Кокаин хэрэглэсэн эсэхийг хурууны хээгээр тогтоох төхөөрөмж зохион бүтээжээ

Нийтэлсэн: 2017-09-25 14:46:06

ЛОНДОН. /Cпутник/. Кокаин хэрэглэсэн хүмүүсийг гараа угаасан ч бай хурууны хээгээр илрүүлэх аргыг Их Британийн судлаачид олжээ.
 
Оросын “Спутник” агентлагийн мэдээлснээр, кокаин хэрэглэсэн эсэхийг тогтоох маш мэдрэмтгий хурууны хээ унших төхөөрөмжийг Их Британийн Суррея их сургуулийн судлаачид Нидерландын Шүүхийн шинжилгээний үндэсний хүрээлэн ба Лондонд төвтэй “Интелижент Фингерпринтинг” компанитай хамтран зохион бүтээсэн байна.
 
Өөрөөр хэлбэл, энэ шинэ төхөөрөмж нь кокаин хэрэглэгчийн арьснаас ялгардаг бензоилкогенин болон метилэггонин хэмээх химийн бодисуудыг илрүүлдэг аж.
 
Туршилтын явцад уг төхөөрөмж нь 99 хувийн нарийвчлалтайгаар кокаин хэрэглэсэн хүмүүсийг зөв таньж байжээ.
 
Суррея их сургуулийн Химийн тэнхимийн судлаач Мелани Бэйли ярихдаа “Энэ нь мансууруулах бодис хэрэглэсэн эсэхийг илрүүлдэг одоогийн аргуудаас /шүлс, цус болон шээшсний шинжилгээ авах г.м/ илүү шуурхай бөгөөд эрүүл ахуйн шаардлага хамгийн сайн хангасан арга юм. Энэ төхөөрөмжийг хууль сахиулах байгууллагынхан удахгүй хэрэглэж эхэлнэ гэдэгт найдаж байна. Мансууруулах бодис хэрэглэсэн эсэхийг энэ төхөөрөмжөөр шалгахад ердөө 30 секунд байхад л хангалттай” гэжээ.
 
Г.Доржханд
Эх сурвалж: Монцамэ агентлаг
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: