Монгол Улсын ШУА, Монгол Улсын их, дээд сургуулиудын консорциумын хооронд хамтран ажиллах гэрээг пүрэв гарагт байгуулжээ. Уг гэрээнд ШУА-ийн ерөнхийлөгч, академич Б.Энхтүвшин, Монгол улсын Их, дээд сургуулиудын консорциумын ерөнхийлөгч, доктор Т.Хэрүүга нар гарын үсэг зурсан байна. ШУА болон их, дээд сургуулиудын профессор, эрдэмтэн судлаачдын оюуны боломж, бүрэлдэн бэхэжсэн материаллаг баазад түшиглэн улс орны эдийн засаг, нийгмийн нарийн ээдрээтэй асуудлыг шийдвэрлэх, өндөр түвшний судалгааг хамтран хэрэгжүүлэхэд энэ гэрээний зорилго оршиж байна.
Хоёр талаас тус тусын харъяа хүрээлэн, төвийн лабораториуд болон бусад судалгааны баазад магистрант, докторант, эрдэмтдийг харилцан ажиллуулах юм. Мөн олон улс, бүс нутгийн болон хоёр талын хамтарсан төсөл, эрдэм шинжилгээний хурал болон бусад арга хэмжээнд эрдэмтэн, судлаачид, багш оюутнуудын төлөөллийг оруулж, харилцан дэмжиж ажиллахаа илэрхийллээ. Энэхүү гэрээ нь 4 жилийн хугацаанд хүчин төгөлдөр байхаар тусгажээ.
Д.Өлзий
Эх сурвалж:
Сэтгэгдэл0
Байгаль орчин, түүх дурсгал,өв соёлынхоо төлөө тэмцэж буй төрийн бус байгууллагуудтай хэзээ гэрээ хэлэлцээ хийх гэж байна? Их, дээд сургуулиудын консорциум гэж нийтэд танил биш мөн л нэг төрийн нэртэй хэдэн их сургуулиудын ректоруудын эвлэл төрийн бус байгууллага шүү дээ... Уг нь холбоотой ажилладаг баймаар юм. Юун сүртэй юм бэ?
Энэ бол хов хоосон цаас. Заль мэх. Эндээс юу ч гарахгүй. ШУА-ийн өнөөдрийн нурсан арчаагүй байдлыг хаацайлсан зүйл.
Хүнд хэрэгтэй юм хий. Тэгвэл та нарт мөнгө олдоно. Их дээд сургууль бол хүмүүст муу ч сайн ч боловсрол олгоод мөнгөө олоод байгаа юм. Түүнээс хэнд хэрэггүй, зөвхөн өөрийнх нь амбицад хэрэгтэй цаас эрээчээд, түүнийхээ төлөө ядуу ардынхаа олсон хэдэн бор төгрөгнөөс хусаад сууна гэдэг байж болшгүй зүйл. Одоо аргаа ядаад их дээд сургуулийн оюутны төлбөрөөс паразитлахаар шийдэж л дээ, муусайн хувалзнууд. Та нарын нийгэмд оруулсан хувь нэмэр ундааны сав түүдэг ядуусынхаас ч өчүүхэн бага, учруулсан хохирол нь том дарга нарынхтай дүйж очно.