Намайг хуучнаар "ГЯЯ"-ны яамны албан ёсны нэрийг одоо юу хэмээн нэрийдэж байгаа бол гэдэг дээр эргэлзэж байна гэвэл та бүхэн итгэх үү? "ГЯЯ" гэж хашилтан дотор хийлээ шүү.
Намайг бага залуу байхад ихээхэн нэр хүндтэй энэ байгууллагын албан ёсны нэрийдэл "Гадаад явдлын яам" гэсэн нэрээрээ хорь гучаад жил явсан байх. Уг сурвалжийг нь хөөн бодвоос бүр автономитын үеэс энэ нэрийдэл бүрэлдэн тогтсон янзтай байдаг.
Дараа нь 1990 оноос хойш Гадаад хэргийн яам болчихсон цохиж явснаа тун удалгүй нэг засаг солигдоход Гадаад харилцааны яам болсон санагдаж байна. 2010 онд нэгэн арга хэмжээнд орчуулга хийгээд явж байхад албан ёсны нэрийдлийн товчлол нь "ГХХЯ" болчихсон байсныг хэр баргийн хүн тайлан унших нь байтугай тэр тухай дуулаа ч үгүй байвал миний хувьд төдийлөн гайхахгүй. Яагаад гэвэл би ч өөрөө тэр нэрийг хараад "Нэр томъёоны тогтвортой байх чанарыг" ингэж алдагдуулж байх гэж дээ хэмээн дотроо халаглаж байсан болохоор тэр юм. Дээрх товчлолын тайлбар нь "Гадаад харилцаа худалдааны яам" гэсэн үг болой.
Манай боловсролын яамны нэрээ өөрчлөсөн хийгээд өөр салбартай нийлж салсан түүхийг өгүүлвээс энэнээс урт үлгэр болж мэдэх байх аа. Ер нь төрийн гол яамдын нэрийн өөрчлөлт гэдэг сэдэв авчихсан оюутан толгой өвдөлгүй мастерийн зэрэг хамгаалчих байх шүү.
Намайг бага залууд Эрүүлийг хамгаалах яам гэдэг байсан байгууллагын нэрийн хувирлын түүх өдгөө ямар болсныг миний хувьд тийм гээд зоригтой хэлчих сачий бас л дутаж байна. "Эрүүл мэндийн яам", "Эрүүл мэнд нийгмийн хамгааллын яам", "Эрүүл мэнд нийгмийн халамжийн яам" ч бил үү дээ хувираад явчихсан нь одоо ямар нэрэн дээр очоод тогтоо бол доо? Ийм жишээг ХААЯ-ны нэрийн хувирал гээд үргэлжлүүлвэл бас л дуусашгүй юм болж мэдэх нь.
Миний сайн мэдэж байгаачлан өмнөд хөрш Хятадад "Боловсролын яам", "Соёлын яам", "Гадаад хэргийн яам", "Эрүүл мэндийн яам" гээд нэг л хатуу тогтсон нэр томъёо нь хэдэн арав тэр ч байтугай зуун жилийн настай байдаг нь төрийн тогтвортой байдлын илэрхийлэл баталгаа болж байдаг шиг. За цаашлаад тэдний хувьд "Багшийн их сургууль", "Анагаахуйн их сургууль" гээд ямар ч зоригтой улс төрч өөрчлөх аргагүй хүмүүсийн сэтгэлд хоногшин үлдсэн нэршлүүд манай улсад болохоор "Боловсролын их сургууль", "Эрүүл мэндийн их сургууль" гээд аль эрт төрөл арилжчихсан байх жишээтэй.
Хэл бол нийгмийн үзэгдэл болохын хувьд нийгмийн хөгжлийг даган хувьсаж байх зүй тогтолтойг миний бие хэл шинжээч хүний хувьд мэдэлгүй яахав. Гэхдээ аливаа үндэстний хэлний хамгийн тогтворгүй, хувьсамтгай хэсэг нь ярианы хэл байдаг бөгөөд тэрхүү хувьсамтгай чанарыг нь бичгийн хэлний харьцангуй тогтвортой чанар хазаарлаж байх учиртай гэж үздэг. Өөрөөр хэлбэл бичгийн хэл нь ярианы хэлийг бодох юм бол илүү тогтвортой чанартай байдаг гэсэн үг л дээ. Тэр дундаа дээр өгүүлсэн төрийн гол яамд, салбарын үндсэн нэгжүүдийн нэрийдэл зэрэг нэр томъёонууд бичгийн хэл дундаа бүр ч тогтвортой байх учиртай нь дэлхийн хөгжингүй улс орнуудын "Хэл соёлын бүтээн байгуулалтын үйл хэргийг" ажиглаж байхад тодорхой харагддаг.
Харин энэ зүй тогтол манай улсад болохоор улс төрийн тогтворгүй байдал хийгээд хэл шинжлэлийн талаар паг байж мэдэх ойворгон улс төрчдийн балгаар яаж бантагнаад байгаагийн зах зухаас товч өгүүлэхэд ийм буюу.
Хэдэн сарын өмнө УИХ-ын гишүүд "Үндсэн хуулийн", "Үндсэн хуулын" гэж хоёр бичлэгийг нэг мөр болгох асуудлын талаар маргалдаад сууж байхыг харахад үнэхээр эмгэнэлтэй санагдаж байсан шүү. Үндэсний монгол бичигтээ зоримог шилжин орохоос нааш энэ мэт инээдтэй марзан гэхэд багадмаар маргаан мэтгэлцээн төгсгөл болох нь юу л бол? Даанч үүнийг манай суурин дээрээ "380 градус" эргэчихдэг улс төрчид сэхээрдэг болов уу?
