Мягмар - 04 сарын 23,
2024
Их, дээд сургууль болон дунд сургуулийн багш нар их бага хэмжээгээр оюутан сурагчдаас авлига авдаг гэчихэд буруудахгүй л болов уу. Гэвч цаг цагаараа байдаггүй бололтой. Оюутнуудын сул талыг ашиглан өврөө түнтийлгэдэг байсан багш нарын хэрэг эхнээсээ илэрлээ.
Тухайлбал ирэх сарын 03-нд Цагдан хорих 461 дүгээр ангид болох МУИС-ийн харьяа ХҮДС-ийн авлигалч багш болон оюутнуудыг шүүх хурал болно.
Авлига өгсөн, авсан, зуучилсан гэх 54 шүүгдэгчтэй, 36 өмгөөлөгчтэй эл хэргийн гэрч, сэжигтнүүдийн ар гэрийнхнийг шүүх хуралд оролцуулахад хамгийн багадаа 200-гаад хүн болоод байгаа юм.
Эл хэргийн гол хүн нь ХҮДС-ийн сургалтын албаны дарга асан Б.Жавхлантөгс, Н.Наранмандах нар нь 2011-2013 оны хооронд 300 гаруй оюутны дүнг засч өгнө хэмээн их хэмжээний мөнгө завшсан болох нь тогтоогдоод байгаа юм.
Энэхүү олон хүн хамарсан эрүүгийн хэргийг Эрүүгийн хуулийн 268, 269, 270-д заасны дагуу хэрэг үүсгэн шалгаж шүүгдэгч тус бүрт 5-8 жилийн хорих ял төлөвлөжээ.
Б.Жавхлантөгс, Н.Наранмандах нарт холбогдох шүүх хурал өмнө нь гурван удаа товлогдож байсан ч тодорхой шалтгааны улмаас хойшилж байсан юм. Эх сурвалжийн өгүүлснээр өмнөх шүүх хуралд нэг оюутныг тодорхой шалтгаангүйгээр хуралд ирээгүй хэмээн Цагдан хорих 461 дүгээр ангид хорьсон байна.
Хуулийн байгууллагынхан оюутнууд дүнгээ засуулах зорилгоор багш нартаа авлига өгсөн, харин түүнийг нь замд нь оюутнууд зуучилсан гэж үзэж буй аж.
Түүнчлэн зарим оюутнууд давтан авлига өгсөн хэрэгт ч сэжиглэгдсэн байна. Баттай эх сурвалжийн мэдээллээр сэжигтэн Б.Жавхлантөгс оюутнуудын унасан хичээлийн дүн болон голч оноог ахиулж өгнө гэж мөнгө авч байснаа мөрдөн байцаалтын явцад хүлээсэн байна.
Б.Жавхлантөгс өөрийн гар хөл болсон оюутан С.Пүрэвдорж, Г.Гүнчин-Иш, Б.Батнягт, М.Мөнхбадрах, Д.Нямцоо нараар зуучлуулан 300-гаад оюутнаас их хэмжээний мөнгө авч байсан байна.
Өөрөөр хэлбэл багш, оюутнууд нэг хүнээс дор хаяж 500-700 мянган төгрөгийг авч байсан нь өдгөө баримт болон үлджээ. Гэхдээ олон нийтийн зүгээс ийм олон оюутныг хоморголон шийтгэж болохгүй гэсэн өнгө аясыг илэрхийлж байна.
Товчхондоо авлигал өгсөн хэрэгт холбогдоод байгаа оюутнуудад багш нарынх нь зүгээс ямар нэгэн дарамт шахалт ирсэн учраас тэд ийм байдалд орсныг үгүйсгэх аргагүй гэж хэлэх эцэг эхчүүд ч байсан юм.
Тиймээс манай хууль шүүхийн байгууллага энэхүү авлигын хэргийг маш сайн ялгаж салгаж хүний амьдралыг шийдэх хэрэгтэй. Ер нь аль ч их дээд сургуулийн багш нар оюутнуудыг дүнгээр боож тэднийг дахин шалгалт өгүүлэхэд хүргэдэг нь нууц биш.
Энэ мэтчилэн олон оюутан нэг дор шүүгдэгдэх гэж байгаад сургуулийн хамт олон төдийгүй хэрэгт холбогдсон хүүхдүүдийн эцэг эхчүүд ч ихэд санаа зовниж буй юм.
