Sonin.mn » Зургийн цомог

Өөш манхан /фото нийтлэл/

maxymus — Fri, 30 Jul 2010 15:30:46 +0000

Sonin.mn- ий фото нийлэлийг үргэлж үздэг үзэгч, уншигч та бүхэндээ энэ удаа Дундговь аймгийн Өлзийт сумын буянт багийн нутагт орших говийн байгалийн өвөрмөц тогтоц бүхий Өөш манханаар аялах үедээ буулгасан гэрэл зургуудаасаа хүргэж байна

Гэрэл зургийг Б.Батгэрэл

Мото спортын бартаат замын уралдаанаас /фото сурвалжлага/

maxymus — Mon, 26 Jul 2010 03:25:12 +0000

Монголын Автомашин Мотоциклийн Спортын Холбооноос Мотоциклийн спортын анхдагчдын нэг ууган мастер Ц.Миеэгомбо агсны нэрэмжит Бартаат замын уралдааны зохион байгууллаа.
Тус тэмцээнд Монгол, Оросын 20 гаруй тамирчид хурд хүч авраалж самбаагаа сорьсноос
125сс ангилалд ОУХМ Ази тивийн аварга Э.Халиунболд тэргүүлж, Оросын тамирчин Евгений Голушка, Андрей Ружников нар удааллаа.
Мөн 80сс ангилалд Спортын дэд мастер н.Баяржаргал тэргүүлж, Мөнхболор, Оросын тамирчин Лёха нар хурдаллаа.
Энэ сарын 31нд морин даваанд Мотоциклийн бартаат замын тэмцээн явагдана.

Гэрэл зургийг Э.Ууган-Эрдэнэ

Балдан Барайвун хийд /фото нийтлэл/

maxymus — Mon, 19 Jul 2010 08:41:51 +0000

Барайвун гэдэг нь санскрит хэлний дрэвун буюу “оргилсон будаа” гэсэн утгатай үг юм. Энэ нь Энэтхэг, Төвдийн Дрэвун хийдvvдтэй шууд холбоотой болохыг харуулж байна. Балдан Барайвун хийд Гэлүгва чиглэлийн хийд ажээ. Энэхvv хийдийг 1700 оны vед Цэвээндорж гэдэг монгол лам анх байгуулсан гэдэг. Улмаар 5000 – 6000 ламтай Монгол дахь хамгийн том хийдvvдийн нэг болтлоо өссөн байна. Ид хөгжиж байх vедээ 4 сургуультай, өдөр бvр ном хурдаг 20 дугантай байжээ. Гол Цогчин дуганыг 1700 онд барьж эхлээд 1776 онд дуусгасан. 30 х 30м өргөнтэй, 12м өндөр энэ дуган нь Монголын хамгийн том барилгын нэг байв. 1900 оны vед тахал гарч лам нарын тэн хагас нь өртсөн байна. 1930 оноос Монгол улсад шашны эсрэг хэлмэгдvvлэлт эхэлж лам нарыг нь баривчилж байшин барилгыг нь устгаж эхэлсэн. Хийдийн барилгыг нураан шатааж, бурхан тахилуудыг нь хайлуулж Дэлхийн 2-р дайны бууны суманд хэрэглэжээ. Бараг 60 жилийн турш хийд рvv хөл хорьсон юм. 1990 онд цөөн тооны хэдэн лам нар Барайвун хийдэд эргэн ирж нутгийн ардуудтай хамтран жижиг модон дуган барьж хурал номыг нь сэргээжээ. Балдан барайвун хийдийн эргэн тойрон маш байгалийн vзэсгэлэнтэй бөгөөд хад чулуунуудад нь бурхадууд болон маань, мэгзэмийг сийлэх, товойлгох зэргээр дvрсэлсэн байдаг нь өнөө vед шашны дурсгал болон vлджээ. Гэвч бурхад нь ихээр сvйтгэгдсэн байдаг бөгөөд тэрхvv хэлмэгдvvлэлтийн бараан он жилvvдийн тvvхийг өгvvлэн байдаг.

Гэрэл зургийг Э.Ууган-Эрдэнэ

Бяцхан наадамчид /фото нийтлэл/

maxymus — Thu, 15 Jul 2010 07:51:35 +0000

Баяр наадмаа үзэхээр халуун нар, салхи бороог үл ажран аав ээжийгээ даган цэнгэлдэхэд ирсэн өхөөрдөм багачуудын төрх байдлыг гэрэл зурагт буулгасанаа та бүхэнд хүргэж байна.

