Бямбасүрэнгийн Баярсайхан
1985-2014
Эрдэнийн соёмбот Монгол Улсынхаа эрхэм дээд сүлдэт тугийг өглөө бүхэн хараад эрмүүн өөдрөг сэтгэлээр дүүрэн алхаж явсаар инээмсэглэн орж ирдэг анд минь нэг л өглөө ажилдаа ирсэнгүй...
Б.Баярсайхан агсны ажлын ширээ, TV9 телевизийн байр
Хаашаа явсныг хэлж чадашгүй нь. Эзнээ хүлээсэн энэ бичгийн ширээ эмзэглэн ярьж чадахгүй ч эзнийхээ халуун амьсгалыг санан үгүйлж гашуудан уйлж байгаа даа. Сүү шиг сэтгэлтэй эзнийхээ сэтгэлийг түшиж сайтай муутай монгол түмэндээ хүмүүний хорвоогийн гашуун үнэнг хүргэдэг эзэн нь энэ л ширээг тохойлдон суугаад инээмсэглэлээрээ анд нөхдөө гэрэлтүүлэн чимж суудгийг энэ ширээ бас мэднэ.
Тиймээ бидний сайхан анд найзыг маань Бямбасүрэнгийн Баярсайхан гэдэг байлаа. Хөх тэнгэрийг уйлуулж, хөрст газрыг гаслуулж, хүмүүний алтан заяаг дутуу орхиод Баяраа чи минь энэ амьдралаас яасан эрт буцав даа. Аав, ээж, алагхан хоёр үр амьдралыг хамтдаа чимж явсан хайртай хань, ахан дүүс, элгэн садан, эрхэм үйлс нэгт журмын нөхдөө уйлуулсаар нэг л өглөө нарт хорвоог орхилоо гэж үү.
Элгэмсэг сэтгэлтэй үзэгч олон маань эрхэмлэн хүндэлж явдаг уран бүтээлч залуугаа алдсандаа сэтгэлдээ уйлж суугаад “Тэр минь, чи минь, хүү минь” гээд л халаглан харамсахдаа чамайг минь бас дахин таних гэж үгүйлж байгаа нь лавтай.
Тиймээс ч эзэн бүхэн намтартай, намтар бүхэн эзэнтэй байдаг болохоор эрдэнэ мэт хүмүүн байсан чинийхээ тухай элгэмсэг үзэгч олондоо хүргэн хамтдаа эмгэнэн гашуудаж байна.
Сайхан сэтгэлтэй Бямбасүрэнгийн Баярсайхан маань 1985 оны 8 дугаар сарын 22-нд Говь-Алтай аймгийн Бугат суманд төрж, улмаар аав ээжийнхээ гар дээр өсөн торниж байгаад 1994 онд Улаанбаатар хотын Сонгинохайрхан дүүргийн 62-р дунд сургуульд элсэн суралцсаар 2004 оны хаврын анхын бороо зөөлөн шивэрсэн тэр л гэрэлт өдөр сургуулиа төгсч билээ. Амьдралын олон салаа замын бэлчир дээр зогсоод үзэгч олныхоо сэтгэлийн толинд гэрэл тусгадаг мэргэжил эзэмшихээр эргэлт буцалтгүйгээр эр хүний ёсоор шийдэж 2004 оны найртай сайхан намрын налгар өдөр Монгол Улсын Соёл Урлагийн их сургуулийн Радио телевизийн дээд сургуульд элсэн орсноороо уран бүтээлийн их уурхайн гүнд эрэл хайгууль хийхээр хөтлөгч, жүжигчин гэсэн эрхэм мэргэжлийг сонгож, их эрдмийн дууг “нүд баясгаж”, сэтгэл бадраан суралцсаар 2008 оны хаврын шувуйд айлчлан ирсэн тэр л өдөр үе тэнгийнхэнтэйгээ сургуулиа амжилттай төгсч билээ, чи минь...Тунгалаг гэгээн сэтгэлээр өөрийгөө гэрэлтүүлсээр ТВ-9 телевиз хэмээх их айлын босгоор инээмсэглэн мэндлэн орж ирсэн анд чинийхээ алтанхан хормыг бид яаж мартах билээ.
