Гадаад харилцааны яамны Консулын газрын дэд захирал Б.Болдтой ярилцлаа.
-Манай улсын хэчнээн иргэн гадны оронд хоригдож байна вэ. Дийлэнх нь аль улсад ял эдэлж байна?
-Гадаадын 19 оронд Монголын 165 иргэн ял эдэлж байна. Дийлэнх нь БНХАУ-д байгаа.
-Хилийн чанадад ял эдэлж байгаа иргэд ямар төрлийн гэмт хэргийг ихэвчлэн үйлдсэн байдаг вэ. Хар тамхины хэрэгт холбогдох нь элбэг гэдэг. Энэ талаар мэдээлэл өгнө үү?
-Сүүлийн жил хар тамхины хэргээр саатуулсан иргэдийн тоо харьцангуй цөөрсөн. Ял эдэлж байгаа иргэдийн жагсаалтаас үзэхэд хулгайн хэрэг давамгайлдаг. Мөн хил гаалийн журам зөрчих, визийн хугацаа хэтрүүлэх, танхайн төрлийн гэмт хэргийг их үйлддэг.
-Манай улс хэдэн оронтой ялтан солилцох гэрээ байгуулсан бэ. Ялтан солилцох гэрээний хэрэгжилт ямар байна вэ?
-21 оронтой эрхзүйн туслалцаа үзүүлэх буюу эрхзүйн харилцааны тухай гэрээ байгуулан ажиллаж байна. Үүнээс дөрвөн оронтой тусгайлан ялтан солилцох гэрээ байгуулсан.
-Тодруулбал?
-Канад, Энэтхэг, БНСУ, БНХАУ-тай ялтан солилцох гэрээ байгуулсан.
-Цаашид хэчнээн оронтой ялтан солилцох гэрээ байгуулах вэ. Зайлшгүй гэрээ байгуулах шаардлагатай ямар орон байна вэ?
-Судалж байгаа орон бол бий. Одоогоор тоог нь нарийвчлан хэлэх боломжгүй. Гэрээ хэлэлцээр байгуулах асуудлыг Олон улсын эрхзүйн газар хариуцан ажилладаг. Тиймээс энэ талаар тодорхой мэдээлэл өгөх боломжгүй.
-Өнгөрсөн онд ялтан солилцох гэрээний дагуу хэдэн ялтныг эх оронд нь авчирсан бэ?
-Ялтан шилжүүлэх гэрээний дагуу гадаадын гурван улсаас таван ялтныг Монголд авчирсан. Тодруулбал, Чех улсаас нэг, Казахстан, БНСУ-аас тус бүр хоёр ялтныг ялтан солилцох гэрээний дагуу авчирч, эх оронд ялыг нь эдлүүлэхээр болсон байдаг.
-Хар тамхины хэргээр насаараа хоригдох ял авсан Б.Халиун, Б.Хулан нарыг энэ сард ялтан солилцох гэрээгээр авчирлаа гэх мэдээлэл байна. Энэ үнэн юм уу?
-Энэ онд БНХАУ-аас ялтан солилцох гэрээний хэрэгжилтээр авчирсан. Хар тамхины хэргээр ял эдэлж байгаа эмэгтэй ялтныг авчирсан нь үнэн. Бүх насаараа хоригдох ял авсан. Үүнээс зургаан жилийн ялыг Хятадад биечлэн эдэлсэн хүн бий. Албан ёсоор Б.Халиун, Б.Хулан нар биш гэдгийг хэлмээр байна. Бид хувь хүний хувийн мэдээллийг нууцлах учиртай. Тиймээс тодорхой мэдээлэл өгөх боломжгүй байна.
-Малайзаас Хятад руу хар тамхи зөөвөрлөж яваад баривчлагдан Хятадад ял эдэлж байгаа Л.Байгальмааг хамгийн түрүүнд шилжүүлж авчрахаар болсон гэж байсан. Ар гэрийнхэн нь нэлээд хүлээлттэй байх шиг байна. Хэзээ авчрах гэж байна?
-Тэдэнд ирнэ гэсэн тодорхой мэдээлэл өгөх боломжгүй.
-Ялтнуудыг авчирч эхэллээ. Хөрөнгө, мөнгийг нь хэрхэн шийдвэрлэж байна вэ. Тээвэрлэлтийн үнийг хаанаас гаргадаг вэ. Ямар шугамаар, яаж авчирдаг юм бэ?
-Гадаад харилцааны яамны дэргэдэх Консулын газарт иргэдэд туслах сан гэж бий. Тэр сангаас зардлыг гаргуулж, авчрах арга хэмжээг зохион байгуулдаг. Хоригдлыг Хууль зүйн яам, УПЕГ, Тахарын алба, тухайн улсад суугаа Элчин сайдын яамтай хамтран авчирдаг юм.
