Баасан - 04 сарын 19,
2024
Чежү арлаас Инчхон боомт хүртэл зорчигч тээвэрлэдэг Өмнөд Солонгосын “Sewol” гатлага онгоц өчигдөр живж, хоёр хүн амиа алджээ. Тус онгоцонд 459 зорчигч байсны ихэнх нь сургуулийн сурагч бөгөөд 368 хүнийг аварсан гэж Өмнөд Солонгос мэдээлж байсан ч уг мэдээлэл ташаа болсон аж.
Эргийн хамгаалалтын болон Шар тэнгист явсан 10 гаруй усан онгоц, нисдэг тэргээр аврах ажиллагаа явуулсан ч 300 орчим хүн сураггүй болсон тухай ВВС мэдээлэв. Аврах ажиллагааны үеэр онгоц бүрэн живсэн байна. Живсэн гатлага онгоцноос 164 хүнийг аварсан бөгөөд 13 хүн гэмтэж бэртжээ.
Аврагчид онгоцны өрөөний цонхоор сурагчдыг татаж гаргасан бол зарим нь өөрсдөө ус руу үсэрсэн аж. АНУ-ын Тэнгисийн хүчин энэ ажиллагаанд туслахаар нэг хөлөг онгоц илгээжээ. Шумбагчид живсэн онгоцноос хүмүүсийг гаргахаар ажиллаж байгаа ч ус шавар ихтэй байгаагаас харагдах орчин хязгаарлагдаж, тэдний ажилд хүндрэл учирч байгаа гэнэ.
Энэхүү онгоцоор Сөүл хотын захын дүүргийн ахлах сургуулийн сурагчид Чежү арал руу дөрөв хоногийн аялал хийгээд буцаж явжээ.
Эх сурвалж:
Сэтгэгдэл0
хойт солонгост их юм хийж АНУыг шүт тэгвэл ийм болдог юм.