Гэрэл зургийг Б.Батгэрэл

Дээлээр гоёсон өхөөрдөм багачууд /фото сурвалжлага/

maxymus — Thu, 15 Jul 2010 00:30:09 +0000

“Дээлтэй монгол” наадамдаа дээл гоёлоо өмсөн ээж аав, ах эгчийгээ даган Жанжины талбайдаа ирсэн өхөөрдөм багачууд энэ өдөр баяр хөөр дүүрэн байлаа.

Гэрэл зургийг Б.Батгэрэл

“Дээлтэй Монгол” наадам /фото сурвалжлага/

maxymus — Thu, 15 Jul 2010 00:20:31 +0000

Дээлтэй Монголчууд наадмын сүүлийн өдөр гоёлоо өмслөө. Тодруулбал өчигдөр Сүхбаатарын талбайд Нийслэлийн аялал жуулчлалын газар, Нийслэлийн соёл урлагийн газар, Монголын аялал жуулчлалын холбоо, “Шилмэл загвар” ХХК, “Монгол костюмс” төв “Нью жуулчин” ХХК, Монгол туургатны соёл эрдэм шинжилгээний сан хамтран “Дээлтэй Монгол” монгол үндэсний хувцасны наадам зохион байгууллаа. Наадамд Монгол дээлээрээ гоёсон найман настай балчраас эхлээд наян настай буурай оролцож Монгол үндэсний хувцасны ур хийц, өнгө донжийг гайхуулж байсан юм.

Гэрэл зургийг Б.Батгэрэл

Б.Ганбат түрүүлж, Г.Єсєхбаяр үзүүрлэлээ /фото сурвалжлага/

maxymus — Mon, 12 Jul 2010 14:11:59 +0000

Ардын хувьсгалын 89 жилийн ойн их баяр наадмын хүчит бөхийн барилдаанд улс, аймгийн алдар цолтой, залуу бөх нийлсэн нийт 512 бөх барилдлаа. үүнээс шөвгийн дөрөвт Монгол улсын гавьяат тамирчин, даян аварга Г.Өсөхбаяр, улсын арслан Х.Мөнхбаатар, улсын заан Б.Ганбат, Т.Рагчаа нар үлдэв. Үүнээс үзүүр, түрүүнд Г.Өсөхбаяр, Б.Ганбат нар үлдсэн бөгөөд улмаар Б.Ганбат түрүүлж, Г.Өсөхбаяр үзүүрлэлээ. Ийнхүү Б.Ганбат улсын арслан цол хүртлээ.

Хүй долоон худагт /Фото сурвалжлага/

maxymus — Mon, 12 Jul 2010 11:34:15 +0000

Хүй долоон худгийн ногоон дэнжид нар хур тэгширч, өвс ногоо жигдэрсэн сайхан зун болж байна. Наадамчин олон хэрхэн баярлаж буй тухай фото сурвалжлагыг сонирхоно уу?

Соёолонгийн Тоос /фото сурвалжлага/

maxymus — Mon, 12 Jul 2010 09:03:38 +0000

Хүй долоон худагт соёолон насны уралдаан өнөөдөр өглөөний 07 цагт гараанаас гарч 10 цаг гэхэд эхний морьд барианд орж, уралдаан будлиангүй боллоо. Уралдааны үеэр гараа барианы газар морь унасан хүмүүс замбараагүй давхилдаж байгаагаас болж явган хүмүүс моринд мөргүүлэх мэт хүндрэл гарч байв. Харин соёолон насны морьд барианд орох үед наадамчин олон соёолонгийн хөлсөнд хүрэх гэж хэтэрхий олуулаа гүйлдэн, барианд орж ирсэн морь, унаач хүүхэд зэргийг бүчиж тоос хүртэж, хөлсөнд хүрэхээр дайрсан нь сүүлдээ эмх замбраагүй байдал үүсгэж, унаач хүүхдүүдийг сандарган, уяачдыг наадамчин олноос зугтаахад хүргэж байлаа.

Гэрэл зургийг Э.Ууган-Эрдэнэ

Наадмын сониноос… /фото сурвалжлага/

maxymus — Mon, 12 Jul 2010 03:38:00 +0000

Монгол түмний их цэнгэл, эрийн гурван наадам нар хур тэгширсэн энэ өдрүүдэд дэлгэр сайхан үргэлжилж байна.Тєв цэнгэлдэх болон сурын талбайгаас хийсэн фото сурвалжлагыг сонирхуулж байна.

