Sonin.mn » Ж.Батсайхан

Ховд нутгаар /фото нийтлэл/

sonin — Sat, 15 Aug 2009 11:23:08 +0000

Монголын мэдээллийн ууган сайт “SONIN.MN” эрхэм хэрэглэгчдийнхээ амралтанд зориулан Монгол орны үзэсгэлэнт байгалийг харуулсан ээлжит фото нийтлэлийг толилуулж байна. Ховд аймгаас бэлтгэсэн фото нийтлэлийг таалан сонирхоно уу?

Үзэсгэлэнт Монгол алтайн их уулс, өмнийн шаргал говь хосолсон Ховд нутаг нь олон ястны өлгий, уламжлалт ёс заншил, соёл урлагийн төв гэдгээрээ ихээхэн алдартай.

Тус аймагт Халх, Захчин, Урианхай, Өөлд, зэрэг арав гаруй ястан 76,100 км² газар нутагт тархан суурьшсан байх агаад бүгд өөр өөрийн уламжлал, аж амьдралын өвөрмөц байдлаа хадгалж үлдсэн байдаг аж.

Ховд аймаг нь засаг захиргааны 17 нэгжид (Сум) хуваагдах бөгөөд аймгийн төв Жаргалант сум нь Улаанбаатар хотоос 1580 км алслагджээ

Фото нийтлэлийг : Ж.Батсайхан

Хар ус нуур / фото нийтлэл/

sonin — Tue, 11 Aug 2009 04:40:47 +0000

“SONIN.MN” мэдээллийн сайт Монгол орны байгалийн 2009 оны зуны авсан гэрэл зургуудыг дэлхийн өнцөг булан бүрт байгаа болон ажил ихтэй, амарч амжаагүй хэрэглэгчиддээ зориулан хүргэж буй билээ. Энэ удаа Ховд аймгийн Манхан суманд байрлах Байгалийн үзэсгэлэнт Хар Ус нуурын хөвөө, ойр орчноос бэлтгэсэн фото нийтлэлийг хүргэж байна.

Фото нийтлэлийг :

Ж.Батсайхан

Архангай нутгаар /фото нийтлэл/

sonin — Thu, 30 Jul 2009 01:15:21 +0000

Байгалийн үзэсгэлэн бүрдсэн Архангай аймгаас бэлтгэсэн ээлжит фото нийтлэлийг хүргэе. Архангай аймгийн Тариат, Эрдэнэбулган, Тамир зэрэг сумын нутгийн зураг багтсан байгаа бөгөөд эрхэм таньд таалагдана гэдэгт итгэлтэй байна.

Тэрхийн цагаан нуур

Нуурын дэргэд хүрмэн чулуугаар хөшөө босгожээ

Хүрмэн чулуу гэдэг нь галт уулын царцсан хайлмаг юм

Шар нохойн там хэмээх байгалийн өвөрмөц тогтоц бүхий газар

Хоргын тогоо

Хоргын тогооны эргэн тойрон

Өвгөн мод

Төвхөний хийд дэхь Эхийн умай хад

Нутгийн олон хадны агуйг нэвтлэн гарч ирэхүйд дахин төрсөн мэт сэтгэл ариусна гэж бэлгэддэг

Борооны дараах Солонго

Хуучин гүүр

Тайхар чулуу

Би Монголд төрсөн…

Фото нийтлэлийг:

Ж.Батсайхан

Парк минь баяртай /фото сурвалжлага/

sonin — Tue, 28 Jul 2009 09:15:00 +0000

Мянга мянган Монголчуудын хүүхэд насных нь олон гэрэлт дурсамж Үндэсний Соёл Амралтын Хүрээлэн буюу бидний хэлж заншсанаар парктай холбоотой.Одоогоос нилээд хэдэн жилийн өмнө Японы “Иточу” корпорацийн санхүүжилтээр хүүхдийг паркийг шинэчилж, иж бүрэн тохижуулна хэмээн үйл ажиллагааг нь зогсоосон билээ. Гэвч даруй дөрөв дэхь оноо үдэж буй паркад маань иймэрүү л бүтээн байгуулалт явагдаж байна. Хүүхдийн паркаас хийсэн фото сурвалжлагыг эрхэм таньд толилуулья.

