“Амралтын газар, жуулчны бааз, гэр буудлын үйлчилгээний технологи, стандарт” сургалтыг нийслэлийн Налайх дүүргийн 6-р хороо буюу Горхи-Тэрэлжийн бүс нутагт аялал жуулчлалын үйл ажиллагаа эрхлэгчдэд xоёр дахь жилдээ зохион байгууллаа.
Сургалтыг Нийслэлийн Аялал жуулчлалын газар, БОНХЯ-ны Тусгай хамгаалалттай нутгийн удирдлагын газар, Налайх дүүргийн Засаг даргын тамгын газар, Монголын зочид буудлуудын холбоо хамтран зохион байгуулсан юм.
Бизнес эрхлэгчдэд “Тусгай хамгаалалттай газар нутагт эко аялал жуулчлалын зориулалттай байр сууц, үйлчилгээнд тавих нийтлэг шаардлага MNS 6426:2013”, аялал жуулчлалын байгууллагуудын тогтвортой хөгжил, бизнесийн төлөв, үйлчилгээний чанар, үйлчилгээний ажилтны харилцаа, ёс зүйн талаар хичээл зааж, эмнэлгийн анхан шатны тусламж, галын аюулгүй байдал, гэнэтийн аюул, гамшгаас урьдчилан сэргийлэх, зочинд үйлчлэх үйлчилгээний технологи, өглөөний хоолны иж бүрдэл, төрөл, ширээ засалт, ор засалт зэрэг чиглэлээр практик дадлага явуулав.
Ж.Болор
Эх сурвалж: "Монцамэ" агентлаг
Сэтгэгдэл0
Горхи Тэрэлжийн зам үнэхээр аймаар байна. Автобус, машин бороо орсон үед явах боломжгүй аюултай байгаад Налайхын удирдлагууд анхаармаар, арга хэмжээ авахгүй бол аваар гарах бүрэн боломжтой. Мойлтын тохой, Их хуралдай, Аав мод амралтын газрууд тэрхэн богино хэмжээний замыг тавих санаачлага гаргамаар. Зөндөө л баяжаал, өргөжөөд л байгааш дээ. Туул голын " Ногоон төгөл" төслийн нэг нөхөр хашиж аваад олон гэр барьж жуулчлал хийгээд хамгаалах бүү хэл сүйтгэж байна. Туул голын сав газрынхан хяналт хийгээсэй билээ.