Єсвєрийн бєх

Улсын арслан Х.Мєнхбаатар

Улсын арслан Д.Ганхуяг

Улсын аварга О.Балжинням

Буриад сурын харваа

Гэрэл зургийг Б.Батгэрэл

Баяр наадмын нээлтээс /фото сурвалжлага/

maxymus — Mon, 12 Jul 2010 00:31:22 +0000

Их Монгол улс байгуулагдсаны 804, Ардын хувьсгалын 89 жилийн ойн нээлтийн ажиллагаа болж өндөрлөлөө.
Уламжлал ёсоор эхлээд төрийн ордноос есөн хөлт цагаан тугийг Төв цэнгэлдэхэд залах ёслолын ажиллагаа болов.
Улмаар Их Монгол улс байгуулагдсаны 804 Ардын хувьсгалын 89 жилийн ой албан ёсоор нээж буйг Монгол Улсын Ерөнхийлөгч Ц.Элбэгдорж зарлаж, төрийн дууллаа эгшиглүүлэв.

Ерөнхийлөгчийг нээлтийн ажиллагааг зарласны дараа тайзнаа уртын дуучид “Эртний сайхан” дууг наадамчин олонд хүргэлээ.

Харин дараа нь наадмын дэвжээнээ морь хөлөглөсөн баатар эрсийн хамт ур Их эзэн Чингис хааны дүрээр МУГЖ Д.Сосорбарам гарч ирлээ. Мөн өчигдөрхөн Алтан гадас одонгоор шагнуулсан дуучин Д.Болд “Монгол поп” хэмээх ардын хэв маяг шингэсэн шинэ стилийн дуугаа олонд хүргэсэн нь залуу үзэгчдэд нэн ялангуяа таалагдав. Нээлтийн үеэр Монгол төрийн далбааг бэлгэдсэн улаан, цэнхэр бөмбөлгийг хөөргөсөн бөгөөд эцэст нь Харангын Лхагваа “Толин хул”-аа дууллаа.Ийнхүү Монгол наадам албан ёсоор нээлтээ хийлээ.

Гэрэл зургийг Б.Батгэрэл

“Улаанбаатар Summer Fashion Week -2010″/фото сурвалжлага/

maxymus — Sat, 03 Jul 2010 09:55:18 +0000

Жил бүр “Урлах эрдэм” загварын дээд сургуулиас зохион байгуулдаг “Summer fashion Week” загварын шоу энэ сарын 21-нээс 27-ныг хүртэл “Ард” кино театрын урлаг танхимд болж өнгөрлөө. Тус шоу энэ жилийн зун, намрын загварын чиг хандлагыг тодорхойлсон аж. Загварын долоо хоногоор зуны шинэ коллекцуудыг танилцуулсан байна. Гутал, арьс ширэн эдлэлийн коллекц, төрөл бүрийн загварын коллекц, “Үндэсний стилийн гоёлын болон өдөр тутмын загвар”-ууд, “Ажил хэрэгч хүмүүст зориулсан өдөр тутмын коллекцууд” “Шифоноор урласан загварын бүтээлүүд”, “Baby show” Дизайнер Э.Энхчимэг, УЭДС-ын IV курсын оюутан Б.Уянга нар “2010 оны зуны гоёлын коллекцио тус тус танилцууллаа.

Гэрэл зургийг Б.Батгэрэл

Говь нутгийнхан / фото хөрөг нийтлэл/

maxymus — Fri, 02 Jul 2010 09:42:39 +0000

Уудам их говиор аялан ард иргэдтэй тааран, зам харгуй сураглан явахдаа тэднийг ямар их зочломтгой, тусч, сайхан сэтгэлтэй хүмүүс болохыг мэдэрч байлаа. Sonin.mn-ий уншигч, үзэгч та бүхэндээ Говь нутгийн ард түмний төрх байдал, хүүхэд залуусын зуны нэгэн өдрийн өнгийг гэрэл зурагт буулгаснаа хүргэж байна.

Гэрэл зургийг Б.Батгэрэл

Цагаан суварга /фото сурвалжлага/

maxymus — Sat, 26 Jun 2010 08:56:08 +0000

Цагаан суварга: Дундговь аймгийн Өлзийт сум.