1997 онд нийслэлийн Засаг даргын захирамжаар Үндэсний соёл амралтын хүрээлэнгийн нийт газрыг 35.9 га болгон баталгаажуулжээ.

Энд баригдах парк Диснейландын жишигт хүрнэ хэмээн сурталчилж байсан нь саяхан

Хиймэл нуур байсан газар

” Мангасын ам”

Хачирхалтай нь паркийн 30.000 ам.метр газрыг “Эм Си Эс” группийн харьяа “Эм Си Эс хотел” компани эзэмшдэг гэнэ

Монголын мянга мянган багачууд хүүхдийн шинэ паркаа тэсэн ядан хүлээж байна

Юутай ч бид “Парк минь баяртай” хэмээн хуучин ҮСАХ- гээ үдээд даруй дөрөв дэхь оныхоо нүүрийг үзэж байна. Харин шинээр баригдсан хүрээлэндээ тухлан тоглож “Парк минь сайн байна уу?” гэх цаг хэзээ бол?

Фото сурвалжлагыг :

Ж.Батсайхан

Соёолонгийн тоосонд… /фото сурвалжлага/2-р хэсэг

sonin — Sun, 12 Jul 2009 10:03:25 +0000

Энэ жилийн соёолон насанд 286 хүлэг хурд, шандасаа сорьсон юм. Үүнээс Сэлэнгэ аймгийн Мандал сумын харьяат “Зоос” банкны ТУЗ-ын дарга Д.Батбаярын бор үрээ түрүүлэв. Аман хүзүүнд Б.Цэндбаатарын хул соёолон орж, Н.Лутбаярын халтар үрээ, Т.Галбадрахын үрээ, Н.Сүхбатын үрээ тус тус айрагдлаа.

Соёолонгийн бараа айсуй

Өнгөлж яваа хүлгүүд

Морьд барианд орж ирлээ

Сэлэнгэ аймгийн Мандал сумын харьяат “Зоос” банкны ТУЗ-ын дарга Д.Батбаярын бор үрээ

Цээжний морьд

Соёолонгийн тоосонд “даруулах” гэсэн олны бужигнаан эхэллээ

Эрэгтэй, эмэгтэй, хөгшин, хөвөөгүй соёолонгийн тоосонд “дарагдах”-ыг хүснэ

Түрүү морины хөлсөнд хүрэх гэсэн олон

Барианд орсон соёолон морьд Хүй долоон худгийг хөдөлгөөнд оруулав

Фото зургийг : Ж.Батсайхан

Сурвалжлагын өмнөх зургууд “Соёлонгийн тоосонд” / фото сурвалжлага/1-р хэсэгт буй.

Соёлонгийн тоосонд…/ фото сурвалжлага/1-р хэсэг

sonin — Sun, 12 Jul 2009 09:41:02 +0000

Монголын мэдээллийн ууган сайт “СОНИН.МН” өнөөдөр Хүй долоон худагт очиж, соёолонгийн тоосонд даруулж амжаагүй нийт хэрэглэгчиддээ зориулан Соёолон насны морьд гараа руу хөдлөхөөс эхлээд барианд ирэх хүртлэх үйл явцыг харуулсан фото сурвалжлагыг хүргэж байна. Таньд таалагдана гэдэгт итгэж байна.

