Улаанбаатар /МОНЦАМЭ/. Улаанбаатар хотод албан ёсны айлчлал хийж буй ХБНГУ-ын Берлин муж улсын Ерөнхий сайд бөгөөд Берлин хотын Захирагч ноён Михаель Мюллерыг өнөөдөр НЗД С.Батболд хүлээн авч уулзлаа.
Монгол болон ХБНГУ олон жилийн найрсаг харилцаатай байж ирсэн. Энэ хүрээнд орон нутгуудын захиргааны байгууллагуудын хамтын ажиллагаа ч өргөжиж байгаа юм. Тиймээс ноён Михаель Мюллерын айлчлал хоёр орны хамтын ажиллагааг хөгжүүлэхэд томоохон түлхэц үзүүлнэ гэдэгт итгэлтэй байгаагааг НЗД С.Батболд уулзалтын эхэнд онцлов.
Тэрбээр, “Берлин хотод болдог “ITB Berlin” аялал жуулчлалын үзэсгэлэнд Улаанбаатар хот 2015 оноос хойш жил бүр оролцож ирсэн. Дараа дараагийн үзэсгэлэнд ч тогтмол оролцож, эх орон, түүх соёлоо олон нийтэд сурталчилан таниулах болно. Үүнд баруун Европын гол хаалга болох Берлин хот томоохон нөлөөтэй юм” хэмээв.
Берлин муж улсын Ерөнхий сайд бөгөөд Берлин хотын Захирагч ноён Михаель Мюллер, “Өглөө онгоцноос буугаад шууд Улаанбаатар хотын төлөвлөлттэй танилцсан. Бүхий л хотын дарга нарын өмнө хүн амын орон сууцжуулах болон сургууль цэцэрлэг, эмнэлгийн хүртээмж зэрэг бүхий л асуудал байдаг. Миний бие Мөн нийслэлийн удирдлагуудтай хэрхэн хамтран ажиллах талаар ярилцсан. Тэгээд Монгол залууст мэргэжлийн боловсрол эзэмшүүлэх, гүйнзгийрүүлэн суралцах чиглэлд хамтран ажиллах боломжтой гэж үзэж байгаа” гэлээ.
Уулзалтын үеэр НЗД хот төлөвлөлт болон нийтийн тээврийн салбарыг хөгжүүлэх чиглэлд Берлин хотоос туршлага судлах хүсэлтэй байгаагаа илэрхийлсэн. Ноён ноён Михаель Мюллер түүний хүсэлтийг хүлээн авч, дэмжихээ хэллээ. Мөн тэрбээр Улаанбаатар хотын төрийн захиргааны байгууллагуудын албан хаагчдыг Берлин хотод сургах боломжтой гэдгийг хэлсэн юм.
Ч.Ариунболд
Гэрэл зургийг Н.Батбаяр
Эх сурвалж: Монцамэ агентлаг
Сэтгэгдэл0
Нийтийн тээвэр гэснээс Монголчууд одоо төлбөрөө кондукторгүй төлөхөд амархан дасч чадварлаг ард түмэн гэдгээ харууллаа. харин нийтийн тээврийн үйлчилгээг соёлтой боловсон болгоход хувийн автобаазуудын чанарыг сайжруулах асуудал чухал байна. Жолооч нар маш хүнд нөхцөлд ажиллаж байна. Инженер, засварчид нь чадвар муутай, жолооч нь өөрөө машинаа засч байна. Хувийн компануудын цалин маш бага, дээр нь нийгмийн халамж маэш муу, аргагүй амьдрахын эрхэнд ажиллаж байдаг. Орон байртай жолооч нар бараг байхгүй, хаа хол хотын аль нэг захаас тэр өглөө эрт ажилдаа ирдэг. Иймд нийтийн тээврийн жолооч нарын нийгмийн халамжийг хотын захиргаа онцгой анхаарч үзэх цаг нь болсон. Мөн Хувийн автобаазуудыг шалгаж хөдөлмөр хамгааллыг сайжруулах цаг нь болсныг эрхэм мэр Батболд анхааралдаа авна уу!!!
TER TUMUR ZAMIIN AVTOBUS MOODNOOS GARCH UITGARTAI