Манай нэгэн хашир туршлагатай улс төрч өөрийн нэг томоохон асуудлаарх байр суурь үндсээрээ эргэчихээд байгаа гэдэг санаагаа "380 градус эргэчихээд байна" хэмээн хэвлэл мэдээллээр мэдэгдсэнийг санаж байна уу? Тойргийн хэмжээс миний багад арай өөр байдаг шиг санагдах юм. Гэвч энэ цаг үед болж бүтэхгүй юм гэж бараг үгүй болсон болохоор 380 болчихоод байгааг мунхаг би ухаарахгүй яваа ч юм бил үү?
Орчуулагч, Хятад судлаач Д.Болдбаатар
Сэтгэгдэл0
360 gradus shu Boldbaatar ah aa.
Д.Болдбаатарт баяр хүргэе.Монгол хэл соёлынхоо төлөө тэмцэлдэгтүн.Градусаддаг далдгануур дарга нар нэр томьёог сөнөөж байна.Монгол хэлэнд "орвонгоор нь эргүүлэх" гэдэг хэлц бий шүү. Энэ хэлцийг Монголын инвалид боловсролтонгууд хэдэн градус гэж градусдах бол оо? Гадаад явдалын яам, Дотоод явдалын яам, Гэгээрлийн яам гэж байсан.Оновчтой нэр шүү.Орос улсын сайд Гэгээрлийн яам нэрийг сэргээж байгааг та юу гэж бодно?
Huurhii 180 gel bichih gesen yum bolov uu?
Манай их үл мэдэгчид тойргийн хэмжээсэд хүртэл гажиг орсон гээд 360 байх ёстой юм маань 380 болчихсон ч юм билүү гээд байгаа юм байна. Болдбаатар гуай андуурсангүй. Харин нэг албан тушаалд очихоороо "цоорчихдог" дарганцарууд юуг ч, хааш нь ч хэдэн ч градус эргүүлж мэдэх лаларууд шүү ээ. Эрдэмгүй тэнэгүүд л энэ цагт мандах юм даа.
380 уу 360 уу
ТМС-ийн боловсролтой үе үеийн 76-гийн хийж байгаа ажил. Бүтцийн өөрчлөлт нэрээр намын хүмүүсээ авах гэж ингэж нэр өөрчилдөг юм. Өөрсдийнхөө хийсэн хуулийн мөн чанар амин сүнсийг ч ойлгохгүй ш тээ. Логикийн тухай бүүр ярилтгүй дээ.
Нэр томьео солих юу ч биш. Мэдээллийн технологийн эрин уед уунийгээ дагаад монголын сайтууд еерчлегдеед беен будлиан. Саяхан БСШУС яам руу орох гэж тамаа цайлаа, алдаа егеед. Негее л монголын сулжээ гэж гээд л хараагаад суусан чинь унэндээ сайтын хаяг еерчлегдсен байсан. Энэ 76 хулгайч нэр томьеогоор ч гэсэн хулгай хийхдээ сайн гаршсан бололтой.
Bumba galzuu
Удам угсаа муутай, генийн гажигтай хүмүүсээр улс орноо удирдуулахаар чинь нэр өөрчлөгдөж солигдох нь байтугай огт нэр өгөлгүй яваад байсан ч болно гэсэн санааг эд нараас хэн нэг нь гаргана. Харж л байгаарай.
Zuv bichjee, demjij bna
нэг дахин ихэсгэх, 360 градус эргүүлэх гэдэг нь хуучин байрандаа л байна гэсэн үг
Жинхэнэ монгол бодох арга ч өөр шүү даргаа. Би чамаас 1000 доллар зээлээд жилийн дараа нэг дахин ихэсгэж өгөе" гэхэд 2000 доллар болгож өгөхнээ гэж ойлгоно шүү.
Болдбаатарт баяр хургэе! Танд баярлаж явдаг, " чонон сулд "- г орчуулсан хун мон биз дээ? Таны орчуулга болон судалгааны бичвэрууд уншихад уусгалтай... Наадуул чинь сайд, дарга болох гэж яам, байгууллагын тоог олшруулж, нэрийг оорчилдог юм; монгол улс оршин тогтнож байх бух уеийн турш: ГГЯ, ГЯ, ШЯ , СЯ , ЭХЯ ,ХААЯ , УЯ... Байхад л болоо ш дээ ! Ж . Нь: Гэгээрлийн яам гэхэд боловсрол , соел, шинжлэх ухаан, спорт бугд Харъяалагдана, бугдээрээ гэгээруулэх машинууд гм ...
Sain baitsgaana uu? HEHEHE, Boldbaatar geech etgeediin heleed baigaa buur yaaa--aag unen. Ene neg heden uls oorsdiigoo #ULS# #TOR# gej buur neg durdee orchihood terendee itgechiheed ooroo oortoo #uls torch# gej ner ogch olgochihood buhniig ongotslood goochlood l goochlood l suuhaas tsaashgui. Deerduuldeggui yumaa gehed ugui yadahdaa dorduulahgui bailgachih uhaan baidaggui l yum baihdaa. Buhniig, bugdiig hucheer naaj nyaltsaana gej baidaggui, bolohgui gedgiig medehed tsag nar hugatsaa, uhaaral, uhaan heregteigee ch medehgui tavargagchid l tolgoi deer garaad suuchihdag boljdee hoorhii. Tsagaa medehgui nisej baij tsegee bolohoor haga unah bolnodoo.
хэн нэг далдагануур гарж ирээд бүх нэр ус солиод байдгаа болино шүү.та нар тамга тэмдэг албан бланк гэх мэт элдэв аргаар хэдэн төгрөг зулгаадагыг чини бид мэдэж байгаа .