“Ялгуусан” компани Офицерийн замыг түйвээж байна

Нийтэлсэн: 2013-06-05 10:10:11

Зүүн дөрвөн замаас Ботаникийн эцсийн буудал хүртэлх 4.5 км замын өр­гөтгөл, ши­нэчлэлтийн аж­лыг 2012 оны наймдугаар сараас хойш хийсэн болж байгаа “Ялгуусан” нэртэй компани зам тавих биш тэр хавийг жинхэнэ “там” болгосоор хоёр он дамнуулан бантагнуулж сууна. 
 
 
Өнгөрсөн оны есдүгээр сард Ерөнхий сайд Н.Алтанхуяг, Улаанбаатар хотын захирагч Э.Бат-Үүл нарт ажлаа танилцуулахдаа “Хөгжлийн банк, Улсын төсвийн 12.5 тэрбум төг­рөгөөр санхүүжүүлэгдэж байгаа энэ замын ажлыг 2013 оны наймдугаар сард хүлээлгэж өгнө. 
 
 
Япон стандартын да­гуу хийгдэж байгаа 4.5 км замын өргөтгөл, шинэч­лэлтийн ажлын нэг км-ыг 1.3 тэрбум төгрөгөөр гүйцэтгэж байна. Дундаа ногоон байгууламжтай хоёр урсгалтай замын хоёр талаар явган хүний зам тавьж, ус зайлуулах төхөөрөмжтэй орчин үеийн чанарын шаард­лага хангасан замыг жилийн дараа нийслэлд хүлээлгэж өгнө” хэмээж байсан.
 
 
Н.Лхагвасүрэн захи­ралтай “Ялгуусан” компани нь 1996 оноос замын ажил дагнан гүйцэтгэсээр ирсэн гэж өөрсдийгөө дөвийлгөсөөр Зүүн дөрвөн замын уулзвараас Ботаникийн эцсийн буудал хүртэлх ажлын тендерийг өөрийн болгосон ч өнөөдөр тэд ажил хийх биш тэр хавийг бусниулаад дуусгаж байна. 
 
 
Хоёрхон жилийн өмнө Зүүн дөрвөн замаас Офицерүүдийн ордон хүр­тэлх хоёр урсгалтай замын дунд ногоон модон хайстай голоороо явган хүний толигор сайхан зам­тай Улаанбаатартаа л ховорд тоо­цогдох ногоон байгууламж  ми­шээж байсансан.
 
 
Харин өнөөдөр балагтай “Ялгуусан” ком­пани түй­­вээн бусниулснаар хайс ч үгүй, явган хүний зам ч байхгүй, дээр нь засмал  зам  нь ч  “там” болоод дуусч байна. Алаг цоог энд тэнд суулгаж байгаа явган хүний зам тавигчид нь хуучин замын үлдэгдлүүдийг нь модны нүх рүү хийж дүүргээд байгаагаас ус, чийггүй ногоон модод эхнээсээ үхэж эхлээд байгаа.
 
 
Саяхнаас “Монгол кино” нэгтгэлийн өмнөх замын голоор нүх ухаж гарсан шороог нь ургаа модод руу асгаснаас дөнгөж гөлөглөн, цэцэглэж байсан олон мод хугарч, эхнээсээ хатаж эхэлсэн.
 
 
Хамгийн  харамсалтай нь нэг км-ыг нь 1.3 тэрбум төгрөгөөр ху­чиж  “гурилдсан” өнгөр­сөн жи­лийнх нь зам эхнээсээ ховхорч, усны  долгион шиг хотгор, гүдгэр­тэй бол­чихоод жолооч нарын муу үгийг барж байгаа.
 
 
Замын салбарт 16 жил ажил­лаж байгаа компани гэхэд техник, хэрэгсэл, ажиллах хүч нь ёстой л “элэг авмаар” юмнууд ха­рагдаад байгаа юм. Гурван хүрз тойроод таван хар хүн тамхи татаж зогссоор таван сарыг дуусгасан бол хоёр урсгалтай замын ха­жуугийн хашлагыг солих гэж маазарсаар зургаан сарыг барах нь тодорхой.
 
 
“Ялгуусан” компанийн ядмагхан ажилчид тамхи баа­гиулж, эвшээлгэж суусаар энэ зуныг өнгө­рүүлэх хооронд тат­вар төлөгчид алба, аминыхаа машиныг хэдэн удаа засварт өгч, хэдэн тонн бинзенээ түгжээтэй зам дээр шатаахыг хэлэх байтугай, тааварлахад ч бэрх болоод байна. 
 
