Охидоо хаана нуух вэ?

Нийтэлсэн: 2017-10-17 09:56:24

Хойд эцэг нь таван настай охиныг хүчиндсэн жигшүүрт хэрэг нийгмийг цочроож, “Хүчирхийлэгчийг цаазал” гэсэн үзэл бодлын давалгаа олон нийтийн сүлжээнд өрнөж байна. Энэ бол цэцэг цэврүү шиг охидоо гаж донтой хүчирхийлэгчдээс хэрхэн хамгаалах, хаана нуухаа мэдэхгүй аргаа  барсан хүмүүсийн  хүчин  мөхөсдсөн тэмцэл юм. Үнэндээ бага насны хүүхдийг хүчирхийлсэн жигшүүрт хэрэг олны анхааралд өртөх бүрт олон мянган ээж, аав, ах, эгчийн элэг эмтэрч, энэлэн шаналахаас өөрийг хийж чадахгүйдээ нийгэм даяар бухимдаж буй. Гэвч үүний ард төр засгаас хүүхдийн эрхийн хамгаалахад дорвитой ажилласан, үр дүн, ахиц дэвшил гарсан зүйл алга. Хамгаалалт хүсээд очсон таван настай охиныг шинжилгээний 10 мянган төгрөггүй гээд буцааж байгаа шүүхийн шинжилгээний ажилтны үйлдэл, төрийн байгууллагын үнэлэмж, ажлын үзүүлэлтийг илтгэж байна гэхэд хилсдэхгүй биз. Гэвч хүчирхийлэлд өртсөн хөөрхий охиныг нийгэм даяараа өрөвдөөд өнгөрөх биш жигшүүрт хэрэг гарахгүй болтол нь нэгдэж тэмцэх учиртайг хүүхдийн эрхийг хамгаалах байгууллагуудын төлөөлөл хэлж байна.
 
ХЭҮК: 2016 ОНД 298 ХҮҮХЭД БЭЛГИЙН ХҮЧИРХИЙЛЭЛД ӨРТСӨН
 
-Нийслэлийн Хүүхэд, гэр бүл хөгжлийн газраас 2014 онд хийсэн судалгаагаар  охидын 15 хувь, хөвгүүдийн 13.5 хувьд нь бэлгийн хүчирхийлэлд өртөж байсан. Улсын ерөнхий прокурорын газрын мэдээлэлд 2015-2016 онд улсын хэмжээнд 298 хүүхэд бэлгийн хүчирхийлэлд өртсөн.
 
–Ч.Ганжавхлан
/“Лантуун дохио” ТББ-ын тэргүүн/
 
-“Би хүчиндүүл­чих­лээ” намайг нэн ядуу гэдгийг тодорхойлоод өгөөч, хорооны дарга аа. Тэгвэл миний шүүх эмнэлгийн 10.000 төгрөгийн хураамж чөлөөлөгдөх юм гээд 5 настай охин явж байх тийм улсад амьдарч байгаа Монгол Улсын иргэн танд эмгэнэл илэрхийлье.
 
–Ц.Гантулга: /Шүүхийн шинжилгээний Үндэсний хүрээлэнгийн дэд захирал, цагдаагийн хурандаа/
 
-Эрүүл мэнд, Хуульзүй, дотоод хэргийн сайд, Сангийн сайдын хамтарсан журмын дагуу үзлэг хийж байгаа эмч нар төлбөрөө аваад үзлэг шинжилгээ хийдэг. Таван настай охины тухайд төлбөргүй үйлчилгээ үзүүлэх саналаа яаманд хүргүүлсэн. 18 нас хүрээгүй хүүхэд ямар нэгэн хэрэгт холбогдоод ирэхэд амьжиргааны түвшин зэргийг нь харгалзаж үзээд үнэ төлбөргүй шийдэж өгдөг.
 