Түүнчлэн авлига авсан гэх багш Б.Жавхлантөгс өмнө нь ч иймэрхүү хэрэгт холбогдож байсан ч сургуулийн удирдлагууд нь нэр хүндээ бодоод түүнд зөвхөн цалингийн арга хэмжээ авсан төдий болоод өнгөрдөг байсан нь өдгөө ийнхүү олон хүнийг хөлдөө чирсэн маш том авлигалын хэрэг болоод байна.
Б.Жавхлантөгс энэхүү хэргээ нуухын тулд хөөрхий хэдэн ядарсан оюутнуудыг элдвээр дарамтлан үйл тамыг нь үздэг байсан тухай оюутнууд ч ярьж байсан. Эндээс харахад боловсролын салбар хэрхэн авлига, хээл хахуульд идэгдсэний тод жишээг харуулж буй явдал юм.
Товчхондоо авлигалч багш нарын шуналаас болж ээж, аавынхаа зовж олсон хэдэн төгрөгийг тэдэнд өгснөөрөө оюутнууд шоронгийн хаалга татах ёсгүй юм.
Ямартай ч Худалдаа үйлдвэрлэлийн дээд сургуулийн удирдлагууд дээрх хоёр багш нарынхаа толгойг илснээр ийнхүү сурч мэдэх гэсэн хүсэл эрмэлзлэл тээж ирсэн хүүхдүүдийг хохироочихлоо.
Тиймээс ирэх сарын 03-нд болох уг хэргийн шүүх хурал олны анхааралд орж тэдэнд ямар ял ногдуулах бол гэсэн хүлээлтийг нийгэмд бий болгоод байна. Ичих булчирхайгүй авлигач багш нараас болж Монголын ирээдүй болсон залуучууд олноороо хохирч үлдэх ёсгүй.
Р.Саруул
Эх сурвалж:
Сэтгэгдэл0
Боловсролын салбар шүү дээ... Иймэрхүү хэргийг өөгшүүлэхгүй, аль болох хатуу арга хэмжээ авах хэрэгтэй.
СОНИН сайтын хамт олонд. Юуны өмнө монголчууд бидэнд өөрийн санал үзэл бодолоо чөлөөтэй илэрхийлэх боломж олгож байдаг танай хамт олонд талархалаа илэрхийлье. Үнэнийг хэлэхэд манайд хэвлэлийн эрх чөлөө байгаа гэдэгт итгэхэд бэрх. Аьль ч сонин ,ТВ-д очсон бичсэн нийтлэл, хэлэх гэсэн үгийг чинь хүлээж авахгүй гэхэд бараг болно. Хэвлэлийн эрх чөлөө гэдэг ард түмэнд хамаатай ойлголт,харин сээтгүүлчид бол ард түмэн хэвлэл мэдээлэл хоёрын хооронд гүүр болж явах ёстой гэдгийг ойлгодоггүй. Харин сайтууд, тэр дундаа Сонин сайт бол өөр, хэн дуртай хүн үзэл бодлоо чөлөөтэй илэрхийлж болно, бас хязгаарлаалт тогтоодоггүй.Харамсалтай нь энэ боломжийг зарим хүмүүс хэт буруугаар ашиглаж сайтыг бусад хүмүүс унших, үзэл бодлоо илэрхийлэх боломжгүй болтол дан ганц өөрийн үзэл бодлоор дүүргэх боллоо. ИЙМД нийтийн эрх ашгийн үүднээс дараахь журам тогтоохыг хүсэлт болгож байна. Үүнд: 1.Нэг удаагийн сэтгэгдэл 30 мөрнөөс илүүгүй байх. Илүү гарсан байвал тэр нь хасаг шууд хасагдаж байх. Энэ бол тодорхой нэг сэдвээр өөрийн санааг товч тодорхой илэрхийлэхэд хангалттай хэмжээний орон зай. 2.Нэг нийтлэл дээр нэг сэтгэгдэлийг олон дахин хувилж тавихгүй байх. 3.Бүдүүлэг үг хараал, хорссон сүрдүүлсэн, занаж зүхсэн зүйлүүд бичихгүй байх. Эсрэг тохиолдолд шууд арилгаж байх. Ингэснээр сайтын үр өгөөж, нэр хүнд сайжирна. Хүмүүс санаагаа товч тодорхой, соёлтой илэрхийлж сурна.