 
2012 онд энэ компанийн ажилтай танил­цаж явахдаа Ерөн­хий сайд Н.Алтанхуяг “Үүнээс хойш ийм хэмжээний замын аж­лыг нэг компанид өгч, он дам­­жуулан  хийдгийг зогсоох ёс­той.
 
 
Компаниудад хувааж өгөөд хийлгэ” гэхэд “Ялгуусан” ком­­панийн талбайн инженер И.Энхтөр бас бус хүмүүс “Бид энэ замыг хугацаанд чанартай хийж гүйцэтгээд нийслэлд хүлээлгэж өгнө” хэмээн ам өчгөө өгөх шахуу юм болж байсан.
 
 
Тэгвэл хоёрхон сар хагасын дараа хүлээлгэж өгөх ёстой Зүүн дөрвөн замаас Ботаникийн эцсийн буудал хүртэлх 4.5 км замын ажил өнөөдрийн байдлаар 50 хувийн ч гүйцэтгэлгүй явж байна.
 
 
Хамгийн хачирхалтай нь нийслэлийн хамгийн том дүүргийн хамгийн ачаалалтай чухал  замын  ажлыг  хийж  байгаа “Ялгуусан” компанийн хувьд нэгдсэн удирдлага, зохион байгуулалт гээч юм үнэндээ байдаггүй бололтой.
 
 
Өглөө ажилдаа ирэх, орой гэртээ харихаар автобус, унааны цонхоор харж яваа жил гаруйн хугацаанд зам дээр зогсоод ажил удирдан гүйцэтгүүлж байгаа талбайн инженер, дарга, даамал нэгийг ч олж харсангүй. 
 
 
“Ялгуусан” компанийн энэ урагшгүй, арчаагүй байдлыг харахаар арваад жилийн өмнө болоод өнгөрсөн нэгэн үйл явдал өөрийн эрхгүй ухаан бодолд харван орж ирээд байгаа юм. Гурав, дөрөвдүгээр хорооллын дундуурх хоёр урсгалтай замыг нийслэлийн иргэд андахгүй.
 
 
Улаанбаатарын хамгийн их ачаалалтай тэр замыг өнөөдрийн ХАХНХ-ын сайд С.Эрдэнэ Баянгол дүүргийн Засаг дарга байхдаа ёстой л хараа салгалгүй удирдан чиглүүлж, хяналт тавьсаар тавиулсан түүхтэй.
 
 
Тэр үед бичил зургаадугаар хороо­лолд амьдарч байсан миний бие хэрэг болгон  нэг удаа өглөөний  06:00 цагт “Өргөө” кино­театрын өмнө  явж очиход  С.Эрдэнэ дарга аль хэдийнэ ирчихсэн  каск малгай өмсчихөөд зааж зааварлаад явж байж билээ. 
 
 
Ажлыг  эзний ёсоор хариуцах, үүрэг зо­рилгоо ухамсарлах, нийгэм, хүмүүсийн  өмнө амласнаа  биелүүлэх гэдэг  тийм л байдаг юм билээ. Харин “Ялгуусан” нэртэй ч адгуусан төрх­тэй энэ компанийн хувьд тийм сэтгэлтэй, тэгж ажилладаг дарга, цэрэг байхгүй бололтой юм.
 
 
Явж байгаад л харахад ажилчид нь хоёр гурваараа замын хашлага дээр суучихсан тамхи  татаж, худлаа  яриад л сууцгааж байна. Ганц хоёр техник, машин механизмаа замын дундах ногоон байгууламж дээр тос, маслыг нь гоожуулаад  зогсоочихсон л харагдана.
 
 
Ажлаа хиймэр  болж байгаа ганц нэг нь хөдөлж ядаад, удаахан харвал нойр хүрмээр шинжтэй. Зүүн дөрвөн замаас Офицерүүдийн ордон хүртэлх замын хоёр талаар суга татаад хаячихсан хуучин замын хашлага, явган хүний замын хавтангийн хагархай, том том цементэн зуурмагийн үлдэгдэл гээд хог новш овоороод байгаа болохоос биш өргөтгөж, шинэчилсэн зам өнөөдрийг хүртэл үзэгдсэнгүй.  
 
 
Хоёр жил дамжуулан хийж байгаа “Ялгуу­сан” нэртэй ядарсан компани Баянзүрх дүүрэгт хөгжил дэвшил биш хог новш, замын түгжрэл, жолооч нарын бухимдал л авч ирлээ. Яачихсан компани, ямар арилчихсан дотортой захирал, удирдлага гэж ийм байдаг юм бол.      
 