Тэр л цагаас хойш телевизийн урланд өөрийнхөө энэ биеийг хоёргүй сэтгэлээр зориулан хийж бүтээхийн урам зоригоор дүүрэн бүтээж явсаар байсандаа чи минь...
Элгэмсэг үзэгч олныхоо үзэх дуртай “Энэ өглөө” хөтөлбөрийн хөтлөгч, редактороор гар сэтгэл нийлсэн журмын нөхөдтэйгээ бүтээж байсан гэгээн түүх чинь юутай үнэ цэнэтэй юм бэ. Шударга үнэний дуу хоолой болсон ТВ-9 телевизийн “Монголкоммент” нэвтрүүлгээрээ Билгээ андтайгаа нийлж хуурамчаар инээмсэглэн толгой дохин мэндлэх хүйтэн сэтгэлтнүүдийн багийг хүй татаж хаясан давс мэт гашуун үнэнг эх орныхоо дөрвөн зүг найман зовхист халуун амьсгалтай нь хүргэж байлаа шүү дээ, чи минь...
Энэ бол бидний бас нэгэн бахархал байлаа. Цасан бударсан өвлийн хүйтэн өдрүүдийг цагаахан сэтгэлийнхээ илчээр бүлээцүүлэн уран бүтээлч бид бүхэнтэйгээ нийлэн цас мөсний орноос цагаан сахалтай буурал өвгөн, цасан охидтой шинэ оноо үзэгч олондоо бэлэглэхээр чи минь “Шинэ ондоо тавтай морил” нэвтрүүлгээр үзэгчиддээ бэлгийн дээд хамтдаа барьж байлаа шүү дээ.
Баяраа минь... Баярсайхан минь ээ... Ингээд л дурсаад байвал эрдэнийн дээд эрхэм дурсамжуудыг алтан утсаар шаглан оёсоор л байх болно доо. Чи минь хамт олныхоо хайр хүндэтгэлийг үргэлж хүлээдэг нэгэн байлаа. Нөхөрсөг зан, тусч хичээнгүй сэтгэл, хошин шогийн мэдрэмжтэй сэтгэлгээ, урлаг спортын тэргүүлэгч төдийгүй уран сайхны нэвтрүүлгийн хөтлөгч, редактор байсан гээд л жагсааж бичвэл олон болно доо.
Баяраа минь... хөх тэнгэрийг уйлуулж, хөрст газрыг гаслуулж, хүмүүний алтан заяаг дутуу орхиод чи минь энэ амьдралаас яасан эрт буцав даа. Чинийхээ алтан сайхан биеийг газар шороондоо шингээж, ариун сайхан сүнсийг тань тэнгэр бурханд даатгая даа. Сайхан хүний нүднээс бурхныг гэгээн олж үзнэ гэдэг энэ мэргэн үг яахын аргагүй бидний сайхан сэтгэлт анд нөхөр чамд зориулсан гэдэгт бид итгэж байна.
Авъяаслаг анд чиний минь ариун сэтгэл зүрхээ зориулсан, ажил үйлсийг чинь анд нөхөд чинь мөнхөд үргэлжлүүлье.
Ум сайн амгалан болтугай
TV9 телевизийн хамт олноос ...
