Анхан шатны шүүхээс С.Зоригийг хөнөөсөн хэрэгт холбогдуулан Ц.Амгаланбаатарт 25, Б.Содномдаржаад 25, Т.Чимгээд 24 жилийн хорих ял оноосон. Тэдний ар гэрийнхэн өчигдөр хэвлэлийнхэнд хандлаа.
Хэвлэлийн хуралд Т.Чимгээгийн ах Т.Хүрэлбат, ээж С.Маруш, Б.Содномдаржаагийн ээж Б.Жавзмаа, Ц.Амгаланбаатарын эгч Л.Хүжмаа нар оролцлоо. Тэд Улсын Ерөнхий прокурор М.Энх-Амгалангийн УИХ-ын чуулган дээр хэлсэн үгийг няцаасан галын дүгнэлтийн баримтыг дэлгэлээ. Учир нь Улсын Ерөнхий прокурор “Энэ хүмүүс хэргээ нуун далдлахын тулд дахин дөрвөн хүний амь хөнөөж галыг санаатай тавьсан” гэсэн юм. Тэгвэл Т.Чимгээгийн ах Т.Хүрэлбат “Энэ гал нь цахилгааны утасны ашиглалтын буруугаас үүдэлтэй тул эрүүгийн хэрэг үүсгэхээс татгалзсан тухай нотлох баримтыг харуулсан юм.
Энэ нь Эрүүгийн байцаан шийтгэх хуулийн 2.1.1-д заасныг үндэслэн Эрүүгийн хэрэг үүсгэхээс татгалзсан тухай Орхон аймгийн Гамшгаас урьдчилан сэргийлэх улсын ахлах байцаагч, шадар ахмад А.Хашчулууны гарын үсгээр баталгаажсан тогтоол байв. Тэрээр цааш нь “Улсын Ерөнхий прокурор гэдэг хариуцлагатай албан тушаал. Энэ том албан тушаал дээр байгаа хүн ийм худал зөрүүтэй мэдээлэл хийж, олон нийтийг төөрөгдүүлж байгаад бид үнэхээр харамсч байна гэсэн. Бид цаашид олон улсын байгуулагад хандана. Мөн давж заалдах шатны шүүх хурлыг шүүхийн танхимд нээлттэй явуулж өгөхийг хүсч байна.
С.Зориг агсны дүү С.Оюун ч мөн адил шүүх хурлыг шүүхийн танхимд нээлттэй явуулахыг хүссэн. Төрийн нууц гэх нэрийн дор манай өмгөөлөгчдийг энэ шүүх хурлын талаар ямар нэгэн мэдээлэл хэвлэлд өгөхийг хориглосон. Биднийг ч мэдээлэл тарааж болохгүй гэж анхааруулсан. Гэвч бид дуугүй байсаар гэмгүй, мөрөөрөө амьдарч байсан ах дүүсээ хэрэгтэн мэтээр ял авахыг зөвшөөрч чадахгүй. Монголын ард түмнээс энэ хэргийг үнэн зөв шүүж өгөхөд туслаач гэж гуйж байна” гэсэн юм.
Ерөнхийлөгч Ц.Элбэгдоржийг бид гадаадын харьяат гэж гүтгүүлээд, ээж дээрээ уйлаад очиж байсныг харж байсан. Энэ хэрэгт гүтгэгдсэн хүмүүс ээжүүд дээрээ очих нь битгий хэл 20-30 жил хоригдох болчихоод байна. Ерөнхийлөгч та шударга байя гэж хэлж байсан. Энэ шүүх хурлыг нээлттэй хийж өгөөч. Таныг ард түмэн харж байгаа. Шүүгч, прокурорууд шударга, өргөсөн тангарагтаа үнэнч байгаач гэж хэлмээр байна. Тагнуул, цагдаагийн байгууллагынхан Б.Булган гэдэг эмэгтэйтэй мэдээж уулзсан байх. Б.Булган энэ хүмүүс биш гэж хэлсэн учраас шүүх хуралд оруулаагүй гэж харж байна. Хэрэв хэлсэн бол хэвлэл мэдээллийн хэрэгслээр багтаж ядсан мэдээлэл явж байх байсан. Энэ бүхнээс харахад хэргийг хаах гэсэн ичгүур сонжуураа алдсан явдал болж байна. Тагнуулынхан шоронд Ц.Амгаланбаатарыг манай дүү дээр дагуулж очсон байсан. Б.Булганыг ч мөн адил тэдэнтэй уулзуулсан гэж бодож байгаа” гэв.
Мөн Б.Содномдаржаагийн ээж Б.Жавзмаа “Миний хүү Б.Содномдаржаа С.Зоригийг нас барах үед 22-той байсан. Манайх сүү, ногооны фермтэй байсан. Миний хүү тэр фермийнхээ эзэн болж ажилладаг. Аавтайгаа трактороор өвсөө ачиж явсан. Хүн алагдах үед манай хүү гэртээ байсан. Тэр хүнийг алаад бидэнд юу ногдох юм бэ. Тагнуулын байгууллагын хүмүүс асуулт асуудаг. Миний асуултад л хариулна шүү гэж анхааруулдаг. Миний хүү тэр өдөр аавтайгаа хадланд явсан. 1998 оны аравдугаар сарын 5-нд Б.Булганы тодорхойлсноор эмэгтэй нь 160 орчим, эрэгтэй нь 150 орчим см өндөртэй гэж мэдээлж байсан. Зургаар нь миний хүүг адилтгаж үзсэн. Миний хүү 180 см өндөртэй, улаан царайтай, туранхай. Ийм байхад миний хүүг ялласан. Хэрэг гарах үед Ц.Амгаланбаатар 16, Чимгээ 20 настай байсан. Энэ бол дээд зэргийн гүтгэлэг гэж бодож байна. Гэмт хэргийн захиалагч нь байхгүй байхад эд нарыг яллаж байна.