 
Д.Түвшин
 
Эх сурвалж: 
СУРТАЛЧИЛГАА :

4 сэтгэгдэл харуулж байна        

  1. Ene uneheer unen shuu. ter uyed 1 dugeer horoollin urd zamin ajil ene zam tavih ajiltai zereg ehelsen. tegehed 1 dugeer horoollin urd zam yamar hurdan hugatsaand chanartai sain hiigdsen bilee. nodlin zunaas hoish ene zam tavigdaad odoo boltol zuuraldsaar l baina daa,

    irgen, 2013-06-05 10:58:30, 76.92.141.39Хариу бичих

  2. Таны нэр:

    Тайлбар:

  3. Ene jil ene zam ashiglaltand lav orohgui. Ungursun jil heseg tavisan zamiin huchiltaa ene jil dahij shineer tavih yum bga bizde Yalguulsan companiaa tegehgui bol zugeer l derjignuurtei zam shig bga shde,Arai ingej zam tavihgui bh shu,

    Зочин, 2013-06-05 11:06:24, 124.158.107.2Хариу бичих

  4. Таны нэр:

    Тайлбар:

  5. hiij chadaj bga hegniigee bitgii ingej bgaach

    Зочин, 2013-08-12 16:18:26, 202.126.89.251Хариу бичих

  6. Таны нэр:

    Тайлбар:

  7. yalguulsan kompani bol vnheer chadwartai kompani mongoldool bhgvi texnik texnologtoi

    Зочин, 2013-08-12 16:20:35, 202.126.89.251Хариу бичих

  8. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар:

Фотог:

Канад улс Төв болон Зүүн Европ дахь НАТО-гийн баазад цэргээ байрлуулна8

Канадын Засгийн газар 125 цэргээ Төв болон Зүүн Европт байрладаг НАТО-гийн баазад алба хаалгахаар илгээх шийидвэр гаргасан тухай тус улсын Батлан хамгаалах яам мэдээлжээ.

Фотог:

Ерөнхийлөгчийн зөвлөх А.Ганбаатар уулчин Б.Цэвээндашийг хүлээн авч уулзлаа1

Монгол Улсын Ерөнхийлөгчийн Олон нийтийн харилцааны бодлогын зөвлөх А.Ганбаатар өчигдөр “Эрүүл Монгол хайкинг клуб”-ын тэргүүн, уулын спортын олон улсын хэмжээний мастер Б.Цэвээндашийг хүлээн авч уулзлаа.

Фотог:

Туркийн Гран при-гээс Д.Төмөрхүлэг мөнгө, Ц.Цогтбаатар хүрэл медаль хүртэв1

Туркийн Самсун хотноо болж буй жүдо бөхийн гран при тэмцээний эхний өдрийн барилдааны эрэгтэйчүүдийн 66 кг-д Д.Төмөрхүлэг мөнгөн медалийн эзнээр тодорлоо.

Фотог:

“Эх дэлхийн цаг” арга хэмжээнд 170 гаруй орон нэгдэнэ

МОСКВА. /RIA Novosti/. Экологийн томоохон арга хэмжээ болох “Эх дэлхийн цаг” арга хэмжээнд өнөөдөр дэлхийн 170 гаруй орон нэгдэнэ.

Фотог:

ЭЕШ-д задгай хэлбэрийн даалгавар оруулна1

ЭЕШ-ын сэдвийн агуулгад задгай хэлбэрийн даалгавар оруулна гэж Боловсролын үнэлгээний төвөөс мэдэгдлээ.

ШЕЗ VS ШӨХТГ

Шүүгчид О.Магнай даргаар нэр төрөө сэргээлгэхээр шүүхэд гомдол гаргана гэв

Адуу (Фото нийтлэл)

Говийн нүдэн дэх адуун сүрэг

Ерөнхийлөгчийн зөвлөх А.Ганбаатар уулчин Б.Цэвээндашийг хүлээн авч уулзлаа

Монгол Улсын Ерөнхийлөгчийн Олон нийтийн харилцааны бодлогын зөвлөх А.Ганбаатар өчигдөр “Эрүүл Монгол хайкинг клуб”-ын тэргүүн, уулын спортын олон улсын хэмжээний мастер Б.Цэвээндашийг хүлээн авч уулзлаа.