–О.Алтансүх: /Гэр бүл, хүүхэд, залуучуудын хөгжлийн газрын дарга/
 
– Өнгөрсөн жил хүүхэд хамгааллын 108 утсанд насанд хүрээгүй хүүхэд бэлгийн хүчирхийлэлд өртсөн гэх 152 дуудлага ирснээс 122-т нь хэрэг үүсгэсэн. Хохирогч охины гэмтлийн зэргийн үнэлгээ  гараагүй. Сэжигтнийг саатуулсан. Хохирогчийн ээжтэй долдугаар сараас хойш холбоо бариагүй, эрэн сурвалжилж байна.
 
–Н.Арвинтариа
/Хуульч, өмгөөлөгч/
 
-Хохирогчоос төлбөр авч үзлэг хийдэг Шүүх эмнэлгийн журмыг хүчингүй болгуулах гэж удаа дараа Хууль зүйн яаманд хандаж байсан. Сангийн сайдтай хамтарч баталсан улсын бүртгэлд ч бүртгэгдээгүй хууль бус журмаар олон жил хүмүүсээс төлбөр хураамж авч, Шүүх эмнэлгийн ажилтнуудын урамшуулал, матeриаллаг баазыг сайжруулахад зарцуулж ирсэн. Одоо яаралтай энэ журмаа хүчингүй болгохыг Хууль зүйн яам, Сангийн яамнаас шаардъя.
 
ЕРӨНХИЙЛӨГЧ ЦААЗЫН ЯЛЫГ СЭРГЭЭХЭЭР ХУУЛЬЧДЫН БАГ АЖИЛЛУУЛЖ ЭХЭЛЖЭЭ
 
Ерөнхийлөгч Х.Баттулга Монголын нийгэм одоогоор цаазын ялыг халах түвшинд хүртлээ хөгжөөгүй, хувь хүн төлөвшиж, нийгэм тогтворжсон үед уг ялыг халах тухайд ярих ёстой гэж үзэж цаазын ялыг сэргээх талаар хуульчдын ажлын хэсэг ажиллуулж эхэлжээ. Монгол Улс 2012 оныг хүртэл бага насны хүүхдийн хүчирхийлэл болон онц хэрцгийгээр хүний амь нас хохироосон хэрэгт цаазаар авах ялыг оноодог байсан бол 2012 оноос уг ялыг гүйцэтгэхээс түдгэлзсэн.
 
МЭДЭГДЭЛ
 
Сүүлийн үед нийгмийг цочроосон хүний хэв маягаас гажууд балмад хэргүүд гарах болсонд туйлын их харамсаж байна! Иргэний үүрэг хүн ёсны наад захын хариуцлагаа өөрийн хэмжээндээ ойлгож таван настай хүчирхийлэлд өртсөн охины гадаад дотоод шинжилгээ эмчилгээ хууль эрх зүйн өмгөөллийн зардлыг бүрэн хариуцахад бэлэн байгаагаа үүгээр мэдэгдэж байна. Монголын гэрэлт ирээдүй болсон бяцхан үрс хүчирхийлэлийн золиос болох ёсгүй!!!
 
Т.Ганболд / Алтан Дорнод Монгол ХХК, Корпорэйт Хотэлс ХХК/ Холбоо барих утас: 99112809, 99080136.
 
 
С.Уянга
Эх сурвалж: “Зууны мэдээ” сонин
СУРТАЛЧИЛГАА :

5 сэтгэгдэл харуулж байна        

  1. Ардчиллын бучнаар дарангуйллаас салж эрх чөлөөтэй болсны л ач тус шүү дээ.