Морьдыг шүдэлж, насыг нь үзэж байна

Морьд гараа руу хөдөллөө

Наадамчид Соёолонгийн тоосонд даруулахын тулд хичнээн ч удаан хүлээж чадна

Хүлээсээр л …

Магнайдаж буй морьдын бараа харагдаж эхэлжээ…

Өндөр дээрээс илүү сайн харагдана

Телевизийн шууд дамжуулах станцууд

Фото зургийг : Ж.Батсайхан

Үргэлжлэлийг “Соёлонгийн тоосонд…” / фото сурвалжлага/ 2-р хэсгээс үзнэ үү?

Хоёр Улсын мэргэн шинээр “төрж”, шагайн харваан шигшээ тоглолтууд болж байна / фото /

sonin — Sun, 12 Jul 2009 06:23:30 +0000

Их Монгол Улс байгуулагдсаны 803 жилийн ой, Ардын хувьсгалын 88 жилийн ойн үндэсний их баяр наадмын сурын харвааны төрөлд нийт 300 гаруй харваачид цэц мэргэнээ сорьсон билээ.
Үүнээс эрэгтэй харваачдыг нийт 40 сумаас 36 оносон Баян-Өлгий аймгийн харъяат Зэвсэгт хүчний Алдар спорт хорооны харваач спортын мастер Баярсайхан манлайлж, Монгол улсын мэргэн цолны болзол хангалаа.
Харин эмэгтэй харваачдаас Монгол улсын мэргэн Д.Эрдэнэтуяа, спортын дэд мастер н.Батзаяа нар тус бүр 33 оноогоор тэнцэж, товх харвахаар болсон бөгөөд үүнээс Б.Батзаяа түрүүлсэн байна.Харин наадмын бас нэгэн төрөл болох шагайн харваа аваргуудаа тодруулах арай болоогүй байгаа агаад шагайн асарт шигшээ харваа эхэлжээ. Дорноговь аймаг, Улаанбаатар төмөр зам, Дархан -Уул аймаг, Сэлэнгэ аймаг, Өмнөговь аймгийн харваачдаас энэ жилийн тэргүүн байрын эзэн тодрох ажээ.

Х.Ганбилгүүн

sonin.mn news agency

Фото зургийг: Ж.Батсайхан

Их насны морьд / фото сурвалжлага/

sonin — Sun, 12 Jul 2009 05:43:07 +0000

Их Монгол улсаа байгуулсны 803, Ардын хувьсгалын 88 жилийн ойн их баяр цэнгэл наадмын хурдан морины уралдаан үргэлжилж байна. Өчигдөр Хүй Долоон Худагт болж өнгөрсөн их насны морьдын уралдаанаас хийсэн фото сурвалжлагыг эрхэм хэрэглэгчиддээ зориулан хүргэе.Нийт 331 их насны морьд уралдсанаас Ховд аймгийн Цэцэг сумын харьяат “Бялуу” ХК-ны захирал Ц.Баатархүүгийн дэлгэр хээр түрүү магнай болсон юм. Харин Завхан аймгийн Эрдэнэхайрхан сумын харьяат “Сонор трейд” ХХК-ы захирал Б.Энхболдын Егүзэр хээр аман хүзүүдэж, П.Бат-Эрдэнийн өсгий цагаан зээрд, Б.Чинбатын зээрд, П.Сэргэлэнгийн зээрд морь тус тус айрагдсан билээ.

Төрийн наадмын түрүү магнай- П.Баатархүүгийн дэлгэр хээр хол тасарч орж ирэв

Айрагдсан Д.Бат-Эрдэнийн өсгий цагаан зээрд хүлэг

Айрагдсан Б.Чинбатын зээрд

Б.Сэргэлэнгийн зээрд морь айрагдахад дэндүү эрэмгий энэ хүүгийн ур нөлөөлсөн нь дамжиггүй

Газрын гарц тааруугаас морины тэнхээ тийм ч сайнгүй байна хэмээн уяачид хэлэлцэж байв

