Монгол Улсын Засгийн Газар болон “Оюу Толгой” ХХК-ийн хооронд “Өмнөд бүсийн эрчим хүчний салбарт хамтран ажиллах гэрээ”-нд гарын үсэг зурах ёслол Төрийн ордонд боллоо.Тус гэрээ нь өмнөд бүсийг цахилгаан эрчим хүчээр тогтвортой хангах цогц төлөвлөгөөг ажил хэрэг болгох, урт хугацааны стратегийн хамтын ажиллагааны үндэс суурийг тавих алхам болох агаад “Тавантолгой цахилгаан станц төсөл”-ийг амжилттай хэрэгжүүлэхэд хамтран ажиллах юм. Энэхүү ажлын хүрээнд “Тавантолгой цахилгаан станц төсөл”-ийн санхүүжилтийг олон улсын банк, санхүүгийн байгууллагуудаас босгоход шаардагдах “Оюу Толгой” ХХК-ийн толгой компанийн дэмжлэг зэрэг бусад холбогдох асуудлуудыг зохицуулсан юм.
Төрийн ордонд болсон гарын үсэг зурах ёслолд Монгол улсын Ерөнхий сайд Н.Алтанхуяг оролцсон бөгөөд Засгийн газрыг төлөөлж Эрчим хүчний сайд М.Сономпил, Эрчим хүчний зохицуулах хорооны дарга С.Отгонбаяр, Оюу Толгой компанийг төлөөлж тус компанийн ТУЗ-ийн дарга Г.Батсүх, Гүйцэтгэх ерөнхий захирал Крейг Киннел нар гэрээнд гарын үсэг зурлаа.Эрчим хүчний сайд М.Сономпил “Эрчим хүчний салбарт хамтран ажиллах хэлэлцээрийг амжилттай хэрэгжүүлснээр дотоодын цахилгаан эрчим хүч үйлдвэрлэх хүчин чадлыг нэмэгдүүлж, гадаадын хөрөнгө оруулалтыг нэмэгдүүлэх чухал ач холбогдолтой. Монгол ардын үгэнд “Дуугарвал дуу нэг, дугтарвал хүч нэг” гэсэн зүйр үг байдаг. Үүнийг Оюутолгой, Тавантолгой цахилгаан станц зэрэг мега төсөлд хэрэгжүүлэх хэрэгтэй юм” гэлээ.
Рио Тинто компанийн Зэсийн Группийн Гүйцэтгэх ерөнхий захирал Жан Себастьян Жак “Эрчим хүчний салбарт хамтран ажиллах гэрээ нь Оюу Толгойн хувьд томоохон дэвшил болж байна. Энэ нь Засгийн газар болон Оюу Толгой компани нэгдмэл зорилгын төлөө хэрхэн ажиллаж чадахыг батлан харуулсан үйл явдал боллоо. Энэ удаад бид өмнөд бүсийг урт хугацааны, эдийн засгийн хувьд өрсөлдөх чадвартай, найдвартай цахилгаан эрчим хүчээр хангахад хамтран ажиллах юм” гэж хэлсэн юм.Энэхүү арга хэмжээ нь Монгол Улсын Засгийн газар болон “Оюутолгой” ХХК хоорондын хамтын ажиллагаа, мөн харилцан ойлголцолыг харуулсан үйл явдал боллоо.
Э.Сүрэн
Сэтгэгдэл0
Сонин гэрээ шоутай хурдан батлагдлаа. нууц нь удахгүй тайлагдах байхдаа .3 увсын нөхөр юу хийсэн болдоо. Лав сайн юм хийсэн байхдаа. Оюутолгойнхон!!! Монголыг та нар залгиж амжихгүй ээ
Оюу Толгойн далд уурхайн хөрөнгө оруулалтыг зогсоож Монголд гадаадын хөрөнгө оруулалтыг хаан долларын ханшийг 1900 төгрөг хүргэсэн эдийн засгийн алуурчидтай Алтанхуяг, Ганхуяг нар зэрэгцэж зогсоод бахыг нь хангаж байх шив дээ
GUILGACHIN
ELSEN TSULDUU TSAHILGAAN STANTS BARIAD MUNGU GUIGAAD UREED HUVAAGAAD TSATSAAD TEBEGTEED BAI.
OYU TOLGOIGOO HUJAAD ALDSAN..ODOO HUJAA TSAHILGAAN STANTSAA BARIAD HUJAA URUU TSAHILGAANAA UGUH GEJ BAINA TENEG MONGOLCHUUDAA..TEER ELSEN TSULUUS HOT URUU YAMAR MAL NI TSAHILGAN TATAH BEE???