Яллачихсан хойноо захиалагчийг олно гэж ярьж байна. Захиалагчийг олно гэж хэзээ ч байхгүй. Мөнгө өгье, чи захиалагч нь бол гээд гудамжнаас хүн олоод ирж чадах хүмүүс. Дөрвөн хүн шатаасан гэдгийг дайвар болгож хэлээд байгаа. С.Зоригийг хөнөөсөн хэргээс хойш найман жил зургаан сарын дараа гэр бүлийн хүмүүс шатсан хэрэг гарсан. Цахилгааны утаснаас болоод гал гарсныг тэр айлын улсууд өөрсдөө хүртэл хэлсэн. Миний хүү тэдний оршуулгад оролцсон. Хэрвээ шатаасан бол оролцохгүй шүү дээ. Надад хүсэлт байна. Давж заалдах шатны шүүхэд өргөдөл өгнө. Анхан шатны шүүхийн шийдвэрийг хүчингүй болгуулмаар байна. Хоёрдугаарт, жил таван сар хүүг маань, биднийг тарчлааж байна. Тэднийг маань батлан даалтад гаргаж өгнө үү гэж хүсч байна.
Түүнчлэн Т.Чимгээгийн ээж С.Маруш “Монголын шүүх, прокурор үнэн зөвийг олж өгөх байх гэж найдаж байлаа. Миний охин 24 жилийн ял сонсоход би давхар ял сонссон.Тухайн үед миний охин Дорноговь аймагт гурван нялх хүүхэдтэй, хөгшин ээжийгээ хараад байж байсан. Төрийн том хүний гэрт очоод алчихна гэдэг үнэмшилгүй зүйл. Миний охиныг нутаг орныхон маань хүртэл мэдэж байгаа. Монгол Улсын Ерөнхийлөгчөөс гуйх юм байна. Үнэний төлөө үг хэлж өгөөч гэж гуйж байна” гэв.
Ц.Мягмарбаяр
Эх сурвалж: "Зууны мэдээ"сонин
Сэтгэгдэл0
Таарсанч хүнээсээ гуйж дээ аллагын захиалагч байвал яахав
энэ хүн яасан үнэн үг хэлдэг хүн бэ Элбэгээ, Батуул Баяр эд нар мэдэхгүй бол хэн мэдэх эв дээ сурагийг баттай мэдэх энэ хүмүүсээ ясыг цайтал эрүүдээд өг лдөө
Елбегдорж захиалагч нь
Mongol ulsiig elgeer ni molhuulsen hun Elbegee chi ooroo udahgui hamsaatanguutaigaa gemgui zaluuchuudiin oron zaid ochnoo, ter ued ard tumen zohih shiitgeliig chine ogno doo. Hoh tenger nirgeh boltugai.
Энэ парламентийн гэчихээд шүүх прокуророо Ерөнхийлөгч нь томилдог энэ АНУ-ийн заавраар ерөнхийлөгч гэж өөрсдийн хүүхэлдэйн орон тоо гаргасан үндсэн хуулийн заалтаа авч хаяачээ.
Захиалагчийг нь хэлж егчеед сууцгаа
ene heden hugshin byyraig haraad Mongold darangyilal togtcon baina geed dugnechihed byryydah yum alga. Olon ylsiin baigyylagyydad handah heregtei.
Эрэн сурвалжлагч сэтгүүлчид минээ. Мөнгө албан тушаалаар үнэнийг худал, худлыг үнэн болгодог тагнуултай, шүүхтэй, прокурортой, цагдаатай болж байгаа энэ цагт Та нар л энэ хэргийн үнэн зөвийг илрүүлж чадна.
захиалагчаас гуйх хэрэггүй ээ. ерөнхийлөгчийн сонгуулар шударга эх оронч Энхбаяр шиг хүн гараасай гэж залбир .
хүзүүгүйдоржийн хугацаа дуусах гэж байгаа болохоор зоригийн хэргийг дарж авах гэж байгаа нь сэжигтэй.
Sain baitsgaana uu? Elbegdorj minidee, enehuu hergiig medej baigaa chi bolood orool busad etgeeduud boloh ta buhen oorsdiigoo yavah zam, oroh gazargui, harin ch ulam bur l boomilood buigaa meddeggui, oilgodoggui yumuu. Gishgesen gazar, yavsan mor, hiisen hereg yavdal uildel burii chini ta nariig TSAAZIIN TAVTSAN TIISH HOTOLJ AVAACHAAD BUI YUM BISHUU. ERLEGIIN ELCH CHINI BULGAN GEECH ETGEED BOLCHIHOOD UDAJ BAINADAA. Bulgang aliya alj boldoggui, hayaya hayj boldoggui, hooloi deer chini taviastai hutga. Tegeed ch, Bulgan nugel gem deeree nemj hilents hiihiig husehgui l baigaa bolvuu. Gehsdee..., Bulgan geech etgeeded HUN GEGDEHIIN, HUN BAIHIIN jaahan ch atugai ULDEGDEL BII BOL SHUUDEE.
22 jiliin umnu fermtei baisan ih bayan hvmvvs baijee
Gehdee...,
zarim baliar umhiirsun umnuud yadarsan arduudaar bitgii tohuu hii!!!! Uiliin ur hend ch ireh niigem.Nen yalanguya aimshigt begtreg baigaa tsagt
Элбэгдоржийн хугацаа дуусах гээд, зоригийн хэрэг гэнэт илрээд л, та нарт сэжиг илрэхгүй байна уу