Их насны морьдын уралдааны үеэр 3 хүүхэд мориноос унаж, хөнгөн бэртсэн

Фото зургийг: Ж.Батсайхан

Тайлбарыг : Б.Саруул

Хур бороо дагуулсан Монгол наадмын нээлт/ фото нийтлэл/

sonin — Sun, 12 Jul 2009 01:03:22 +0000

Өнөөдөр Долдугаар сарын Арван нэгэн. Их Монгол улсаа байгуулсны 803 жилийн ой, Ардын хувьсгалын 88 жилийн ой гэх урт тодотголоосоо гадна хүн зоны сэтгэл тэнийсэн зуны дэлгэр цагт болдог Монголчуудын наадмын өдөр. Өнөө өглөө баяр наадмын нээлтийн ажиллагаа Төв Цэнгэлдэх Хүрээлэнд албан ёсоор боллоо. Хувьтай хүн хур борооноор гэж Монголчууд бэлгэшээн ярьдаг. Хур бороо дагуулсан наадмын нээлтийн ажиллагаанаас хийсэн фото нийтлэлийг Монголын мэдээллийн ууган сайт “СОНИН.МН” эрхэм хэрэглэгчиддээ толилуулж байна. Таалан болгооно уу?

Нээлтийн ажиллагаа үзэхээр ирсэн иргэд Цэнгэлдэхийн хаалга бүрт дугаарлан зогсчээ

Хур борооноос хамгаалах учиртай өнгө өнгийн шүхэр цэнгэлдэхийн үзэмжийг нэмжээ

Наадамчид Цэнгэлдэхийн дэлгэцээр гарч буй Азарганы уралдааныг үзээд нээлтийн ажиллагаагаа түр мартав

Нээлтийн ажиллагааг 60 гаруй ОНМХ сурвалжилж байна

Төрийн Есөн хөлт цагаан Туг

Монгол төрийн хүндэт харуулууд

Монгол улсын Ерөнхийлөгч Ц.Элбэгдорж анх удаагаа төрийн наадмыг нээв

Ерөнхийлөгчийн наадмыг нээж хэлсэн үг “Миний Монгол мөнх оршиг” хэмээн дуусав

Монголын ардын авьяастнууд

Ш.Гүрбазар: “Би Монголоороо гоёдог” …

УАДБЧ-ийн бүжигчид

Нисч буй хатан нээлтийн ажиллагааны шинэлэг шийдлүүдийн нэг байв

Монгол улсын хөдөлмөрийн баатар, гавьяат тамирчин, дархан аварга Ж.Мөнхбат

Монгол бөхийн алдарт хоёр дархан аварга

Монголын бахархал болсон олимпийн аварга хөдөлмөрийн баатар, гавьяат тамирчин Э.Бадар-Ууган, Д.Баатаржав нар

Морьтны үзүүлбэр

“АСА” цирк буюу хуучнаар Монгол циркийн залуу уран бүтээлчид

Монгол хатадын хувцасны үзүүлбэр

Фото зургийг : Ж.Батсайхан

Цэцээ гүний оргил- 2 / фото нийтлэл/

sonin — Mon, 22 Jun 2009 04:45:48 +0000

“СОНИН.МН” хэрэглэгчиддээ зориулан “Цэцээ гүний оргил” –ын зургуудаас хүргэж буй билээ. Богдхан уулын ноён оргил Цэцээ гүн нь далайн түвшнөөс дээш 2268 метрийн өндөрт оршдог . Цэцээ гүний оргил дээрээс авсан өртөө газрын бараа, үзэсгэлэнт байгалийн зургууд таньд таалагдана гэдэгт итгэлтэй байна.