Монгол улс 1 жилийн дотор 4000 хоригдолтой байсанаа 8000 аад хоригдолтой боллоо. Эдгээр хоригдлуудын 75-85% нь 20-30 насныхан байгаа нь хөдөлмөрийн чадвартай иргэдээ бид шоронд хийж байна. Шоронд хүнийг хүмүүжүүлэх гэж хийдэг болохоос биш шийтгэх гэж биш шүү дээ. Өнөөдөр хүмүүс таалагдахгүй л юм болвол шоронд хийх хүсэлтэй болж. Шоронд орсон хүн хүмүүжих бус нийгэмээ тэр чигээр нь үзэн ядсан хүн болж гарч байна. Өршөөлийн хууль гаргаж, ялын тогтолцоогоо зөөллөж, залуусдаа боломж олгомоор байна. 1 хоригдлын ард 6-8 хүн зовж байдаг. Тэдгээр хүмүүсийг ч гэсэн энэ зовлонгоос салгаж нийгэмийн уур амьсгалыг зөөлөлмөөр байна. Манай яллах шүүх засаглалын тогтолцоод ялын доод хэмжээг зааж өгсөнөөс болж залуусыг олон жилээр яллаж байгаа нь үнэхээр харамсалтай байна. Иймд ялын доод хэмжээг зааж өгдөгийг болиулцгаая. Мөн Цагдаа, Прокурор, Шүүх засаглал нь олон хүнийг яллаж шоронд хийж байж ажлын ахиж гарч байна гэж ярьдаг, ажилаа сайнаар дүгнүүлдэгийг зогсооё. Хүнийг ялласанаар биш хүнд боломж олгох замаар зөвөөр хүмүүжүүлсэнээр нийгмийн засан товхинуулна шүү дээ.
00 ene odoo tatvar yy iu ve.
Сурах чадваргүй олон оюутан их дээд сургуульд элсээд авилгаар сурах замыг сонгосон байна шүү дээ. Багш нар дахин оюутныг хичээл судлуулах зорилгоор шалгалтанд унагадаг гэвэл их л өрөөсгөл мэдээлэл. Бас л сурах чадваргүй оюутны яриа. Их дээд сургуульд цөөхөн чанартай оюутанд улсын төсвөөс олгодог өндөр цалинтай багш зааж байх ёстой боловч энэ нь манай нөхцөлд үлгэр юм.
Оюутнуудаас соёлтой соёлгүй хэлбэрээр авилга авдаг асуудал аль ч их дээд сургууль, коллеж, мэргэжлийн сургалт, дунд сургуульд байгаа шүү дээ. Үүнийг үндэс ёзоороор нь цэвэрлэх арилгах цаг нэгэнт болсон байхоо. Багш нарын ёс суртхууны түвшин, нийгмийн цэвэр тунгалаг байдлыг илэрхийлдэг гол шалгуур бол энэ мөнөөсөө мөн. Багш нар хүүхдийг дарамталдаг, өөрийг нь дагахаас өөрт нь долигнохоос аргагүй байдалд хүргэдэг нөхцлүүд түм бумаараа бий. Үүнийг оюутнууд уншвал 100 хувь санал нийлнэ гэдэгт би итгэлтэй байна. Мэдлэггүй, хувийн ашиг сонирхолтой багш нар яаж ийгээд багш нэртэйгээ, ажилтайгаа байхын тулд хичнээн олон түмний үрсийг дарамталж, тэдэнд өөрийн буруу булхайгаа зааж сургаж байгааг бид тоолж, хэмжихийн аргагүй. Өрөвдөлтэй, эмгэнэлтэй дүр зургийг аль ч оюутны өнгөрсөн дурсамжаас, сэтгэлийн гүнээс олж гаргаж болно. Нийгмийн иймэрхүү бугшмал асуудалд хэсэг бүлэг оюутнуудыг бөөнөөр нь буруутгах нь зөв биш. Харин хамгийн гол эх үүсвэрийг нь олж шийтгэх нь чухал. Олон залуусыг шоронд хорих нь тийм ч ухаалаг шийдэл биш ээ. Манай цөөхөн залууст ирээдүй хэрэгтэй. Яахав алдаа л биз тэднийг битгий шоронд хориорой. Өөр хөнгөхөн олон шийтгэл байна шүү дээ.
Ene niitleld oyutnuud avilga ugsun tul hariuzlaga huleene gesen baih yum. Harin avilga avsan bagsh nar hariuzlaga huleehgui hereg uu? Ezsiin ezest bagsh nar ingej daramt uzuulsneer avilga uusch baigaa. Shudarga dugnej, shudarga shaardlaga tavidag bol avilga hugjihgui. Ene ih olon surguuliud bol chanarguigees deer deed bolovsroliin ner barij zuvhun mungu huuleh orchin ueiin arga yumuudaa.
"Hudaldaa uildveriin surguuli" gej baigaa shuu Bas. Bolovsroliig "hudaldaj" avilgachidiig "iuldverledeg" surguuli gevel taarna.