Цагдаагийн тодорхойлтыг дөрвөн цэгээс олгож байна

Нийтэлсэн: 2017-05-16 15:54:27

Улаанбаатар /МОНЦАМЭ/. Гадаадад зорчих виз хүссэн иргэдэд олгодог цагдаагийн тодорхойлолтыг өнөөдрөөс Нийслэлийн үйлчилгээний нэгдсэн төвийн Драгон салбараас олгож эхэллээ.
 
ЦЕГ-ын Мэдээлэл нэгтгэн боловсруулах газрын Статистикийн хэлтсийн Лавлагааны сангийн эрхлэгч, хошууч Б.Лут-Өлзий “Цагдаагийн байгууллагын үйл ажиллагааг иргэдэд ойртуулах, чирэгдэлгүй үйлчлэх зорилгоор Нийслэлийн үйлчилгээний нэгдсэн төвийн Драгон салбараас тодорхойлолт олгодог боллоо. Ингэснээр иргэд Лавлагааны сангаас гадна ЦЕГ-ын Иргэдэд үйлчлэх төв, Нийслэлийн үйлчилгээний нэгдсэн төвийн Дүнжингарав болон Драгон салбараас тодорхойлолт авах боломж бүрдэж байна. Драгон салбараас нийслэлийн баруун хэсгийн иргэд болон Сонгинохайрхан авто вокзалаар үйлчлүүлдэг баруун аймгийн иргэд үйлчилгээ авах боломжтой” хэмээв.
 
Ч.Ариунболд
Эх сурвалж: Монцамэ агентлаг
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: