд хаягдах болно. ... Мөнх Тэнгэрийн хүчин дор Монгол эх орон минь хүчирхэгжин хөгжин цэцэглэх болно.
... Хүний сайныг ханилан байж мэднэ , Хүлгийн сайныг унан байж мэднэ . ... Монголын ард түмэн 20 р зуунд хүн төрөлхтөний туулан өнгөрүүлсэн нийгмийн цаг хугацааг богиносгож өөрийн гэсэн хөгжлийн загварыг бий болгохын тулд томоохон үсрэлт хийх хэрэгтэй болсон . Зул бөхөхийнхээ өмнө түр зуур бадамладаг шиг 17 р зуунаас Манжтай Холбоотон улсын хэмжээнд оршсон Монголын хуучин нийгэм 1911 онд түр зуурын сэргэлт аван Холбооны гэрээнээс салж туурга тусгаарлан амьдрахыг оролдсон боловч Манж зуршил, сул дорой өтөл настай болсон хуучин Монгол улс шинэ цагийн хэмнэлийг даалгүй хадан гэртээ хальж , … Ертөнцийн жамаар oроо бусгаа цагийн хүнд хэцүүг туулан Хятад Гамин , Цагаан Бароны элдэв түрэмгийлийг үзэн туулж, зовлонд хурцлагдсан Монголчууд 1921 онд ухаан саруул, харц ард Их удирдагч Д Сүхбаатараар өлгийдүүлэн Шинэ Монгол улсыг байгуулан, 1924 онд Бүгд Найрамдах Монгол Ард Улсыг бүх дэлхий даяaр зарлан тунхагласан . Нярай цагийн хүндрэлийг үзэн, элдэв халдварт өвчин мэт нийгмийн хүнд хэцүү цагуудыг туулан өнгөрүүлж Зөвлөлт Оросын хоёргүй сэтгэлийн тусламж , хүчирхэг хамгаалалт дор хэдэн зууны хоцрогдлоо гэтлэн хоосон шашны хуурамч ухаанаас холдон шинэ цагийн мэдлэг оюуныг дээдлэн хүлээн авч 70 орчим жил замнасны эцэст өвчин зовлонд баригдсан Монголчууд эрүүл саруул болж , харанхуй цээжтэнгүүд зонхилсон ардууд бүхлээрээ бичиг үсэгтэн болон гэгээрч , Их дээд сургууль төгсөгсөд шинэ нийгмийг удирдан жолоодож идэх хоол, өмсөх зүүхээ гаднаас царайчлахгүй байж чадах тодорхой хэмжээнд хүрч үйлдвэрлэлийн дараагийн үе машинт үйлдвэрлэл рүү шилжих цагийн нугачаанд идэр насны гэнэн томоогүй нас , аливаа шинийг эрэн хайх хүсэл дээр нь бие даан хатуу ширүүн хорвоотой нүүр тулж амьдрах зайлшгүй хувь тавилангийн эрхээр өнөөдрийн Ардчилал хэмээх тодотголтой нийгмийн уулзвар дээр гаран зогссон ! . Бидний Монголчууд үүнд бэлэн байсан уу.! Үгүй ээ бид бэлэн биш байсан !. Дэлхий дээр сүүлийн 200 гаран жил ноёрхсон хөрөнгөтний боолчлол, наанаа сайхан ярьж цаанаа устган мөхөөж боолчилдог капитлизмтай нүүр тулгарах нь , ... хааяадаа суран бүсээр ороолгуулан шийтгүүлдэг ч номхон томоотой суун, алив заасан бүгдийг сайн сурдаг сурагчдаа ханддаг ширүүн мөртлөө сайхан сэтгэлтэй багштай адил Зөвлөлт Холбоот Улс , социализмтай огтхон ч төсгүй гэдгийг гудамжны дээрэмчин , махчин араатан шиг ханаж цадахыг мэдэхгүй Өрнөд , Америк , Хятадтай хамтдаа амьдарсан сүүлийн 20 иод жилд л хүүхэд насны гэнэн хонгор сэтгэлээ орхиж байгаа Монголчууд ойлгож мэддэг болсон. ... Өдгөө Хятадад нийлсэн Өвөр монгол хүчээр Хятадчилагдаж харийн мэт сэтгэлтэй хүмүүс болсныг бид харж байна, мэдэрч байна. Хятадын зохиолчийн Чоно романы туурвигдах нөхцөл , … Маогийн тушаалаар Өвөр Монгол эрчүүдийг хүйс тэмтрээд гэрт нь эзэн суусан эзэрхийлэгч Хятад хүний бичсэнээр ... Өвөр Монгол эмэгтэй хэрхэн өөрийн хүнд хэцүү хувь тавилантай тэмцэж бас аргагүйн эрхэнд эвлэрч байгаа түүхийг уншиж