Сэтгэгдэл0
Ум ма ни бад ми хум
Жирийн нэгэн үзэгчийн хувиар аав ээж, хань үр хүүхэд болон ар гэрийнхэнд нь гүн эмгэнэл илэрхийлье Цэл залуугаараа хаашаагаа ингэтлээ яараад явчихав даа Ямар хорвоо даахгүй гэх бишдээ Ум ма ни бад ми хум Ум сайн амгалан болтугай
Хайранч сайхан залуу минь, үнэн шударгийн төлөө үнэхээрийн дууч шувуу байж билээ. Энэ яасан ч гаслантай хорвоовдээ, энэ хүүгийн оронд энэ хулгайч, авилгач, алуурчин нараас нэгий нь аваад явахгүй яавдаа. Шударга хүүгийнхээ хойноос чиний дуу хоолойг сонсон амьдарч байсан энгийн ард түмэн чинь гашуудан уйлж байна. Хүү минь бурханы оронд тавтай нойрсоорой. УМ МАНИ ВАДМИ ХУМ.
um mani bad mi hum .hynii muug yagaad avch boldoggyi yum be bidnii dund baigaa sain hymyysiig bitgii tyryylj av
эн залуу тэгээд өвчнөөр яваад өгсөн юм үү эсвэл зодоон нүдээн, архи, аваар уу? мэдэх хүн байна уу
ээ хөөрхий үнэн байжээ арай ч үгүй байх гэж бодсон сон
Хайран сайхан залуу. Ум маани бадми хум.
UM MANI BADMN XUM HAIRAN ZALUU
Урвагч дотоодын дайснуудын саварт өртөө биз.Хайран шудрага боловсролтой эх оронч залуу.Гайгүй залуус бүрийн өмнө гадаадруу цөлөгдөх үү?? гарзанд гарах уу? гэдэг аймшигт сонголт тулгардаг болсон юм биш биздээ таминь!! базарваань. Монгол төр хууль засаг гэж ард түмэнд мэдрэгдэх юмгүй болооюудаа!!Бүгдыг хулгайчууд өмчлөөд аваагүй л байлтай.Хэзээ эх орныхоо иргэн хүн шиг амар тайван байх юм болдоо чааваас.
Hairan zaluu har zaluugaaraa yavj dee. Um ma ni bad me hum.
Юм хэлж чаддаг болохгүйг шүүмжилдэг сайхан залуу сэтгүүлчид яагаад гэнэт гэнэтхэн хорвоог орхиод байнаа.Ар гэрийнхэн нь ултай л хандаж байгаа байх даа.Ядаж л хэнтэй явав,юунаас болов...архи дарс хэрэглэсэн ч хэн байв гээд...
xairan saihan zaluu mini yab daa yamar xetsv v xorboo be jinxene ard tvmnii duu xooloi bolj tvmen olniixoo umnuus bag umssun luibarchidiin vnen dvr turhiig huulj bailaa neg yum bolj dee arai luibarchid zahialga xiigeegvi baih daa um maani badmi hum
Баабар амьд байгаа цагт энэ хэрэг тасрахгүй байх аа.
Баабар амьд байгаа цагт энэ мэт хэрэг тасрахгүй дээ.
Хайран сайхан залуу хорвоог орхин одлоо гүнээ харамсаж байна.
Баабарын балаг байж мэднэ.Оюутолгойн төлөө хэдэн ч хүнийг золигт гаргахаас буцахгүй улайрчихсан Баабарыг зогсоох цаг болсон.
Гадны захиалгаар Монголын эх орончдыг намнаж байна.
Hairan saihan zaluu harj handaj hamgaalj yavahgyi daanch yav daa uneniig aihgyigeer heldeg humuus chin hamgiin ih yavaad baigaa shyy dee,bie barsan bolohoor yunaas bolov arhinaas bolov uu hund aluulsan uu geh yum,zugeer taivan bailgaach sunsiig ni ,ug ni bie barah boloogyi baij dee ,odoo helehed hetsuu ch ideenees hordoj dee,humuusee muu yumnaas uursdiiguu sain hamgaalj yavaarai bie baraachiin ar geriihend ni gun emgenel ilerhiiley,munkh tengertei amgalan amidar daa ,tengeriin huu min
SETGUULCH HUN ZUURDAAR NAS BARSANIIG ZARIM HUMUUS YASAN IH ULS TORJUULDEG UM BE. HEND CH YUCH HEZEECH TOHILOLDOJ BOLNO SHUUDEE.