-Франц улсад ноцтой осол болж, дөрвөн монгол иргэн амь насаа алдлаа. Гадаад хэргийн яамнаас энэ хэрэгтэй холбогдуулан ямар арга хэмжээ авч байна вэ. Энэ талын мэдээллийг шуурхай авч чаддаг уу?
-Энэ оны нэгдүгээр 13-ны өглөөний 06 цагийн үед Парис хотоос 200 орчим км-ийн зайд монгол иргэд автомашины осолд орж, гурав нь газар дээрээ амь насаа алдсан. Харин нэгийг нь Кон хотын эмнэлэгт хүргэсэн боловч биеийн байдал нь хүндэрч, хоёр хоногийн дараа нас барсан харамсалтай хэрэг гарсан. Гадаад харилцааны яам болон Парист суугаа Монгол дахь Элчин сайдын яамныхан нас барсан иргэдийн ар гэрийнхнийг хүлээн авч уулзаж, шаардлагатай тусламж, дэмжлэг үзүүлж байна.
-Нас барсан иргэд согтуугаар автомашин жолоодож явсан. Мөн Монгол Улсын иргэншлээсээ татгалзсан байсан гэх мэдээлэл байна. Энэ хэр үнэн бодитой вэ?
-Задлан шинжилгээний албан ёсны хариуг манайд ирүүлээгүй. Урьдчилж авсан мэдээллээр талийгаачид осолд орох үедээ согтууруулах ундаа хэрэглээгүй байсан
С.Ичинхорлоо
Эх сурвалж: "Монголын үнэн"
Сэтгэгдэл0
Haliun Hulan hoer ni barigdsan yum uu? Tegbel ter hoeriig tend ni hataah heregtei. mash olon humuusiin amidatliig tam bolgoson geed baigaa bizdee
энэ халиун хулан 2-оос болж одоо хятадын шоронд 46 хүн хоригдож байгаа гэж мөрдөн байцаахын найз минь ярьсан.Хар тамхины хил дамнасан наймааг анх энэ 2 эхлүүлж 31 эх, 10 эмэгтэй, 5 залууг хятадын шоронд оруулж өөрсдөө аймаар баяжсан мөнгөтэй болсон гэсэн. Тийм болохоор хамгийн түрүүнд монголдоо одоо ирэх байх
Тэгээд утгань баяжаад шоронд тансаглаж суугаа улсуудуу?
5tsaasnii tuluu hun shig ur huuhdee amidruulah gej hun alahaas naaguurahiig hiij irsen hunii horvoog yu giin buruutgaj adlaj eldveer haraagaad bdgiin bee. bie biener uujuu oilgotsgooy humuusee
2 hun hogiiig tend ni duusga
http://TheWeeklyJob.com/?id=321337 Мөнгө олох хамгийн амархан арга. Зөвхөн интернэт байхад л хангалттай. 3 хоногт л 500$-ын ажил үнэн шүү. Интернэт ухаж, дэмий тэнэж байхдаа л амжуулчихна. Туршаад доорх http://TheWeeklyJob.com/?id=321337 линкээр ороод бүртгүүл. Бүртгүүлсэн тохиолдолд танд 25 доллар автоматаар өгөгдөх ба танд мөн адил ийм линк өгөгдөнө. Тэрхүү линкээ мөн адилаар бусдад тараа. Байж болох бүхий л сувгаараа тараа. Ингэснээр таны линкээр орж бүртгүүлсэн хүн нэг бүрийн тоогоор 10 доллар өгөгдөнө. Ингэснээр доод тал нь 300 долларт хүрснээр та мөнгөө авах эрхтэй болох юм. Сарын сүүлийн 24-30 ны хооронд танд цалин өгөгдөх бөгөөд долларын данс, Money Gram, Western Union зэрэг олон улсын мөнгөн гуйвуулгын үйлчилгээгээр цалингаа авах боломжтой. Та хэрхэн ямар аргаар линкээ сайн түгээнэ таны авах мөнгө 300-аас 10000 долларт хүрэх боломжтой. Энэ нь онлайн хандалтын бизнес бөгөөд сүлжээтэй бага зэрэг төстэй ч илүү хялбар арга юм. Жич: Нээсэн хаягаараа 30 хоногийн туршид ороогүй тохиолдолд автоматаар хаагдана. 3 хоногт л 500$-ын ажил үнэн шүү. Танд амжилт хүсье. Танаас ямар ч зардал гарахгүй.