Эрт цагийн далайн ёроолын тунамал шаварлаг хурдасны давхаргаас цагийн явцад салхи усны үйл ажиллагаагаар эвдэрч ганга мөргөцөг үүсгэсэн нь алсаас харахад суварга мэт харагддаг ажээ.

Эгц цавчим мөргөцөгийн өндөр нь 60-д м бөгөөд мөргөцөг нь нийтдээ 400-д м үргэлжилдэг.

Баруун талаасаа цагаан тал учраас мөргөцөаг нь мэдэгддэггүй бөгөөд энд их шуурганаар мал унаж үхэх нь элбэг.

Мөн хүмүүс зээр гөрөөс гэх мэт амьтдыг шахаж агнах явдал нилээд байдаг.

Шонхор шувуу

Гэрэл зургийг Б.Батгэрэл

Их газрын чулуу /фото сурвалжлага/

maxymus — Thu, 24 Jun 2010 05:47:13 +0000

Их газрын чулуу

Дундговь аймгийн Говь-Угтаал, Баянжаргалан сумдын нутагт орших Их газрын чулуун уул нь Монголын их боржин бүсийн хамгийн их хэмжээтэй хэсэг юм. Хурц шовх оргил, үлдэц хадан цохио бүхий өвөрмөц тогтоцтой үзэсгэлэнт газрын нэг бөгөөд байгалийн үзэсгэлэн, газарзүйн онцлогийг хамгаалах зорилгоор 2003 онд УИХ-ын 30 дугаар тогтоолоор улсын тусгай хамгаалалтанд авчээ. Мандалговь-иос зүүн урагш 80 километрт оршдог.

Алсад харагдах Их Газрын чулуу

Наран жаргах үе

Уртын дуучин Норовбанзад гуайд зориулсан дурсгалын хөшөө.

Их газрын чулууны боржин цохио нь ухаа ягаан өнгөтэй, том ширхэгтэй талстуудаас бүрдэх ба тууш, босоо, хөндлөн янз бүрийн хагарал газруудтай.

Их газрын чулуу нь хойш урагшаа чиглэлтэй 20 километр орчим үргэлжилсэн хоёр хэсгээс тогтох бөгөөд хамгийн өндөр цэг нь 1706 метр өндөр Ерлөг уул юм.

Их газрын чулууны бүсэд Тоонот, Агуйт, Эхийн умай, Рашаант зэрэг 40 гаруй агуй байдаг бөгөөд тэдгээр нь зүүн хэсгийн Өлзийт, Сүмбэр уулын урд хэсэгт салангид орших боржин цохионд байдаг.

Унаа хад, Боов хад, Лусын эзэн, Хаан хатан хоёр загасны ам зэрэг олон сонин тогтоц бүхий хад чулуутай.

Агуй байрлаж буй хадан цохионууд нь харгана, шаваг, буйлс зэрэг сөөг ургамал оролцсон хялгана-агьт ургамалтай. Эдгээр агуйнууд нь үзэж сонирхоход газрын бартаа багатай, хоорондоо ойрхон орших тул явган аялал хийх боломжтой юм.

Гэрэл зургийг Б.Батгэрэл

Дундговь нутгаар /фото сурвалжлага-1/

maxymus — Tue, 22 Jun 2010 00:07:11 +0000

Хайлаастайн ам:

“Sonin.mn” сайтын гэрэл зурагчин Б.Батгэрэл томилолтоос ирлээ. Түүний Дундговь аймгийн байгалийн үзэсгэлэнт, сонин содон тогтоцтой, тусгай хамгаалалттай олон газруудаар аялан явахдаа авсан зургуудаас эрхэм уншигч, үзэгч та бүхэндээ хүргэж байна.Энэ нь бидний өмнө нь хүргэж байсан Монгол орны үзэсгэлэнт байгаль, түүхэн дурсгалт газруудын цувралзургуудын үргэлжлэл болж буй юм.

Зам зуурт бороо хур, манан будан ихтэй байлаа.

Энэ бол Дундговь аймгийн Дэрэн сумын нутаг дахь Хайлаастайн ам.

Мод бутнаас шинэхэн нахиалж буй хайлаас

Бороо хур элбэгтэй сайхан улирал иржээ

Ажилсаг шоргоолж

мушгиран ургасан хайлаас мод

Уран сайхан хэлбэртэй, хүссэн зүгтээ тэмүүлэн ургах нь тун сонин

Хад чулуун дээр хүртэл ургасан байна гэвэл та итгэх үү?