    Зочин, 2017-10-17 12:54:32, 202.9.43.68Хариу бичих

  2. Таны нэр:

    Тайлбар:

  3. Нэг тэрэгний 2 дугуйг харьцуулдаггүй юм. Жанхуу 1996 онд 17 чингэлэг спиртээр геноцид үйлдэж атигар тарвага, атигар хулгайч хоёрын зам мөр нэг болсон түүхтэй юм. Жанхуу хэзээ ч атигар тарвагын хөлийг гозолзуулна гэж байгхүй, энэ дээр бичсэн санаачилга гэдэг бол огт биелэх боломжгүй утопи зүйл. Цаазын ялыг аль 4 жилийн өмнөөс сэргээх гээд хуульчдийн баг ажиллаж байсан юм, атигар тарвага нүб-д очино гэж сэрүүн зүүдлээд цаазын ялыг сэргээхгүй байсан түүхтэй юм. Жанхуугийн бүх хулгай, луйвар хүчингийн хэргийг баяр, энхсайхан, элбэгдорж, миеэ, ухна хүрэлсүх бүгд мэдэж байхад тэднийг хууль шүүхэд өгч чадахгүй. Сүүлийн үед жанхуу агаарт замхран одсон хий хоосон яриа 60 тэрбумыг л ганц ярих юм. Новшийн хулгайч аа, өөрийнхөө төмөр замаас хулгайлсан 280 сая долларыг чи бас яриач. Ямар ч эд мөрийн баримт байхгүй 60 тэрбумыг ярьж 4 жилийг өнгөрөөнө гэж бодож байгаа эндүүрэл шүү жанхуу, ард түмэн тэнэг биш, чиний бодитоор улс эх орныг хохироосон 280 сая доллар буюу 700 тэрбум төгрөгний асуудал, 17 чингэлэг спирт, номурангаас зээлсэн 120 саяд доллар, үй олон хууль бус өмч хувьчлалын хэрэг, жанхуугийн бусад хүний нэр дээр эзэмшдэг ашигт малтмалын лицензи, офшорт нуусан 1.1 тэрбум доллар гээд өчнөөн хууль бус зүйл байгаа шүү....

    Зочин, 2017-10-17 13:49:11, 202.131.243.162Хариу бичих

  4. Таны нэр:

    Тайлбар:

  5.  “ПАНЧО” Д.ЭНХБАЯР Сэлэнгэ аймгийн Цагдаагийн газрын даргаар ажиллаж байх үед Сэлэнгэ аймгийн газар нутаг дээр хууль бусаар “АЛТ” олборлодог аж ахуй, хувь хүмүүсийн хэргийг өөрийн үнэнч ЦЭРГҮҮДЭЭРЭЭ даруулж их хэмжээний мөнгө авдаг бүүр сүүлдээ тогтмол “ТАТВАР” авдаг болсон  байсан. Энэ хэргийн тухайн үед манай цагдаагийн байгууллага шалгаж байсан. Мөн “ПАНЧО” Д.ЭНХБАЯР Сэлэнгэ аймагт үйлдэгдэж байсан ХҮЧИНГИЙН маш олон гэмт хэрэг ХЭРЭГСЭХГҮЙ болгуулж  байсан. Тэр бүх хүчин, заваан балиар хэрэгт хутгалдсан хүмүүс бүгд мөнгөтэй, Д.Энхбаярыг мөнгөний амтанд дэндүү оруулсан хүмүүс. Д.Энхбаярын талаар нутгийн иргэд нь авлига авсан гэж улайм цайм хэлэхгүй ч түүнийг хүний хэргийг шалгахдаа хоёр нүүр гаргадаг гэдгийг удаа дараа дурдаж байсан.  Д.Энхбаярыг яаж хөрөнгөжсэн, ямар хүмүүсийн хэргийг хэрхэн яаж шалгасан талаар ЦЕГ-ын даргын зөвлөлийн Дотоод хяналт шалгалтынхан удахгүй шалгах байлгүй дээ. Одоо бүүр ...миний ард УИХ-ын гишүүн Ц.Нямдорж байгаа надад айх зүйл байхгүй. Цагдаагийн ерөнхий газрын хуучин муу дарга царайтай юмнуудыг ажилгүй болгоно..... гэж дураараа аашилж энэ тэндгүй агсан хөлчүү тавих боллоо.     МОНГОЛ УЛСЫН ЕРӨНХИЙ САЙД ТА ЭНЭ АСУУДЛЫГ АНХААРАЛДАА АВЧ ЭНЭ ТӨРИЙН АЛБА, ТЭР ДУНДАА ЦАГДААГИЙН АЛБАНЫ АЛДРЫГ ГУТААН ДОРОМЖИЛЖ БАЙГАА ХҮНТЭЙ ХАТУУ ТООЦОО ХИЙН ГЭДЭГТ ИТГЭЖ БАЙНА.