Фото зургийг : Ж.Батсайхан

Цэцээ гүний оргил / фото нийтлэл/

sonin — Sun, 21 Jun 2009 04:05:05 +0000

“СОНИН.МН” Эрхэм хэрэглэгчдийнхээ амралтанд зориулан Монгол орны үзэсгэлэнт байгалийг харуулсан фото нийтлэлүүдийг цувралаар нийтэлж буй билээ. Энэ удаад “Цэцээ гүний оргил” –ын зургуудаас хүргэхээр бэлтгэв. Богдхан уулын ноён оргил Цэцээ гүн нь далайн түвшнөөс дээш 2268 метрийн өндөрт оршдог юм. Цэцээ гүний оргил дээрээс эргэн тойрныхоо өртөө газрын барааг харж болдог. Цэцээ гүний оргил дахь байгалийн үзэсгэлэнт тогтоцыг харуулсан фото нийтлэлийг эрхэм хэрэглэгч таньд толилуулж байна. Таалан болгооно уу?

Цэцээ гүний модод өөрийн түүхтэй

Намрын цагт Цэцээ гүн самраар баян

Өвгөн хожуул юу өгүүлнэ вэ?

Фото зургийг : Ж.Батсайхан

Нийслэл хотоо өндөр дээрээс ажихуй / фото нийтлэл/

sonin — Sat, 13 Jun 2009 06:45:22 +0000

“Мишээсэн дагина шиг миний Улаанбаатар
Зүг зүгийн хүний зүрхэнд гэрэлтэнэ” хэмээсэн үгтэй дуу бий. Үнэхээр ч мянга мянган Монголчуудын зүрхэнд Нийслэл хот маань гэрэлтэн оршдог. Энэ хотын сайн сайхан ирээдүйг бүтээх үүрэг ч та бидэнд бий.

“СОНИН.МН” эрхэм таньд “Нийслэл хотоо өндөр дээрээс ажихуй” сэдэвтэй фото нийтлэлийг толилуулж байна.

Фото зургийг Ж.Батсайхан

Нийслэлийн төв гудамжин дахь хог / фото сурвалжлага /

sonin — Fri, 05 Jun 2009 02:37:25 +0000

Нийслэл Улаанбаатар хот хур хогондоо дарагдсан тухай хэн хүнгүй л ярьдаг. Гэвч бидний дийлэнхийн ойлгодог шиг зөвхөн гэр хороололд л хог байдаггүй аж. Нийслэлийн төв гудамжинд ч ундааны лааз, төрөл бүрийн хүнсний бүтээгдэхүүний сав, хэрэглэсэн сальфетик, жимсний иш тэргүүтэн хөглөрч харагдана. “СОНИН.МН” ээлжит фото сурвалжлагаараа нийслэлийн төв гудамжин дахь хог ямар байдалтай байгаа тухай хөндлөө. Хамгийн гол нь хоггүй, цэвэр Улаанбаатарыг буй болгоход иргэн таны ухамсар, хариуцлага хамгийн чухал шүү гэдгийг онцлон өгүүлье.

Фото зургийг Ж.Батсайхан

6 сарын 1

sonin — Tue, 02 Jun 2009 04:45:21 +0000

Олон Улсын Хүүхдийн эрхийг хамгаалах өдрийг гахайн томуу, “Энтеровирус-71″ өвчнүүдийн тархалтаас сэргийлж энэ жил нийслэл Улаанбаатар хотод тэмдэглэхгүй байхаар Нийслэлийн засаг дарга, Улаанбаатар хотын захирагчын шийдвэр гарсан ч 6-р сарын 1-нд Улаанбаатар хот маань хөл хөдөлгөөн ихтэй байлаа. Энэ өдөр гэрэл зурагчин Ж.Батсайханы авсан зурагнуудыг та бүхэн сонирхоно уу.

Хаврын гоёл – 2009 (1-р хэсэг)

sonin — Wed, 20 May 2009 04:59:37 +0000

Монголын Дизайнеруудын Холбооноос жил бүр уламжлал болгон зохион байгуулдаг “Хаврын Гоёл-2009 ” наадам энэ сарын 15, 16-ны өдрүүдэд амжилттай болж өндөрлөлөө. Наадмын сонирхолтой зурагнуудаас эрхэм хүндэт уншигч та бүхэндээ хүргэж байна.

Зургийг Ж.БАТСАЙХАН