” Тэмцэл ” хад чулуутай тэмцэлдээд ялан дийлж бут цохин ургасан нь

Хайлаасан төгөл дэхь хуучин өвөлжөө

Үүрээр орсон борооны дуслууд

Их Говийн алтан наран

Гэрэл зургийг Б.Батгэрэл

6-р сарын 1 /фото 2-р хэсэг/

maxymus — Tue, 01 Jun 2010 01:59:26 +0000

Өнөөдөр хүүхдийн баярын өдөр. Энд тэндгүй хүүхэд багачууд гүйлдэн, наадан тоглож, ээж аав, ах эгчийхээ хамт баяраа тэмдэглэн аз жаргал дүүрэн байна.

Гэрэл зургийг Б.Батгэрэл

6-р сарын 1 /фото 1-р хэсэг/

maxymus — Tue, 01 Jun 2010 01:24:09 +0000

Гэрэл зургийг Б.Батгэрэл

Тамхигүй өдрийн тамхичид /фото нийтлэл/

maxymus — Mon, 31 May 2010 00:08:45 +0000

Өнөөдөр бүх нийтээр тамхины хор хөнөөлийн эсрэг тэмцэх өдөр. Энэ өдрийг угтан дэлхийн өнцөг булан бүрт нэг өдрийн турш тамхинаас татгалзаж буй агуулгатай акциуд зохион байгуулж буй билээ. Манай улсад ч мөн адил.Гэвч сурсан зүйлийг сураар боож болдоггүйн адилаар, тамхи хэрэглэгчид баагиулсаар… Тамхи таны эрүүл мэндийг төдийгүй гэр бүл, үр хүүхдийг тань хордуулах сөрөг дагавартайг дахин сануулаад “Тамхигүй өдрийн тамхичдын” фото зургуудыг сонирхуулья.

Нууж татлаа гээд хордохгүй гэж үү?

тамхи залуу насыг нь “сорж” буй

Дэлгүүр, түц болгонд өнөөдөр тамхи худалдаалахыг хориглосон бичиг наалттай. Харин тэд хэрэгжүүлж байгаа болов уу?

Жолооч гудамжинд биш машиндаа байгаа болохоор… юм уу?

Тийм сайхан гэж үү?

Зургийг нь авлаа гэж уурссан энэ хүн надад хандан: “П…. минь ….” хэмээн өгүүлэв.

Энд тэндгүй…

Олуулаа, бөөнөөрөө тамхилж байна

Харийн хүнд захирамж бүр хамаагүй бололтой

Гишгээд хаячихъя…

Нууж зарж байгаа нь

Нэг тэрбум тамхичин байхад 200 сая нь эмэгтэй байдаг гэнэ. Монголд эмэгтэйчүүд тамхи татах нь өнгөрсөн жилүүдээс 1,1 хувиар нэмэгдсэн байна.

Тамхи таныг хөнөөнө

Тамхи таны амьдрах хугацааг богиносгоно

Гэрэл зураг болон тамхины эсрэг мэдээлэл, сурталчилгааны плакатыг Б.Батгэрэл

Sonin.mn news agency

Гэгээн хүслээ шивнэсэн гэрэлт зул өргөх ёслол / фото, видео сурвалжлага/

sonin — Sat, 29 May 2010 09:57:05 +0000

Бурхан багшийн мэндэлсэн, гэгээрсэн, таалал болсон давхцлын буюу буддын шашины хэллэгээр Их Дүйчин өдөр өчигдөр болж өнгөрлөө. Энэ өдөр сүсэгтэн олон мацаг барьж, буян үйлддэг учиртай. Их Дүйчин өдөр олон арга хэмжээ болсны нэг нь гэрэлт зул өргөх ёслол юм. Төв Цэнгэлдэхэд болсон уг ёслолд оролцсон олон зуун хүн өөрийн хүслийг шивнэн, бэлгэдэхийн сацуу ертөнцийн сайн сайхан зүйлийн биелэл, аз жаргалыг зөгнөн залбирсан буй за. Ямар ч шашин хүмүүний зөв амьдралын төлөө байдаг гэдэг. Гэгээн хүслээ шивнэн өргөсөн гэрэлт зул Монгол хүн бүрийн сэтгэлд сайн бодол, сайхан сэтгэлийг авчрах болтугай.

Гэрэл зургийг Э.Ууган-Эрдэнэ, Видеог Б.Батгэрэл