    Зочин, 2017-10-17 16:02:35, 112.72.11.119Хариу бичих

  6. Таны нэр:

    Тайлбар:

  7.  “ПАНЧО” Д.ЭНХБАЯР Сэлэнгэ аймгийн Цагдаагийн газрын даргаар ажиллаж байх үед Сэлэнгэ аймгийн газар нутаг дээр хууль бусаар “АЛТ” олборлодог аж ахуй, хувь хүмүүсийн хэргийг өөрийн үнэнч ЦЭРГҮҮДЭЭРЭЭ даруулж их хэмжээний мөнгө авдаг бүүр сүүлдээ тогтмол “ТАТВАР” авдаг болсон  байсан. Энэ хэргийн тухайн үед манай цагдаагийн байгууллага шалгаж байсан. Мөн “ПАНЧО” Д.ЭНХБАЯР Сэлэнгэ аймагт үйлдэгдэж байсан ХҮЧИНГИЙН маш олон гэмт хэрэг ХЭРЭГСЭХГҮЙ болгуулж  байсан. Тэр бүх хүчин, заваан балиар хэрэгт хутгалдсан хүмүүс бүгд мөнгөтэй, Д.Энхбаярыг мөнгөний амтанд дэндүү оруулсан хүмүүс. Д.Энхбаярын талаар нутгийн иргэд нь авлига авсан гэж улайм цайм хэлэхгүй ч түүнийг хүний хэргийг шалгахдаа хоёр нүүр гаргадаг гэдгийг удаа дараа дурдаж байсан.  Д.Энхбаярыг яаж хөрөнгөжсэн, ямар хүмүүсийн хэргийг хэрхэн яаж шалгасан талаар ЦЕГ-ын даргын зөвлөлийн Дотоод хяналт шалгалтынхан удахгүй шалгах байлгүй дээ. Одоо бүүр ...миний ард УИХ-ын гишүүн Ц.Нямдорж байгаа надад айх зүйл байхгүй. Цагдаагийн ерөнхий газрын хуучин муу дарга царайтай юмнуудыг ажилгүй болгоно..... гэж дураараа аашилж энэ тэндгүй агсан хөлчүү тавих боллоо.     МОНГОЛ УЛСЫН ЕРӨНХИЙ САЙД ТА ЭНЭ АСУУДЛЫГ АНХААРАЛДАА АВЧ ЭНЭ ТӨРИЙН АЛБА, ТЭР ДУНДАА ЦАГДААГИЙН АЛБАНЫ АЛДРЫГ ГУТААН ДОРОМЖИЛЖ БАЙГАА ХҮНТЭЙ ХАТУУ ТООЦОО ХИЙН ГЭДЭГТ ИТГЭЖ БАЙНА.

    Зочин, 2017-10-17 16:02:47, 112.72.11.119Хариу бичих

  8. Таны нэр:

    Тайлбар:

  9. sotsiolist niigem bol daranguilagch bish ardachlal bol daranguilal yduural har tamhi hucherhiilel biye unelelt hulgai deerem aluurchdiin uurleh taatai orchin bolloo

    zochin, 2017-10-18 10:40:51, 202.9.43.6Хариу бичих

  10. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: