Улаанбаатар /МОНЦАМЭ/. Улсын Нэгдүгээр төв эмнэлэгт амьтанд зүрх шилжүүлэн суулгах туршилтын мэс заслыг академич Н. Баасанжаваар удирдуулсан баг энэ сарын 19-нд анх удаа хийжээ.
Сүүлийн жилүүдэд тус эмнэлэгт Эрхтэн болон Үүдэл эсийг шилжүүлэн суулгах өндөр технологийг шат дараатай нутагшуулах хөтөлбөрийг амжилттай хэрэгжүүлж буй. Энэхүү туршилтын мэс заслыг цаашид үргэлжлүүлэн хийх юм байна.
Одоогоор тус эмнэлэг амьгүй донороос гурван хүнд нэгэн зэрэг эрхтэн шилжүүлэн суулгах түвшинд хүрсэн бөгөөд Зүрх шилжүүлэн суулгах хөтөлбөрийг хэрэгжүүлснээр дөрвөн хүний алтан амийг аврах боломж бүрдэх юм.
Сүүлийн жилүүдэд тархины үхэлтэй донороос эрхтэн шилжүүлэн суулгах эмчилгээг зургаан удаа хийж, бөөрний өвчтэй 12, элэгний өвчтэй нэг хүний амийг аварчээ. Харин энэхүү технологийн үр шимийг олон түмэнд хүргэхэд эрхтний донорын ариун үйлсийг дэмжих иргэдийн оролцоо чухал гэдгийг эмч мэргэжилтнүүд хэлж байна.
Дашрамд мэдээлэхэд, дэлхий дахинд хүний зүрх шилжүүлэн суулгах эмчилгээний донороор тархи эргэшгүй өөрчлөлтөд орсон бусад эрхтэн тогтолцоо нь зохиомол удирдлагаар хэвийн ажиллаж байгаа тохиолдлыг сонгодог байна.
Ж.Болор
Эх сурвалж: Монцамэ агентлаг
Сэтгэгдэл0
Дэлхийд анх 1963 онд хүний зүрхийг шилжүүлэн суулгах мэс ажилбар хийгдэж байсан.Тэгэхэд Монголд даруй 55 жилийн дараа дөнгөж амьтан дээр туршиж байна шүү дээ.Тэгэхээр хүн дээр зүрх шилжүүлэн суулгах талаар бол дахиад л 20-30жил хүлээх болох нээ Дэлхийн олон улёын чанартай мэс ажилбараас даруй 70 жилээр хоцорч явна гэсэн үг