"Нийслэл Өргөө” ХХК-ийн захирал Б.Ганзориг Нийслэлийн давж заалдах шатны шүүхэд ханджээ. Тодруулбал, анхан шатны шүүхээс түүнийг албан тушаалаа урвуулан ашигласан, татвар төлөхөөс зайлсхийсэн, чанар муутай барилга байгууламж ашиглалтад оруулсан, бусдын эд хөрөнгийг завшсан хэрэгт буруутгагдаж зургаан жилийн хорих ял оноосон юм.
Түүнтэй хамт шүүгдсэн Баян-Өлгий аймгийн Засаг даргаар ажиллаж байсан С.Хавалд гурван жилийн хорих ял оногдуулж хоёр жилийн хугацаагаар тэнсэж хянан харгалзсан, Д.Чулуунцэцэгт 5.1 жилийн хорих ял оногдуулж, шийтгэх тогтоол биелүүлэхийг хоёр жилээр хойшлуулсан, “Нийслэл Өргөө” ХХК-ийн ерөнхий нягтлан бодогч А.Энхчимэгт хоёр жилийн хорих ял оногдуулж тэнссэн.
Түүнчлэн Баян-Өлгий аймаг багийн хөгжлийн төвийг хүлээн авах улсын комиссын гишүүдээр ажилласан Б.Сьезхан, Б.Ермурат, Амирбек, Жандаурен, Х.Хизатбек нарыг тодорхой албан тушаал эрхпэх эрхийг нэг жилийн хугацаагаар хасаж хоёр жилийн хугацаагаар хорих ял оногдуулж, тус тус хоёр жилийн хугацаагаар тэнсэж хянан харгалзахаар болсон билээ. Шүүх хурлын тов ирэх сарын дундуур гарах юм байна.
Эх сурвалж:
Сэтгэгдэл0
шүүх үнэхээр муу ажиллаж байгааг харуулаад байна. шийдсэн хэрэг нь итгэл төрүүлэхгүй. энэ тэндээс хахууль авдаг. дандаа давж заалддаг, тэгээд огт өөр өөр дүн гардаг Ийм шүүгчид байхад яаж итгэх бэ дээ.
Тэмүүжин өөрийгөө дөвийлгэх үүднээс шүүгч нарын цалинг 2-6 сая болгуулах шийдвэр гаргуулж батлуулсаны гайг төсөв амсаж байна. Хүн аврах ажилтай эмч нараас шүүгч нар юугаараа илүүтэйг ойлгохгүй байна. ЦАЛИНГ 2-6 сая болголоод гэж шүүгч нар ухаалаг, шударга, боловсролтой болох уу? ТЭД авлига авсан ч төсөвт гай болохгүй ДЭЭ
ЭДГЭЭР ЛУЙВАРЧДАД ЯЛ НЬ ДЭНДУУ БАГАДЖЭЭ