НЬЮ-ЙОРК. /TASS/. Америкийн биохимичид Индонезийн Комодо арал дээр амьдардаг аварга том хонин гүрвэлийн цуснаас шархны эдгэрэлтийг хурдасгадаг антибиотик гарган авч чаджээ. Энэ төрлийн гүрвэл нь дэлхий дээр одоо байгаа гүрвэлүүдээс хамгийн том нь бөгөөд түүнийг "Комод арлын луу" гэж нэрлэх нь бий. Энэ төрлийн зарим гүрвэлийн биеийн урт 3 метрт хүрдэг бол 80 гаруй кг жин татдаг байна.
Аварга том хонин гүрвэл нь устан мөхөж буй төрөл зүйлийн амьтан учраас Жорж Мейсоны их сургуулийн эрдэмтэд Флорида муж улсын амьтны хүрээлэнд байгаа гүрвэлээс цусыг нь авчээ.
Уг аварга хонин гүрвэлийн цуснаас гаргаж авсан бодис нь нянгийн халдварыг устгах үйлчилгээ маш сайтай болох нь тогтоогджээ. Эрдэмтэн Моника ван Хайк, Барни Бишоп нар уг бодистой төстэй бодисыг лабораторийн нөхцөлд гарган авч, түүнийгээ DRGN-1 гэж нэрлэжээ. Хулгана дээр туршиж үзэхэд уг бодис ил шархны анилт эдгэрэлтийг хавьгүй илүү хурдасгаж байгаа төдийгүй грамо сөрөг болон грамо эерэг нянг устгадаг, мөн нянгийн мембраныг уусгадаг нь болохыг тогтоожээ. Уг судалгааны ажлын үр дүнг Америкийн цэргийнхэн сонирхож эхэлсэн ба Цэргийн аюулыг бууруулах агентлагаар (Defence Thereat Reduction Agency) дамжуулан уг төслийг санхүүжүүлжээ.
Эрдэмтэд судалгаандаа зэрлэг аварга хонин гүрвэлийн цусыг авч ашиглахыг илүүд үзэж байгаа аж. Учир нь зэрлэг гүрвэлийн цус найрлагын хувьд амьтны хүрээлэнд байдаг гүрвэлийнхээс өөр байж магадгүй гэж үзэж байгаа юм. "Зэрлэг аварга гүрвэлийн биеийн дархлаа нь илүү хүчтэй байж ч мэднэ, бид зэрлэг аварга гүрвэлийн цусыг авахаас татгалзахгүй, гэхдээ биоэтикийн хэм хэмжээг баримтлан авсан нөхцөлд шүү” хэмээн Барни Бишоп ярьжээ.
Шинэ төрлийн антибиотик гарган авах асуудал өнөө үед онцгой ач холбогдолтой болж байгаагийн учир нь одоо хэрэглэж буй эм бэлдмэлүүдэд дарагддаггүй шинэ төрлийн нянгууд олноор бий болж байна. Дэлхийн Эрүүл мэндийн байгууллага /ДЭМБ/ энэ оны 2 дугаар сард антибиотикт хамгийн их тэсвэртэй бичил биетүүдийн жагсаалтыг гаргаж, тэдгээрийг устгахын тулд шинэ бэлдмэл гарган авахыг судлаачдад уриалжээ.
ДЭМБ-ын таамаглаж байгаагаар, халдварууд антибиотикт тэсвэртэй болж байгаа явдал нь ойрын хэдэн арван жилийн хугацаанд газар авч, 2050 он гэхэд эдгэшгүй өвчнөөр жилд бараг 10 сая хүн нас барахаар байгаа нь одоогийнхоос 14 дахин их тоо юм. Үүний зэрэгцээ өвчтэй иргэдийг эмчлэхтэй холбоотой улс орнуудын гаргаж буй зардлаас үүдсэн эдийн засгийн алдагдал энэ зууны дунд үе гэхэд 100 их наяд долларт хүрэх төлөвтэй байгаа ажээ.
О.Барс
Эх сурвалж: Монцамэ агентлаг
Сэтгэгдэл0
ЛИЭРКАН БҮТЭЭГДЭХҮҮН НЬ: 1. Тархи – Зүрхний судасны хатуурал нарийсал. 2. Ишеми, инфаркт /шигдээс/. 3. Даралт ба хуянг эрүүлжүүлнэ. 4. Цусыг шингэлэн, цусан дахь холестриныг бууруулна. 5. Цусан хангамж, цусны эргэлтийг сайжруулна. 6. Бусад судасны бөглөрөл болон давтан харвах зэрэг хүндрэлээс урьдчилан сэргийлнэ. ЛиЭрКан нь 100% байгалийн гаралтай, эрүүл мэндэд сөрөг нөлөөгүй. Найрлагандаа олон төрлийн ХАНААГҮЙ /ӨӨХ/ ТОСНЫ ХҮЧИЛ-ыг өндөр концентрацитай агуулсан ЭМИЙН БУС ЭМЧИЛГЭЭНИЙ бүтээгдэхүүн юм. ҮНЭ: 1 сараар хэрэглэх нь: /1 сав/ 240’000₮, 1 курс- 3 сар хэрэглэх: /3 сав/ 720’000₮, УТАС: 96665038 Та Цусны биохимийн дараах шинжилгээнүүдийг хийлгэж хэрэглээрэй. Үүнд: 1. Холестрин 2. Триглицерид 3. HDL – Өндөр нягтралтай өөх тос 4. LDL – Бага нягтралтай өөх тос ЛИ ЭР КАНы танилцуулга бичлэг: https://www.youtube.com/watch?v=XZjH7-ny-ac