Туркийн Гран при-гээс Д.Төмөрхүлэг мөнгө, Ц.Цогтбаатар хүрэл медаль хүртэв

Туркийн Самсун хотноо болж буй жүдо бөхийн гран при тэмцээний эхний өдрийн барилдааны эрэгтэйчүүдийн 66 кг-д Д.Төмөрхүлэг мөнгөн медалийн эзнээр тодорлоо.

“Эх дэлхийн цаг” арга хэмжээнд 170 гаруй орон нэгдэнэ

МОСКВА. /RIA Novosti/. Экологийн томоохон арга хэмжээ болох “Эх дэлхийн цаг” арга хэмжээнд өнөөдөр дэлхийн 170 гаруй орон нэгдэнэ.

ЭЕШ-д задгай хэлбэрийн даалгавар оруулна

ЭЕШ-ын сэдвийн агуулгад задгай хэлбэрийн даалгавар оруулна гэж Боловсролын үнэлгээний төвөөс мэдэгдлээ.

А320-ийн ослоор амиа алдагсдын ар гэрт 50 мянган еврогийн нөхөн төлбөр олгоно

БЕРЛИН. /BBC/. Францын өмнөд нутагт сүйрсэн Airbus A320 онгоцны ослоор амиа алдсан зорчигч бүрийн ар гэрт санхүүгийн яаралтай тусламжийн хувиар Германы агаарын тээврийн “Lufthansa” компани 50 мянга хүртэл евро олгоход бэлэн байгаа аж.

Арабын улсуудын холбооны дээд хэмжээний уулзалт эхэллээ

КАИР. /BBC/. Арабын улсуудын холбооны /АУХ/ дээд хэмжээний уулзалт Египетийн рашаан сувиллыг Шарм-эш-Шейх хотод өнөөдөр эхэллээ.

Д.Цогтбаатар: Эдийн засаг хямарсан болохоос амьдрал зогсчихоогүй байна

Барилга, хот байгуулалтын сайд Д.Цогтбаатартай ярилцлаа.

40 гаруй сурагчид 3000 юаний тэтгэлэг олгов

2015 оны хичээлийн жилд бага, дунд ангийн сурагчдад зориулсан “Мөрөөдлийн од”, “Ирээдүйн од” ивээн тэтгэх хөтөлбөрийн шагнал гардуулах ёслолын ажиллагаа өнөөдөр боллоо.

Монголбанкны Ерөнхийлөгчийн зөвлөх С.Болд: Монгол Улс заавал хуримтлалтай болох ёстой

Гадаадын шууд хөрөнгө оруулалтын ДНБ-д эзлэх хувь хэмжээ 50 хувиас таван хувь болж огцом буурахад валютын эрэлт хэрэгцээг тайлбарладаг эдийн засгийн суурь үзүүлэлт болох урсгал дансны алдагдлын ДНБ-д эзлэх хувь хэмжээ хасах 26 хувиас хасах найм хувь болж буураад байна.

Бидний аврал гадаадын хөрөнгө оруулалт мөн үү?

Монгол Улсын хөгжил хүн бүрт хамаатай билээ. Өнөөдөр эдийн засгаа хөгжүүлэхийн тулд гадаадын хөрөнгө оруулалт татах хэрэгтэй гэж байна.

Хогны төлбөр цуглуулах байцаагч ажиллуулна

Цахилгааны тоолуурт холбогдоогүй айл өрхүүдээс хогны төлбөрийг цуглуулах ажлыг зохион байгуулах юм байна.

Оношлогооны цэгүүдийн зарим байршилд өөрчлөлт орууллаа

Монгол Улсын “Авто тээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу авто тээврийн болон өөрөө явагч хэрэгслийг эзэмшиж байгаа хувь хүн, хуулийн этгээд жил бүр албан татвар төлдөг.

Агаарын тээврийн компаниуд аюулгүй ажиллагааны журамдаа өөрчлөлт оруулж байна

Нэг болон хоёрдугаар нисгэгчийн аль нэг нь нислэгийн бүхээгээс гарсан тохиолдолд бүхээгийн ажилтан нислэгийн бүхээгт байх ёстой ажээ.

Оросын удирдагч Йеменд үүссэн нөхцөл байдалд санаа зовниж байна

Ираны Ерөнхийлөгч Хасан Роуханитай ярилцах явцдаа Ерөнхийлөгч Путин Йеменд нөхцөл байдал муудаж байгаад ихээхэн санаа зовж байгаагаа илэрхийлсэн гэж Песков сэтгүүлчдэд мэдэгдэв.