Нялх амьтан даа гэж Засгийн газрыг хэн ч өрөвдөж байгаагүй. Нэг сар болоогүй байхад нь “Хууль бус Засгийн газар, улс орныг хямраачихлаа. Бүгдийг нь огцруулъя” хэмээн орилж эхэлсэн. Тэр ч бүү хэл Засгийн газрыг “эхийн хэвлийд бүрэлдэж” байхад амийг нь таслуулахаар Үндсэн хуулийн Цэц, шүүх энэ тэрд хандсан нөхөд ч бий.
Хамгийн сайн сөрөг хүчин хэмээн 1996 оны УИХ-ын сонгуульд цөөнх болсон МАХН хэмээн ярьцгаадаг. Яг үнэндээ бол Н.Энхбаяр тэргүүтэй коммуннистууд дөрвөн Засгийн газрыг огцруулж улс орныг элгээр нь хэвтүүлсэн билээ.
Сөрөг хүчний хийх хамгийн эхний ажил бол Засгийн газрыг унагаах, дараа нь улстөрийн сонгуульд ялалт байуулах гэж ярьцгаадаг. Намын даргад нэр дэвшигч эрхмүүд “2016 оны УИХ-ын сонгуульд намаа ялуулж чадахгүй бол огцорно” гэж улаан цайм мэдэгдэнэ. УИХ-ын сонгуульд ялалт байгуулна гэдэг бол хэдэн нөхдийг ажилтай болгох гэсэн хэлцэл юм. Энэ бүхэн ямар их хохирол учруулдгийг хэн ч ярьдаггүй.
Засгийн газар тогтворгүй байна гэдэг улс орныг хямралд хөтөлдөг. Засгийн газар унах тоолонд ард түмний амьдралд айдас, дарамт ирдэг байв. “Шагдараа, чи энэ хэдэн хүүхдээ бодож болсонгүй юу” гэхэд “Должин минь тэр талаар бодох сэтгэлийн тэнхэл алга” гэдэг дээ.
Түүн шиг МАН-ынханд “Та бүхэнд улс орны эдийн засаг, ард түмнээ бодсонгүй юу. Яг үнэндээ бол Монгол Улс 2012 он руугаа дахиад ухарна. Бүх гэрээ хэлцэл, гадны хөрөнгө оруулагч нартай дахиад ярина шүү дээ.
Сөрөг хүчний зовлон гэж бий. Хэрвээ тэд Засгийн газрыг унагааж чадахгүй бол, эдийн засгийн хямралаас гарчих юм бол 2016 онд ажил ч үгүй болно. Нөгөө олон хандивлагчийнхаа нүүрийг яаж харах юм бэ.
2012 онд МАН-ыг ялна гээд гурван өрөө байраа зараад сонгуульд зүтгэсэн хүн ч бий. Тэдний өмнө хүлээсэн үүрэг гэж бий. Зарим нь бүр хүний нүүр харж чадахаа байгаад зугтааж яваа шүү дээ.
Дэлхийн эдийн засгийн хямралын үед Н.Алтанхуягийн баг тийм ч муу ажиллаагүй бололтой. Ард түмнээс авсан судалгаануудаас харагдаад байгаа юм. МАН, АН-ын судалгаануудаас харахад Засгийн газрыг тогтвортой ажиллахыг гадна дотны иргэдийн 70 орчим хувь хүсээд байна шүү дээ. МАН-ынхан минь 2016 оны сандал ширээ гэлтгүй ард иргэдээ бодоод Засаг төрөө оролдохгүй байвал яасан юм бэ.
“Давхар дээл” энэ тэрээ хэзээ ч тайлж болно. “Саалиа орхиод ямар ч эхнэр үхдэггүй” гэж хошигнодог шиг их ажлын хажуугаар дээл хувцас тайлуулах гэж ноцолдохын хэрэг юу байна. 2016 оны сонгуулиар нэгмөсөн тайлуулчихна биз. Тэр болтол халууцах нь халууцаад, хөлсөө гоожуулах нэг нь гоожуулаад яваг л дээ. Бага хаадын тэмцэл Чингисийн эзэнт гүрнийг хэд хуваасныг санаж төр, засгаа ээлж дараалан бариач ээ. Дараалал дайрдаг явдал картын бараатайгаа устаж үгүй болсон баймаар даа.
Т.Эрдэнэ
Эх сурвалж:
Сэтгэгдэл0
дэлхийд эдийн засгийн ямар ч хямарал гараагүй байна эрхэм ардчилсан худалчаа, энэ засгийн газар ажиллаж эхэлсэн хугацаа бол монгол орон хөгжил дэвшлийн суурь тавчихсан өр ширээ дарчихсан шинэ дээл өмссөн юм шиг улс орныг авсан үүнд
1 тавантолгойгн нүүрсийг монгол хүн ,монгол инженер нээж юутай чзүйрлэхгүй монголын үндсэний томоо уул уурхайн үйлдвэрийг монгол уурхачид ажиллуулж албан тэшаалын төлөөх тэнэгүүдийн тавьсан өрийг хурдан хугацааанд төлж барагдуулж байна Одоо дахин АН МАН хоерын сонгуульд тараасан мөнгө уурхайчил хөлсөө гарган хөдөлмөрлөж төлж байна ЭНЭ ӨР ДУУСМАГЦ аЛТАХУЯГИЙН ТАВЬСАН 4,8 ИХ НАЯД ЧИНГИС НЭРТЭЙ ӨРИЙГ ЯПОНД ТӨЛЖ ЭХЭЛНЭ АРД ТҮМНЭЭ ӨР БӨӨСӨНД БИТГИЙ ОРУУЛ АРДЧИЛАГЧИД АА
Манай ерөнхийлөгч Элбэгдорж хийх ажилгүй юм шиг давхар дээл тайлж ухаалаг болох санаатай байна. Өөрөөр ухаалаг болох ухаан дутаад хэцүү байна даа.
Алтанхуягийн ЗГ тун хариуцлагагүй ажиллаж байна. Юм л бол урдахаа муулаад л.... Энэ ЗГ-ын хийсэн зүйл бол 1,5 тэрбум доллар,бас самуурай бонд 2-ын ИХ ӨР
Ард түмнийхээ цалинг нэмээгүй байж Алтанхуяг ямар баасаараа сайн ажиллсан байдаг юм.Долларын ханшийг өсгөсөн Алтанхуяг ажлаа чаддаг хүнд нь даруйхан өгөх хэрэгтэй.