Монгол хүний сэтгэлээр ойлгон ухаарсан . Өвөр Монголчуудын туулсан зовлон, асгарсан гашуун нулимснаас ундаалж байгаагаа мэдэхгүй олон Монгол хүмүүс Хятадын зохиолчийг Хятад Төрийн бодлогын дагуу түүний хамгаалалт доoр Монгол хүүхэн хүчиндэгч этгээдийг бүх л мэдээллийн хэрэгслээр магтан дуулж байсан саяхны хэрэг мөн . ... Ийм харанхуй хүнд хэцүү мөхөх хувь тавилантай эвлэрэн өөрийгөө сайн дураар Хятадын боол болгохыг хүсэгч хэн боловч эх орноосоо урвасан хулгай мөн. Энэ цаг үед Хятад Гамин Ардчилсан хужаанууд Монголчуудыг тал бүрээр доромжлон бидний Монголчуудын Тусгаар Тогтнолын үнэн түүхийг хутган үймүүлж элдэв худал зохиомол санаа дэвшүүлэн олон түмнийг төөрөгдүүлэн Монголыг монголоор нь устгах , Их Эзэн Чингис Хаанаар Их Идирдагч Д Сүхбаатaрыг балбаж байгаа нь үнэхээр зэвүүцэлтэй хорон муу хэрэг бөгөөд хонины арьс нөмөрсөн чононцоруудын далдлагдсан бузар төрх нь ил гарч байгаа гэдгийг олон Монголчууд ойлгох хэрэгтэй . … Өнөөдөр Монгол oрон харийн түрэмгийлэл дунд оршин амьдарч Төрийн эрхэнд хууран мэхлэх замаар ард олны сонголтыг өөрчлөн хууль бусаар Ардчилсан хужаа луйварчид урвагчид гарч ирэн Монгол төрийг , хуулийг самууруулан , Монголын Ард түмний ирээдүйг элдэв гуншинтай Ардчилсан ИХ Өр хэмээх урхинд оруулан хаврын эцэнхий бурантагтай тэмээ шиг болгон харийнхны гарт лавхан атгуулж , Дэлхийн зах зээлд 125$ ийн үнэтэй байдаг коксжих нүүрсийг 40 $ хүрэхгүй үнээр заран бүр тэрбум тонноор нь Хятадуудад найр тавин өгөх хэлэлцээр байгуулсан нь ил цагаан дээрэм гэхээс өөр хэлэх үг олдохгүй байна. 2013 онд 243 ,5 км засмал зам тавьсан дүн мэдээгээ өөрчлөн 2007 оноос хойш тавьсан 1700 км ийг өөрсдийн нэр дээр бичих нь галзуу солиотой ичих нүүргүй луйварчид гэхээс өөр таарах гуншин олдохгүй байна . Тамсагийн нефтийг хоолойгоор зөөх санаа Хятадынх бөгөөд Ардчилсан хужаанууд үүнийг алгаа ташин хүлээн авах нь мэдээж . Монголын ард түмний саналыг АНУ ын санал тоолох хар машинаар өөрчилж Монголын төрийг хууль бусаар эзэгнэж болж байхад хэдэн сая тонн газрын тосны дүн хэмжээг будлиантуулж хулгайлах нь Ардчилсан хужаа луйварчид урвагчдад гарын алга урвуулсантай адил санагдах бөгөөд Дорнодын Дашбалбарын ураныг Өнгөт металл нэрийн дор хууль бусаар олборлон , хилээр чөлөөтэй нэвтрүүлж байгаа бузар үйлдлийг Монголын Хууль хяналтын байгууллагa таслан зогсоож, илрүүлсэн хэргийг нь хэрэгсэхгүй болгогч Дорлигжав , гүтгэгч урвагч Тэмүүжингийн гараар Цагдаагийн байгууллагын шударга ажилтан мөрдөн байцаагчдын амыг нь барьсны дараа бүр ч амархан хийх болно гэдгээ төслийг гар өргөн дэмжигч луйварчид урвагчид хужаанууд сайн мэдэж байгаа . . … Монголын төрийн хуулийг шинэтгэл нэрийн дор Монголыг мөхөөх зэвсэг болгон өөрчилж 4 сарын 1нээс эхлэн хэрэгжих Боомтын тухай хуулиар Монголын өмнө зүгийн хил хамгаалалтгүй болж Хилийн цэрэг татан буугдах тогтолцоо үүссэн энэ нөхцөлд Газрын тухай шинэ хуулиар харийн иргэдэд газрыг 100 жилээр өмчлүүлэх тухай заалт орж, Монголын газар Хятадуудын гарт орох эрхийг нь баталгаажуулах бодит төлөвлөгөө хэрэгжих тун дөхсөн байдалтай байна. Өвөлжөө хаваржаа бэлчээрийг хувьчилж, худалдан борлуулах эрхийг өгснөөр Монголын малчдыг мөнгө зээлийн эргэлтэнд уран үгээр урхидан оруулж, эцэст нь бүх талаар хяхан хавчиж үүний үр дүнд Хятадууд Хужаанууд хэдхэн жилийн дараа Монголчуудын газрыг гартаа оруулан Эзэн сууж Нүүдэлчин ахуйг устгах далд санаагаа хэрэгжүүлэх гэж атгаг санаандаа ихэд яарцгаж байна. Шинэчлэлийн нэртэй Монголчуудыг туйлдуулах зорилготой хууль бус Засгийн газрын зохион байгуулалттай хулгайлах , нураах ажиллагааны үр дүнд Монголын санхүү , эдийн засаг, нийгмийн төлөв байдал хүндэрч, төгрөгийн ханш суларч Монголын баялаг бүтээгчид сульдсан үед Хөрөнгө Оруулалтын тухай хуулийг яаран сандран баталж Хятадын луйварчдыг хуулийн хамгаалалт дор Монголчуудын хөрөнгийг хүч түрэмгийлэн дээрэмдэх, шулан мөлжих бололцоог нь гаргаж өгсөн . Хууль бус УИХ ын гишүүн Ганбат гэгч этгээд Алтны татварыг 10 % аас буулган 2,5 % болгосон нь Монголын ард түмэнд үр өгөөжөө өгнө хэмээн нүүр нь улайхгүй Монголчуудыг доромжилж байгааг сонслоо. Цалингаа аваад түрийвчтэй мөнгөө хулгайчид алдсан хүн их баяртай байхгүй нь мэдээж . Түүний гэр бүл цаашид яаж амьдрах нь мөнгийг нь хулгайлсан хулгайчид огт падгүй хэрэг . Харин мөнгөө алдсан гэрийн эзэн гэр бүл, үр хүүхдээ яаж тэжээх вэ гэдэг том асуудалтай тулгарна гэсэн үг. Үүнтэй адил Монголын баялгаа 75 % ийн татвар авах боломжоо алдсан бүр нарийвчилвал 100 сая $ ын татвар авдаг байгаад 75 сая $- aa алдаж , … / 25 сая $ болсонд / Монголчууд баярлах уу эсвэл Монголчуудыг хүч түрэн хулгайлсан луйварчид илүү их баярлах уу. Мэдээж энэ Ганбат шиг хууль бус УИХ ын гишүүн нэртэй хүний үнэргүй урвагчид луйварчид хужаанууд Монголчуудыг яаж ч доромжилж , яаж ч хуурч болно гэж бодож байгааг бүр Мөнхбаяр нарт 21 жилийн хорих ял өгөөд Урт нэртэй хуулийг зогсооход хэн бидэнд саад хийх вэ гэж бүр том дуугаар Монголчуудыг заналхийлж байгааг бид харж байна. Харсаар , сонссоор байж бидний үеийнхэн өвөг дээдсийнхээ хувиршгүй үнэнч сэтгэл ,эрсэдсэн халуун амь , асгарсан халуун цусны үнэ цэнээр олдсон Монгол эх орныхоо тусгаар тогтнолыг Америк Хятад Өрнөдийн тавьж өгсөн өгөөш мэт архидалт завхайрал , авилгал хууран мэхлэлт , түмний хөрөнгийг зэм хүлээхгүй хулгай хийх эрх бүхий хоосон эрх чөлөөт мөн чанартай ардчилал хэмээх бурангуй, эх захгүй нийгэм, Харийнхны эзэрхийллийг хэрэгжүүлэгч утсан хүүхэлдэй Монголчуудаас өсөө авахыг хүсэгч Ардчилсан хужаа Ц Элбэгдорж түүний гар хөл бологчид луйварчид урвагчид хужаа нарт найр тавьж өгөөд Өвөр Монголчуудын хадагдсан мухар харанхуйн хэлхээсэнд орж , амьдралын гашуун зовлон дунд алхаж мөхөх үү. . .. Үгүй гэж хөх тамгат Монгол хүн та хашгирч байгааг би сонсож байна. Таны зүрхний хилэн бадарч байгааг би мэдэрч байна. Тэгвэл урагшаа ... !!! Монгол эх орныхоо төлөө амь бие хайргүй тэмцэх зангилгийн цагт Монгол ахан дүүс бид хамтдаа харийн түрэмгийлэл , дотоодын урвагчдын эсрэг тэмцэх болно. ... Мөнх Тэнгэрийн хүчин дор Монгол эх орон минь хүчирхэгжин хөгжин цэцэглэх болно.